ஆத்தூர் அருகே பொதுமக்கள் திடீர் சாலை மறியல் போக்குவரத்து பாதிப்பு

ஆத்தூர்,

ஆத்தூர் அருகே உள்ள நைனார்பாளையம் ஆதிதிராவிடர் மற்றும் அருந்ததியர் காலனியை சேர்ந்த 200-க்கும் மேற்பட்ட பொதுமக்கள் நேற்று காலை 9.45 மணிக்கு திடீரென்று அங்குள்ள ஆத்தூர் சாலையில் திரண்டு மறியலில் ஈடுபட்டனர். ஏராளமான பெண்கள் சாலையின் நடுவில் உட்கார்ந்திருந்தனர். இதனால் அந்த வழியாக சென்ற வாகனங்கள் நீண்ட தூரத்துக்கு அணிவகுத்து நின்றன. இது பற்றி தகவல் அறிந்ததும் ஆத்தூர் ரூரல் போலீஸ் இன்ஸ்பெக்டர் சரவணன் மற்றும் போலீசார் விரைந்து சென்று மறியலில் ஈடுபட்டவர்களிடம் பேச்சுவார்த்தை நடத்தினார்கள்.


இதையடுத்து போலீசார் இது குறித்து ஊராட்சி ஒன்றிய ஆணையாளரிடம் பேசி தகுதியான நபர்கள் சேர்க்க பரிந்துரை செய்யப்படுவார்கள். எனவே மறியலை கைவிட்டு கலைந்து செல்லுமாறு அறிவுரை வழங்கினார்கள். இதில் சமாதானம் அடைந்த அவர்கள் அங்கிருந்து கலைந்து சென்றனர்.

காலை 9.45 மணிக்கு தொடங்கிய மறியல் காலை 10.30 மணிக்கு நிறைவு பெற்றது. இதனால் அந்த பகுதியில் சுமார் 45 நிமிடங்கள் போக்குவரத்து பாதிக்கப்பட்டது.