மாவட்ட செய்திகள்

புழல் அருகே, குடும்பத் தகராறில் மனைவி தீக்குளிப்பு; காப்பாற்ற முயன்ற கணவரும் படுகாயம் + "||" + Wife's fire in family dispute; Husband injured who tried to save her

புழல் அருகே, குடும்பத் தகராறில் மனைவி தீக்குளிப்பு; காப்பாற்ற முயன்ற கணவரும் படுகாயம்

புழல் அருகே, குடும்பத் தகராறில் மனைவி தீக்குளிப்பு; காப்பாற்ற முயன்ற கணவரும் படுகாயம்
புழல் அருகே குடும்பத் தகராறில் மனைவி தீக்குளித்தார். அவரை காப்பாற்ற முயன்ற கணவரும் படுகாயம் அடைந்தார். இருவரும் மருத்துவமனையில் அனுமதிக்கப்பட்டு உள்ளனர்.

செங்குன்றம்,

சென்னையை அடுத்த புழல் வள்ளுவன் நகரைச் சேர்ந்தவர் இளையராஜா(வயது 36). வெல்டர். இவருடைய மனைவி சாமுண்டீஸ்வரி(30). இவர்களுக்கு 7 வயதில் ஒரு மகனும், 6 வயதில் ஒரு மகளும் உள்ளனர்.

இளையராஜாவுக்கு குடிப்பழக்கம் இருப்பதாக கூறப்படுகிறது. அவர், அடிக்கடி குடித்துவிட்டு வீட்டுக்கு வந்து மனைவியிடம் தகராறு செய்வது வழக்கம். இதனால் கணவன்–மனைவி இடையே குடும்பத்தகராறு ஏற்பட்டு வந்தது.

நேற்று காலை வழக்கம்போல் இளையராஜா குடித்துவிட்டு வீட்டுக்கு வந்ததாக கூறப்படுகிறது. இதனால் ஏற்பட்ட தகராறில் மனம் உடைந்த சாமுண்டீஸ்வரி, வீட்டில் இருந்த மண்எண்ணெய்யை தனது உடலில் ஊற்றி தீக்குளித்தார்.

இதனால் அதிர்ச்சி அடைந்த இளையராஜா, மனைவியை காப்பாற்ற முயன்றார். அப்போது அவரது உடலிலும் தீப்பிடித்துக்கொண்டது. இருவரின் அலறல் சத்தம் கேட்டு ஓடிவந்த அக்கம் பக்கத்தினர் படுகாயம் அடைந்த இருவரையும் மீட்டு 108 ஆம்புலன்ஸ் மூலம் சென்னை கீழ்ப்பாக்கம் அரசு மருத்துவமனைக்கு அனுப்பி வைத்தனர்.

அங்கு கணவன்–மனைவி இருவரும் தீவிர சிகிச்சை பிரிவில் சிகிச்சை பெற்று வருகின்றனர். இதுபற்றி புழல் இன்ஸ்பெக்டர் நடராஜ் வழக்குப்பதிவு செய்து விசாரணை நடத்தி வருகிறார்.


தொடர்புடைய செய்திகள்

1. லாஸ்பேட்டையில் போலீஸ்காரர் தூக்குப்போட்டு தற்கொலை கடன் பிரச்சினையால் பரிதாப முடிவு
லாஸ்பேட்டையில் கடன் பிரச்சினையால் போலீஸ்காரர் தூக்குப்போட்டு தற்கொலை செய்துகொண்டார்.
2. காங்கேயம் அருகே பரிதாப சம்பவம்; கவனிக்க யாரும் இல்லாததால் தம்பதி தீக்குளித்து தற்கொலை
காங்கேயம் அருகே கவனிக்க யாரும் இல்லாததால் கணவன்-மனைவி தீக்குளித்து தற்கொலை செய்துகொண்டனர். இதில் படுகாயத்துடன் தப்பிய அவர்களது பேரனுக்கு தீவிர சிகிச்சை அளிக்கப்பட்டு வருகிறது.
3. ‘‘ஊருக்கு ரோடு சரியில்லை’’ என்று கூறி செல்போன் கோபுரத்தில் ஏறி தற்கொலைக்கு முயன்ற வாலிபர்
‘‘ஊருக்கு ரோடு சரியில்லை’’ என்று கூறி, குன்னத்தூரில் செல்போன் கோபுரத்தில் ஏறி தற்கொலை மிரட்டல் விடுத்த வாலிபரை தீயணைப்பு வீரர் ஒருவர் பாதுகாப்பாக கீழே அழைத்துவந்தார்.
4. மார்த்தாண்டம் மேம்பாலத்தில் டெம்போ– லாரி மோதல்; டிரைவர் படுகாயம்
மார்த்தாண்டம் மேம்பாலத்தில் டெம்போ–லாரி மோதிய விபத்தில் டிரைவர் படுகாயம் அடைந்தார். அடிக்கடி வாகனங்கள் விபத்தில் சிக்குவதால் சம்பவத்தப்பட்ட ஆய்வு செய்து விபத்தை தவிர்க்க நடவடிக்கை எடுக்க வேண்டும் என்று பொதுமக்கள் கோரிக்கை விடுத்தனர்.
5. திருப்பத்தூர் அருகே விபத்து மரத்தில் மோதி வேன் நொறுங்கியது; பெண் பலி 15 பேர் படுகாயம்
சாலையோரம் நின்ற மரத்தில் மோதியதால் வேன் நொறுங்கியது. இதில் பெண் ஒருவர் பலியானார். மேலும் 15 பேர் படுகாயம் அடைந்தனர்.

ஆசிரியரின் தேர்வுகள்...