மாவட்ட செய்திகள்

குடோனில் பதுக்கி வைத்திருந்த ரூ.1 லட்சம் புகையிலை பொருட்கள் பறிமுதல் + "||" + Had hoarded in cudown Rs.1 lakh seized tobacco products

குடோனில் பதுக்கி வைத்திருந்த ரூ.1 லட்சம் புகையிலை பொருட்கள் பறிமுதல்

குடோனில் பதுக்கி வைத்திருந்த ரூ.1 லட்சம் புகையிலை பொருட்கள் பறிமுதல்
விழுப்புரத்தில் குடோனில் பதுக்கி வைத்திருந்த ரூ.1 லட்சம் மதிப்புள்ள புகையிலை பொருட்களை உணவு பாதுகாப்புத்துறையினர் பறிமுதல் செய்தனர்.
விழுப்புரம், 

விழுப்புரம் சாலாமேடு பகுதியில் அரசால் தடை செய்யப்பட்ட புகையிலை பொருட் களை பதுக்கி வைத்து விற்பனை செய்யப்படுவதாக நேற்று மதியம் மாவட்ட உணவு பாதுகாப்புத்துறையினருக்கு ரகசிய தகவல் கிடைத்தது.

தகவலின்பேரில் மாவட்ட உணவு பாதுகாப்பு நியமன அலுவலர் டாக்டர் வரலட்சுமி தலைமையில் உணவு பாதுகாப்பு அலுவலர்கள் ஸ்டாலின், அன்புபழனி ஆகியோர் சாலாமேடு பகுதிக்கு விரைந்து சென்று அதிரடி சோதனையில் ஈடுபட்டனர்.

அப்போது அங்கு சிங்கப்பூர் நகரில் உள்ள ஒரு குடோனை சோதனை செய்ததில் அந்த குடோனில் 150 கிலோ தடை செய்யப்பட்ட குட்கா, பான்பராக் உள்ளிட்ட புகையிலை பொருட்கள் இருந்தது கண்டுபிடிக்கப்பட்டது.

விசாரணையில், அதே பகுதியை சேர்ந்த அஷ்ரப் என்பவர் இந்த புகையிலை பொருட்களை திருவண்ணாமலையில் இருந்து மொத்தமாக வாங்கி, குடோனில் பதுக்கி வைத்து விழுப்புரம் பகுதியில் உள்ள கடைகளுக்கு விற்பனை செய்து வந்தது தெரியவந்தது. இதையடுத்து அவருக்கு எச்சரிக்கை நோட்டீசு வழங்கிய அதிகாரிகள், ரூ.1 லட்சம் மதிப்புள்ள அந்த புகையிலை பொருட்களை பறிமுதல் செய்தனர்.

இதுகுறித்து உணவு பாதுகாப்புத்துறை நியமன அதிகாரி வரலட்சுமி கூறுகையில், தற்போது பறிமுதல் செய்யப்பட்டுள்ள புகையிலை பொருட்களின் சில மாதிரியை எடுத்து கோவையில் உள்ள உணவு பகுப்பாய்வகத்திற்கு அனுப்பி வைக்கப்படும். மேலும் அஷ்ரப் மீது நீதிமன்றத்தில் வழக்கு தொடரவும் முடிவு செய்துள்ளோம் என்றார்.

தொடர்புடைய செய்திகள்

1. பெங்களூருவில் இருந்து திண்டுக்கல்லுக்கு, ஆம்னி பஸ்சில் கடத்திய 600 கிலோ புகையிலை பொருட்கள் பறிமுதல் - டிரைவர்கள் உள்பட 5 பேர் கைது
பெங்களூருவில் இருந்து திண்டுக்கல்லுக்கு கடத்திய 600 கிலோ புகையிலை பொருட்கள் பறிமுதல் செய்யப்பட்டன. டிரைவர் உள்பட 5 பேர் கைது செய்யப்பட்டனர்.
2. ஈரோட்டில் ரூ.16 லட்சம் புகையிலை பொருட்கள் பறிமுதல்; அதிகாரிகள் நடவடிக்கை
ஈரோட்டில் ரூ.16 லட்சம் புகையிலை பொருட்களை அதிகாரிகள் பறிமுதல் செய்து நடவடிக்கை எடுத்தனர்.
3. சங்ககிரியில், ரூ.14 லட்சம் புகையிலை பொருட்கள் பறிமுதல் -வீட்டுக்கு ‘சீல்’ வைப்பு
சங்ககிரியில் வீட்டில் பதுக்கிய ரூ.14¾ லட்சம் மதிப்புள்ள புகையிலை பொருட்கள் பறிமுதல் செய்யப்பட்டது. அந்த வீட்டுக்கு ‘சீல்‘ வைக்கப்பட்டது.
4. கோழி இறைச்சி கடையில் வைத்து விற்பனை, 260 கிலோ புகையிலை பொருட்கள் பறிமுதல் - வியாபாரி கைது
திண்டுக்கல்லில் 260 கிலோ புகையிலை பொருட்களை போலீசார் பறிமுதல் செய்தனர். கோழி இறைச்சி கடையில் வைத்து விற்றவரை, போலீசார் கைது செய்தனர்.
5. காவேரிப்பட்டணம் அருகே ரூ.1 லட்சம் புகையிலை பொருட்கள் பறிமுதல்
காவேரிப்பட்டணம் அருகே ரூ.1½ லட்சம் மதிப்புள்ள புகையிலை பொருட்களை போலீசார் பறிமுதல் செய்தனர்.