மாவட்ட செய்திகள்

சிவகங்கை அருகே சாலை அமைக்கும் பணி தாமதத்தால் பொதுமக்கள் அவதி + "||" + People are suffering from road construction work delay

சிவகங்கை அருகே சாலை அமைக்கும் பணி தாமதத்தால் பொதுமக்கள் அவதி

சிவகங்கை அருகே சாலை அமைக்கும் பணி தாமதத்தால் பொதுமக்கள் அவதி
சிவகங்கை அருகே சாலை அமைக்கும் பணி தாமதமாக நடைபெற்று வருவதால், பொதுமக்கள் கடும் அவதியடைந்து வருகின்றனர். அவர்கள் விரைவில் பணியை முடிக்க வேண்டுகோள் விடுத்துள்ளனர்.

சிவகங்கை,

சிவகங்கை–மதுரை சாலையில் முத்துப்பட்டி அருகே மானகுடி, சக்கந்தி வரை செல்லும் தார்ச்சாலை உள்ளது. இதன் வழியாகத்தான் மானகுடி, கொட்டகுடி, பில்லத்தி, பைசஸ்பார்க், பாசாங்கரை, சக்கந்தி ஆகிய கிராமங்களுக்கு பொதுமக்கள் சென்று வருகின்றனர். இந்த சாலை கடந்த 10 ஆண்டுகளுக்கும் மேலாக பழுதடைந்து காணப்பட்டது. இதுகுறித்து அந்த பகுதி பொதுமக்கள் புகார் தெரிவித்தனர்.

அதைத்தொடர்ந்து கடந்த ஜூன் (2018) மாதம் சீரமைக்கும் பணிகள் தொடங்கின. முதல் கட்ட பணிக்காக சரளை கற்கள் பரப்பி கிராவல் மண் மூலம் சாலை செப்பனிடப்பட்டது. அந்த பணி நிறைவடைந்து 4 மாதங்கள் ஆன நிலையில், இன்று வரை தார்ச்சாலை அமைக்கும் பணிகள் நிறைவு பெறாமல் உள்ளது.

இதனால், மானகுடி, கொட்டகுடி, சக்கந்தி உள்ளிட்ட கிராமங்களுக்கு அந்த பகுதி வழியாக இருசக்கரம் உள்ளிட்ட பலதரப்பட்ட வாகனங்களும், வாகன ஓட்டிகளும், பொதுமக்களும் மிகுந்த அவதிக்குள்ளாகி வருகின்றனர்.

மேலும் மழை காலங்களில் போது இந்த சாலை சேறும் சகதியுமாக மாறி, போக்குவரத்திற்கு இடையூறாக உள்ளது. இரவு நேரங்களில் இந்த சாலையில் சைக்கிள் மற்றும் வாகனங்களில் வருவோர், விபத்தில் சிக்கி காயமடைந்து செல்கின்றனர்.

எனவே மாவட்ட நிர்வாகம் உரிய நடவடிக்கை எடுத்து விரைவில் மானகுடி, சக்கந்தி சாலையை தார்ச்சாலையாக அமைக்க வேண்டும் என அந்த பகுதி பொதுமக்கள் வேண்டுகோள் விடுத்துள்ளனர்.


தொடர்புடைய செய்திகள்

1. ஈரோடு காவிரிக்கரையில் திதி, தர்ப்பணம் கொடுக்க இட ஒதுக்கீடு பொதுமக்கள் கோரிக்கையை ஏற்று அதிகாரிகள் ஆய்வு
ஈரோடு காவிரிக்கரையில் திதி, தர்ப்பணம் கொடுக்க இட ஒதுக்கீடு செய்ய வேண்டும் என்கிற பொதுமக்களின் கோரிக்கையை ஏற்று மாநகராட்சி அதிகாரிகள் ஆய்வு செய்தனர்.
2. வேளாங்கண்ணி அருகே சேதமடைந்த மேல்நிலை நீர்த்தேக்க தொட்டி இடிக்கப்படுமா? பொதுமக்கள் எதிர்பார்ப்பு
வேளாங்கண்ணி அருகே சேதமடைந்த மேல்நிலை நீர்த்தேக்க தொட்டியை இடிக்க வேண்டும் என்று பொதுமக்கள் எதிர்பார்த்துள்ளனர்.
3. அரசு போக்குவரத்து கழகம் சார்பில் பொதுமக்கள் பயன்பாட்டிற்காக 9 புதிய பஸ்கள் அமைச்சர் மணிகண்டன் தொடங்கி வைத்தார்
தமிழ்நாடு அரசு போக்குவரத்து கழகம் சார்பில் பொதுமக்கள் பயன்பாட்டிற்காக 9 புதிய பஸ்களை அமைச்சர் மணிகண்டன் தொடங்கி வைத்தார்.
4. பாதாள சாக்கடை நிரம்பி தெருக்களில் ஓடும் கழிவுநீர் பொதுமக்கள் அவதி
பாதாள சாக்கடை நிரம்பி தெருக்களில் கழிவுநீர் ஓடுவதால் பொதுமக்கள் அவதி அடைந்து வருகின்றனர்.
5. பிரச்சினைகள் தொடர்பாக பொதுமக்கள் மன்றத்தில் விவாதிக்க தயார்: கவர்னர் கிரண்பெடி சவால், நாராயணசாமி பதிலடி
பிரச்சினைகள் தொடர்பாக முதல்-அமைச்சர் மற்றும் அமைச்சர்களுடன் பொதுமக்கள் மன்றத்தில் விவாதிக்க தயார் என்று கவர்னர் கிரண்பெடி சவால் விடுத்துள்ளார்.