மாவட்ட செய்திகள்

குமரி மாவட்டத்தில் தாசில்தார்கள் உள்பட 10 அதிகாரிகள் அதிரடி இடமாற்றம் கலெக்டர் உத்தரவு + "||" + In the Kumari district, 10 officers including Tashildas were transferred by the Collector

குமரி மாவட்டத்தில் தாசில்தார்கள் உள்பட 10 அதிகாரிகள் அதிரடி இடமாற்றம் கலெக்டர் உத்தரவு

குமரி மாவட்டத்தில் தாசில்தார்கள் உள்பட 10 அதிகாரிகள் அதிரடி இடமாற்றம் கலெக்டர் உத்தரவு
குமரி மாவட்டத்தில் தாசில்தார்கள் உள்பட 10 அதிகாரிகளை அதிரடியாக இடமாற்றம் செய்து கலெக்டர் பிரசாந்த் வடநேரே உத்தரவிட்டு உள்ளார்.
நாகர்கோவில்,

நாடாளுமன்ற தேர்தலையொட்டி தமிழகம் முழுவதும் அரசு அதிகாரிகள் மற்றும் போலீசார் இடமாற்றம் செய்யப்பட்டு வருகிறார்கள். இதே போல் குமரி மாவட்டத்திலும் 8 தாசில்தார்கள் உள்பட 10 அதிகாரிகளை அதிரடியாக இடமாற்றம் செய்து கலெக்டர் பிரசாந்த் வடநேரே நேற்று உத்தரவிட்டார். அதுபற்றிய விவரம் வருமாறு:- வருவாய் மற்றும் பேரிடர் மேலாண்மை பிரிவு தனி தாசில்தார் தாஜ்நிஷா, ஊசூர் மேலாளர் (குற்றவியல்) பணிக்கு மாற்றம் செய்யப்பட்டு இருக்கிறார். சிப்காட் (நிலமெடுப்பு) தனி தாசில்தார் ராஜா இலங்கை அகதிகள் பிரிவுக்கும், அரசு கேபிள் டி.வி. தனி தாசில்தார் இன்னேஷியஸ் சேவியர் ஆதிதிராவிடர் நலத்துறைக்கும் மாற்றம் செய்யப்பட்டு இருக்கிறார்கள். இதே போல நாகர்கோவில் தேசிய நெடுஞ்சாலை (நிலமெடுப்பு) பிரிவு தனி தாசில்தார் சதானந்தன் பறக்கும் படைக்கும், பறக்கும் படை தனி தாசில்தார் ராஜசேகர் நாகர்கோவில் தேசிய நெடுஞ்சாலை (நிலமெடுப்பு) பிரிவுக்கும் மாற்றப்பட்டு உள்ளனர். மேலும் பத்மநாபபுரம் (ஆதிதிராவிடர் நலம்) தனி தாசில்தார் ரமேஷ் அரசு கேபிள் டி.வி.க்கும், தனி தாசில்தார் சுசீலா அகஸ்தீஸ்வரம் வட்ட வழங்கல் அதிகாரியாகவும், பத்மநாபபுரம் தேசிய நெடுஞ்சாலை (நிலமெடுப்பு) பிரிவு தனி தாசில்தார் சுதா விளவங்கோடு வட்ட வழங்கல் அதிகாரியாகவும் இடமாற்றம் செய்யப்பட்டு இருக்கிறார்கள்.


அதோடு மட்டும் அல்லாது அகஸ்தீஸ்வரம் வட்ட வழங்கல் அதிகாரியாக பணியாற்றி வந்த பாண்டியம்மாள் நாகர்கோவில் தேசிய நெடுஞ்சாலை (நிலமெடுப்பு) பிரிவு தனி தாசில்தாராகவும், விளவங்கோடு வட்ட வழங்கல் அதிகாரி புரந்தரதாஸ் விளவங்கோடு தேசிய நெடுஞ்சாலை (நிலமெடுப்பு) தனி தாசில்தாராகவும் மாற்றப்பட்டனர். மாவட்ட வழங்கல் மற்றும் நுகர்வோர் பாதுகாப்பு அலுவலக துணை தாசில்தாராக இருந்த ஜெகதா பதவி உயர்வு பெற்று வருவாய் மற்றும் பேரிடர் மேலாண்மை பிரிவு தனி தாசில்தாராக மாற்றலாகி உள்ளார்.

தொடர்புடைய செய்திகள்

1. வேங்கன் ஏரியில் வண்டல் மண் எடுத்து பயன்படுத்திக்கொள்ள விவசாயிகள் முன்வர வேண்டும் கலெக்டர் அறிவுறுத்தல்
வேங்கன் ஏரியில் வண்டல் மண் எடுத்து பயன்படுத்திக்கொள்ள விவசாயிகள் முன்வர வேண்டும் என்று மாவட்ட கலெக்டர் டி.ஜி.வினய் கூறினார்.
2. மனித உரிமை ஆணையம் நோட்டீஸ் எதிரொலி: எச்.ஐ.வி. பாதித்த மாணவன் மீண்டும் பள்ளியில் சேர்ப்பு கலெக்டர் நடவடிக்கை
மனித உரிமை ஆணையம் அனுப்பிய நோட்டீஸ் எதிரொலியாக எச்.ஐ.வி. பாதித்த மாணவன் மீண்டும் அரசு பள்ளியில் சேர்க்க மாவட்ட கலெக்டர் சாந்தா நடவடிக்கை எடுத்தார்.
3. வேப்பனப்பள்ளி அருகே நீர் மேலாண்மை திட்டத்தில் ஏரி தூர்வாரும் பணி கலெக்டர் பிரபாகர் தொடங்கி வைத்தார்
வேப்பனப்பள்ளி அருகே ஏரி தூர்வாரும் பணிகளை கலெக்டர் பிரபாகர் தொடங்கி வைத்தார்.
4. ஈரோடு கலெக்டர் அலுவலக வளாகத்தில் மெக்கானிக் தீக்குளிக்க முயற்சி
ஈரோடு கலெக்டர் அலுவலக வளாகத்தில் மெக்கானிக் தீக்குளிக்க முயன்றார்.
5. அரியலூர் மாவட்டத்தில் நீர் நிலைகளில் வண்டல் மண்ணை விவசாயிகள் எடுத்துக்கொள்ளலாம் கலெக்டர் தகவல்
அரியலூர் மாவட்ட நீர் நிலைகளில் உள்ள வண்டல் மண்ணை விவசாயிகள் இலவசமாக எடுத்து கொள்ளலாம் என்று கலெக்டர் டி.ஜி.வினய் தெரிவித்தார்.