மாவட்ட செய்திகள்

கற்றல் குறைபாடுள்ள மாணவர்களுக்கு ரோபோ மூலம் பாடம் நடத்த நடவடிக்கை அமைச்சர் கே.ஏ.செங்கோட்டையன் பேட்டி + "||" + Learning to conduct a lesson with a robot for learning students

கற்றல் குறைபாடுள்ள மாணவர்களுக்கு ரோபோ மூலம் பாடம் நடத்த நடவடிக்கை அமைச்சர் கே.ஏ.செங்கோட்டையன் பேட்டி

கற்றல் குறைபாடுள்ள மாணவர்களுக்கு ரோபோ மூலம் பாடம் நடத்த நடவடிக்கை அமைச்சர் கே.ஏ.செங்கோட்டையன் பேட்டி
கற்றல் குறைபாடுள்ள மாணவர்களுக்கு ‘ரோபோ‘ மூலம் பாடம் நடத்தப்படும் என்று அமைச்சர் கே.ஏ.செங்கோட்டையன் கூறினார்.

ஈரோடு,

ஈரோடு மாவட்டம் கோபி அருகே உள்ள நாதிபாளையத்தில் வேளாண்மை விற்பனை மற்றும் வேளாண் வணிகத்துறையின் சார்பில் நெல் சேமிப்பு கிடங்குடன் கூடிய வணிக வளாகம் கட்டுவதற்கான பணிகள் தொடக்க விழா நடைபெற்றது.

விழாவில் கலந்து கொண்ட பள்ளிக்கல்வித்துறை அமைச்சர் கே.ஏ.செங்கோட்டையன் நிருபர்களுக்கு பேட்டி அளித்தார். அப்போது அவர் கூறியதாவது:–

தமிழக முதல்–அமைச்சர் எடப்பாடி பழனிசாமி, துணை முதல்–அமைச்சர் ஓ.பன்னீர்செல்வம் தலைமையில் பல்வேறு திட்டங்கள் நிறைவேற்றப்பட்டு வருகின்றன. பொங்கலையொட்டி அனைத்து குடும்ப அட்டை தாரர்களுக்கும் பொங்கல் பரிசாக ரூ.1,000 வீதம் 2 கோடியே 7 லட்சம் பேருக்கு வழங்கப்பட்டது. இதன் மூலம் இந்த அரசு அனைவரையும் அரவணைத்துச் செல்வதாக திகழ்கிறது.

முன்னாள் முதல்–அமைச்சர் ஜெயலலிதா செயல்படுத்திய திட்டங்களை இந்த அரசு தொடர்ந்து நிறைவேற்றி வருகிறது. மற்ற மாநிலங்களை ஒப்பிடும் போது தமிழ்நாட்டில் தீவிரவாதம் இல்லை. தமிழகம் அமைதி பூங்காவாக விளங்கி வருகிறது.

தமிழகத்தில் கல்வித்துறையில் பல்வேறு மாற்றங்கள் செய்யப்பட்டு வருகிறது. வரும் கல்வியாண்டில் 1 முதல் 8–ம் வகுப்பு வரை படிக்கும் மாணவ, மாணவிகளின் சீருடை வண்ணச் சீருடைகளாக மாற்றப்பட உள்ளன. தற்போது புதிதாக கல்வித்துறை சார்பில் எல்.கே.ஜி., யு.கே.ஜி. வகுப்புகள் தொடங்கப்பட்டுள்ளன. இதன் மூலம் 1 லட்சம் பேர் பயன்பெறுகிறார்கள்.

தனியார் பள்ளிகளுக்கு இணையாக மார்ச் மாதத்திற்குள் ஸ்மார்ட் வகுப்புகள் தொடங்கப்படும். 8, 9, 10, 11, 12 ஆகிய வகுப்புகளில் இன்டர்நெட் உடன் கூடிய கம்ப்யூட்டர் வசதி செய்து தரப்படும். தமிழகத்தில் கற்றல் குறைபாடு உள்ள மாணவ–மாணவிகளுக்கு அவர்களின் திறனை வளர்ப்பதற்கு ‘ரோபோ‘ மூலம் பாடம் நடத்தும் முறையை பள்ளிகளில் தொடங்க நடவடிக்கை எடுக்கப்படும். ஆசிரியர்களுக்கான பயோ மெட்ரிக் முறை விரைவில் அமல்படுத்தப்படும்.

இவ்வாறு அவர் கூறினார்.

அதைத்தொடர்ந்து நிருபர்கள் அமைச்சரிடம், ‘போராட்டத்தில் ஈடுபட்ட ஆசிரிய–ஆசிரியைகள், அரசு ஊழியர்கள் மீது நடவடிக்கை எடுக்கப்பட்டு வருவது குறித்து கேள்வி எழுப்பினர். அதற்கு அமைச்சர் கே.ஏ.செங்கோட்டையன், ‘இதுபோன்ற கேள்விகளுக்கு பதில் கூறாமல் அமைதியாக இருப்பதே நல்லது’ என்று கூறினார்.


தொடர்புடைய செய்திகள்

1. புதுவையில் போதைப்பொருட்கள் நடமாட்டத்தை முற்றிலும் ஒழிக்க வேண்டும் - நாராயணசாமி உத்தரவு
புதுவை மாநிலத்தில் போதைப்பொருட்கள் நடமாட்டத்தை முற்றிலும் தடுக்க வேண்டும் என்று காவல்துறை அதிகாரிகளுக்கு முதல்–அமைச்சர் நாராயணசாமி உத்தரவிட்டார்.
2. ‘அ.தி.மு.க. தொண்டர்களின் விருப்பப்படியே கட்சியும், ஆட்சியும் நடந்து வருகிறது’ அமைச்சர் சி.வி.சண்முகம் பேட்டி
அ.தி.மு.க. தொண்டர்களின் விருப்பப்படியே கட்சியும், ஆட்சியும் நடந்து வருகிறது என்று அமைச்சர் சி.வி.சண்முகம் கூறினார்.
3. நாடாளுமன்ற தேர்தலில் பா.ஜ.க.வுடன் கூட்டணி வைத்ததால் அ.தி.மு.க. தோல்வியை சந்தித்தது - அமைச்சர் சி.வி.சண்முகம்
நாடாளுமன்றத்துக்கு நடந்த தேர்தலில் பா.ஜனதா கட்சியுடன் கூட்டணி வைத்ததால்தான் அ.தி.மு.க. தோல்வியை சந்தித்தது என்று அமைச்சர் சி.வி.சண்முகம் கூறினார்.
4. ராஜன் செல்லப்பா கருத்து அ.தி.மு.க.வில் சலசலப்பை உருவாக்கும் - அமைச்சர் ராஜேந்திரபாலாஜி பேட்டி
ராஜன் செல்லப்பா எம்.எல்.ஏ.வின் கருத்து அ.தி.மு.க.வில் சலசலப்பை உருவாக்கும் என்று அமைச்சர் ராஜேந்திரபாலாஜி கூறினார்.
5. திருப்புவனம் அரசு மருத்துவமனை பழைய கட்டிடத்தை இடிக்க அமைச்சர் பாஸ்கரன் உத்தரவு
திருப்புவனம் அரசு மருத்துவமனையில் திடீர் ஆய்வு மேற்கொண்ட அமைச்சர் பாஸ்கரன், மருத்துவமனை பழைய கட்டிடத்தி இடித்து அப்புறப்படுத்த உத்தரவிட்டார்.