மாவட்ட செய்திகள்

நத்தக்காடையூர் அருகே மோட்டார் சைக்கிள்–மொபட் மோதல்; 2 பேர் பலி + "||" + Motorcycle-moped conflict; 2 killed

நத்தக்காடையூர் அருகே மோட்டார் சைக்கிள்–மொபட் மோதல்; 2 பேர் பலி

நத்தக்காடையூர் அருகே மோட்டார் சைக்கிள்–மொபட் மோதல்; 2 பேர் பலி
நத்தக்காடையூர் அருகே மோட்டார் சைக்கிள்–மொபட் மோதிய விபத்தில் 2 பேர் பலியானார்கள். பலத்த காயம் அடைந்த பெண்ணுக்கு தீவிர சிகிச்சை அளிக்கப்பட்டு வருகிறது.

முத்தூர்,

திருப்பூர் மாவட்டம் நத்தக்காடையூர் அருகே உள்ள ஊஞ்சமரம் மொட்டபுளியங்காட்டை சேர்ந்தவர் சுப்பிரமணி (வயது 65). கைத்தறி நெசவுத்தொழில் செய்து வந்தார். இவருடைய மனைவி செல்லம்மாள் (58). இவர்களுடைய மகன்வழி பேத்தி அனுஷியா. இவரை ஈரோடு மாவட்டம் சென்னிமலை அருகே உள்ள பசுவபட்டி பூச்சக்காட்டு வலசில் திருமணம் செய்து கொடுத்துள்ளனர்.

இந்த நிலையில் பேத்திக்கு பொங்கல் சீர்வரிசை பொருட்களை சுப்பிரமணியும், அவருடைய மனைவி செல்லம்மாளும் நேற்று காலையில் ஒரு மொபட்டில் கொண்டு சென்றனர். பின்னர் பொங்கல் சீர்வரிசையை கொடுத்து விட்டு மொபட்டில் திரும்பி சென்று கொண்டிருந்தனர். மொபட்டை சுப்பிரமணி ஓட்டினார். பின் இருக்கையில் செல்லம்மாள் அமர்ந்து இருந்தார். இவர்களுடைய மொபட் முத்தூர் அருகே பழையக்கோட்டை புதூர் பஸ் நிலையம் அருகே மயான வளைவில் சென்று கொண்டிருந்தது.

அப்போது எதிரே ஒரு மோட்டார் சைக்கிளில் நாகை மாவட்டம் சீர்காழி அருகே உள்ள வடரங்கம் அகரெழுத்தூர் பகுதியை சேர்ந்த கிருஷ்ணகுமார் (33) என்பவர் வந்து கொண்டிருந்தார். கண் இமைக்கும் நேரத்தில் மோட்டார் சைக்கிளும், மொபட்டும் நேருக்கு நேர் மோதிக்கொண்டன. இந்த விபத்தில் மொபட்டில் சென்ற சுப்பிரமணி, செல்லம்மாள் மற்றும் மோட்டார் சைக்கிளில் சென்ற கிருஷ்ணகுமார் ஆகியோர் பலத்த காயம் அடைந்தனர். இந்த விபத்தில் சம்பவ இடத்திலேயே சுப்பிரமணி பலியானார். உடனே அருகில் இருந்தவர்கள் கிருஷ்ணகுமாரை மீட்டு காங்கேயம் அரசு ஆஸ்பத்திரிக்கு கொண்டு சென்றனர்.

அங்கு அவருக்கு முதலுதவி சிகிச்சை அளித்த பின்னர் மேல் சிகிச்சைக்காக கோவை அரசு ஆஸ்பத்திரிக்கு கொண்டு செல்லப்பட்டார். ஆனால் ஆஸ்பத்திரிக்கு போகும் வழியிலேயே கிருஷ்ணகுமார் இறந்தார். செல்லம்மாளை மீட்டு ஈரோட்டில் உள்ள தனியார் ஆஸ்பத்திரியில் சேர்த்தனர். அங்கு அவருக்கு தீவிர சிகிச்சை அளிக்கப்பட்டு வருகிறது. இந்த விபத்து தொடர்பாக காங்கேயம் போலீசார் வழக்குப்பதிவு செய்து விசாரணை நடத்தி வருகிறார்கள்.


தொடர்புடைய செய்திகள்

1. நம்பியூர் அருகே பரிதாபம் குட்டையில் மூழ்கி வாலிபர் பலி
நம்பியூர் அருகே குட்டையில் மூழ்கி வாலிபர் பரிதாபமாக இறந்தார்.
2. தினகரனை நம்பி போட்டியிடுபவர்கள் பலிகடா தான் - அமைச்சர் ஆர்.பி.உதயகுமார் பேட்டி
தினகரனை நம்பி போட்டியிடுபவர்கள் பலிகடா தான் என்று அமைச்சர் ஆர்.பி.உதயகுமார் கூறினார்.
3. தபால் வாக்கு சீட்டு வழங்காததை கண்டித்து அரசு ஊழியர்கள், ஆசிரியர்கள் போராட்டம், தேர்தல் பணியை புறக்கணிக்க முடிவு
தபால் வாக்கு சீட்டு வழங்காததை கண்டித்து பயிற்சியை புறக்கணித்துவிட்டு அரசு ஊழியர்கள், ஆசிரியர்கள் போராட்டம் நடத்தினர். 17-ந் தேதிக்குள் வழங்கவில்லையெனில் தேர்தல் பணியை புறக்கணிக்கவும் அவர்கள் முடிவு செய்துள்ளனர்.
4. திருப்பத்தூர் அருகே கார்-மோட்டார் சைக்கிள் மோதல்; 2 பேர் பலி
திருப்பத்தூர் அருகே மானகிரி பகுதியில் மோட்டார் சைக்கிள் மீது கார் மோதியதில், மோட்டார்சைக்கிளில் வந்த 2 பேர் சம்பவ இடத்திலேயே பலியானார்கள்.
5. திருமங்கலத்தில் ஓடும் ரெயிலில் இருந்து இறங்கிய வாலிபர் சக்கரத்தில் சிக்கி பலி
திருமங்கலம் ரெயில் நிலையத்தில் ஓடும் ரெயிலில் இருந்து இறங்கிய மதுரையை சேர்ந்த வாலிபர் தண்டவாளத்தில் விழுந்து ரெயில் சக்கரத்தில் சிக்கி பரிதாபமாக இறந்துபோனார்.