மாவட்ட செய்திகள்

தடை செய்யப்பட்ட பிளாஸ்டிக் ரகத்தை சேர்ந்த நெய்யப்படாத கைப்பைகளை பொதுமக்கள் பயன்படுத்தக்கூடாது கலெக்டர் மலர்விழி அறிவுறுத்தல் + "||" + People do not use unwashed handbags Collector's Malarveli instruction

தடை செய்யப்பட்ட பிளாஸ்டிக் ரகத்தை சேர்ந்த நெய்யப்படாத கைப்பைகளை பொதுமக்கள் பயன்படுத்தக்கூடாது கலெக்டர் மலர்விழி அறிவுறுத்தல்

தடை செய்யப்பட்ட பிளாஸ்டிக் ரகத்தை சேர்ந்த நெய்யப்படாத கைப்பைகளை பொதுமக்கள் பயன்படுத்தக்கூடாது கலெக்டர் மலர்விழி அறிவுறுத்தல்
தடை செய்யப்பட்ட பிளாஸ்டிக் ரகத்தை சேர்ந்த நெய்யப்படாத கைப்பைகளை பொதுமக்கள் பயன்படுத்தக்கூடாது என்று தர்மபுரி மாவட்ட கலெக்டர் மலர்விழி அறிவுறுத்தி உள்ளார்.

தர்மபுரி,

இதுதொடர்பாக அவர் வெளியிட்டுள்ள செய்திக்குறிப்பில் கூறியிருப்பதாவது:–

தமிழக அரசு உத்தரவின்படி ஒருமுறை பயன்படுத்தி தூக்கி எறியப்படும் பிளாஸ்டிக் பொருட்கள் மீதான தடை கடந்த ஜனவரி மாதம் 1–ந்தேதி முதல் தமிழகம் முழுவதும் நடைமுறைக்கு வந்தது. இதன்படி 14 வகையான பிளாஸ்டிக் பொருட்களுக்கு தடை விதிக்கப்பட்டது. பிளாஸ்டிக் கைப்பைகளை மக்கள் பரவலாக பயன்படுத்தி வந்ததால் அதன் இயல்புகளை நன்கு அறிந்திருந்தனர்.

அதே நேரத்தில் நெய்யப்படாத கைப்பைகள் அமைப்பு, நிறம் மற்றும் இயல்பாக துணிப்பைகளை போலவே இருப்பதால் மக்கள் துணிப்பை என தவறாக புரிந்து கொண்டு உள்ளனர். இந்த வகையான நெய்யப்படாத பைகளின் மூலக்கூறு சுற்றுப்புற சூழலுக்கு பாதிப்பை ஏற்படுத்தக்கூடியது என்று பிளாஸ்டிக் தொழில்நுட்பம் குறித்த ஆய்வின் மூலம் உறுதி செய்யப்பட்டு உள்ளது.

நெய்யப்படாத கைப்பைகளும் தமிழக அரசால் தடை செய்யப்பட்ட பிளாஸ்டிக் ரகத்தை சேர்ந்தது ஆகும். கடந்த ஜனவரி மாதம் 1–ந்தேதி முதல் தமிழகம் பிளாஸ்டிக் மாசு இல்லாத மாநிலமாக செயல்பட தொடங்கி உள்ள நிலையில் பிளாஸ்டிக் பைகள் வகையை சேர்ந்த நெய்யப்படாத கைப்பைகள் இனிப்பு கடைகள், மருந்தகங்கள், ஓட்டல்கள் உள்ளிட்ட பல்வேறு இடங்களில் துணிப்பைகள் என கருதி பயன்படுத்தப்படுகிறது.

எனவே தர்மபுரி மாவட்டத்தில் தடை செய்யப்பட்ட பிளாஸ்டிக் ரகத்தை சேர்ந்த நெய்யப்படாத கைப்பைகளை பொதுமக்கள் பயன்படுத்தக்கூடாது. பாரம்பரிய சணல் மற்றும் துணியால் ஆன பைகள், காகித பைகளை மட்டுமே பொருட்கள் வாங்கி செல்ல பொதுமக்கள் பயன்படுத்த வேண்டும்.

இவ்வாறு அதில் கூறப்பட்டுள்ளது.


தொடர்புடைய செய்திகள்

1. ஒகேனக்கல் காவிரி ஆற்றில் 1½ லட்சம் மீன்குஞ்சுகள் விடும் திட்டம் கலெக்டர் மலர்விழி தொடங்கி வைத்தார்
ஆடிப்பெருக்கு விழாவையொட்டி ஒகேனக்கல் காவிரி ஆற்றில் மீன்வளத்தை பெருக்க 1½ லட்சம் மீன் குஞ்சுகளை விடும் திட்டத்தை கலெக்டர் மலர்விழி தொடங்கி வைத்தார்.
2. தர்மபுரியில் 53 அரங்குகளுடன் புத்தக திருவிழா கலெக்டர் மலர்விழி தொடங்கி வைத்தார்
தர்மபுரியில் 53 அரங்குகளுடன் அமைக்கப்பட்டுள்ள 2-ம் ஆண்டு புத்தக திருவிழாவை கலெக்டர் மலர்விழி தொடங்கி வைத்தார்.
3. தேர்தல் பணியில் ஈடுபடும் நுண்பார்வையாளர்களுக்கு பயிற்சி வகுப்பு கலெக்டர் மலர்விழி தலைமையில் நடந்தது
தர்மபுரி மாவட்டத்தில் தேர்தல் பணியில் ஈடுபடும் நுண்பார்வையாளர்களுக்கு பயிற்சி வகுப்பு கலெக்டர் மலர்விழி தலைமையில் நடந்தது.
4. குடும்ப நலத்துறை சார்பில் அம்மா தாய்–சேய் நல ஊட்டச்சத்து பெட்டகம் வழங்கும் திட்டம் கலெக்டர் மலர்விழி தொடங்கி வைத்தார்
குடும்ப நலத்துறை சார்பில் அம்மா தாய்–சேய் நல ஊட்டச்சத்து பெட்டகம் வழங்கும் திட்டத்தை கலெக்டர் மலர்விழி தொடங்கி வைத்தார்.
5. வெயிலின் தாக்கம் அதிகமுள்ள நேரத்தில் பொதுமக்கள் வெளியே செல்வதை தவிர்க்க வேண்டும் கலெக்டர் மலர்விழி அறிவுறுத்தல்
தர்மபுரி மாவட்டத்தில் வெயிலின் தாக்கம் அதிகமுள்ள நேரத்தில் பொதுமக்கள் வெளியே செல்வதை தவிர்க்க வேண்டும் என்று கலெக்டர் மலர்விழி அறிவுறுத்தி உள்ளார்.