மாவட்ட செய்திகள்

தென்பெண்ணை ஆற்று பகுதியில் சாக்கு மூட்டைகளில் மணல் கடத்தல் வாலிபர் கைது + "||" + The area of the river in thenpennai Sand smuggling on bare beds Young man arrested

தென்பெண்ணை ஆற்று பகுதியில் சாக்கு மூட்டைகளில் மணல் கடத்தல் வாலிபர் கைது

தென்பெண்ணை ஆற்று பகுதியில் சாக்கு மூட்டைகளில் மணல் கடத்தல் வாலிபர் கைது
தென்பெண்ணை ஆற்று பகுதியில் நூதன முறையில் சாக்கு மூட்டைகளில் மணல் கடத்திய வாலிபரை கைது செய்யப்பட்டார். தப்பி ஓடிய மற்றொருவரை போலீசார் தேடி வருகின்றனர்.

பாகூர்,

புதுவை மாநிலம் பாகூரை அடுத்த சோரியாங்குப்பம்,மற்றும் குருவிநத்தம் பகுதியில் அமைந்துள்ள தென்பெண்னை ஆற்றில் இருந்து தினமும் நூற்றுக்கணக்கான மாட்டு வண்டிகள் மற்றும் டிப்பர் லாரிகள் மூலமாக மணல் திருடப்பட்டு வந்தது. இந்த மணல் திருட்டை தடுக்க வருவாய் துறை அதிகாரிகள் மற்றும் போலீசார் தீவிர நடவடிக்கை எடுத்தனர். அதன் காரணமாக ஓரளவு மணல் திருட்டு கட்டுப்படுத்தப்பட்டுள்ளது.

கடந்த சில மாதங்களுக்கு முன்பு கவர்னர் கிரண்பெடி பாகூர் போலீஸ் நிலையத்தில் ஆய்வு செய்தார்.அப்போது மணல் கடத்தலை முழுமையாக தடுக்க வேண்டும் எனவும், மணல் கடத்தல் வழக்கு இல்லாத நிலையை உருவாக்க வேண்டும் என்றும் போலீசாருக்கு உத்தரவிட்டார்.

இதை தொடர்ந்து மணல் கடத்தலை தடுக்க சோரியாங்குப்பம், குருவி நத்தம், கொம்மந்தான்மேடு, சித்தேரி அணைக்கட்டு ஆகிய 4 இடங்களில் சோதனை சாவடிகள் அமைக்கப்பட்டு போலீசார் தீவிர கண்காணிப்பு பணியில் ஈடுபட்டு வருகிறார்கள்.நேற்று முன்தினம் சோரியாங்குப்பம் போலீசார் தென்பெண்ணை ஆற்று பகுதியில் ரோந்து பணியில் ஈடுபட்டு இருந்தனர்.

அப்போது சிலர் தண்ணீரில் மூழ்கி மணல் அள்ளி வந்து அதனை இருசக்கரவாகனத்தில் நூதனமுறையில் சாக்கு மூட்டைகளில் கட்டி கடத்த முயன்றனர்.

போலீசார் வருவதை கண்ட அவர்கள் சாக்கு மூட்டைகளை கீழே போட்டு விட்டு தப்பி ஓட முயன்றனர். இதில் ஒருவர் போலீசாரின் பிடியில் சிக்கினார். மேலும் அங்கிருந்த 20க்கும் மேற்பட்ட சாக்கு மூட்டைகளை பறிமுதல் செய்து போலீஸ் நிலையத்துக்கு கொண்டு வந்தனர்.

இது தொடர்பாக போலீசார் விசாரணை நடத்திய போது சோரியாங்குப்பம் நாகாத்தம்மன் கோவில் தெருவை சேர்ந்த செல்வதுரை(வயது25) என்பவர் கடத்தியது தெரியவந்தது. அவர் மீது கடத்தல் பிரிவின் கீழ் வழக்கு பதிவு செய்து கைது செய்தனர். தப்பி ஓடிய மற்றொரு வாலிபரை போலீசார் தேடி வருகின்றனர்.


தொடர்புடைய செய்திகள்

1. போடி அருகே மலைக்கிராமத்தில் ஆற்று தண்ணீரை கொண்டு செல்வதில் மோதல்; தொழிலாளி மீது துப்பாக்கி சூடு, மைத்துனர் கைது
போடி அருகே ஆற்று தண்ணீரை கொண்டு செல்வதில் ஏற்பட்ட மோதலில் தொழிலாளியை துப்பாக்கியால் சுட்ட அவருடைய மைத்துனரை போலீசார் கைது செய்தனர்.
2. மது விற்ற 2 பெண்கள் உள்பட 5 பேர் கைது
சேலத்தில் மது பதுக்கி விற்ற 2 பெண்கள் உள்பட 5 பேரை போலீசார் கைது செய்து அவர்களிடம் இருந்து 190 மது பாட்டில்களை பறிமுதல் செய்தனர்.
3. அரசு வேலை வாங்கி தருவதாக ரூ.45 லட்சம் மோசடி செய்த வாலிபர் கடத்தல்; 2 பேர் கைது
அரசு வேலை வாங்கி தருவதாக ரூ.45 லட்சம் மோசடி செய்த வாலிபரை கடத்திய 2 பேரை போலீசார் கைது செய்தனர்.
4. 5 பேரை தேசிய புலனாய்வு முகமை கைது செய்ததன் எதிரொலி: ராமநாதபுரம் மாவட்டத்தில் தீவிர கண்காணிப்பு
ராமநாதபுரம் மாவட்டத்தை சேர்ந்த 5 பேரை தேசிய புலனாய்வு முகமை அதிகாரிகள் கைது செய்ததன் எதிரொலியாக மாவட்டம் முழுவதும் கண்காணிப்பு தீவிரப்படுத்தப்பட்டு உள்ளது என்று போலீஸ் சூப்பிரண்டு ஓம்பிரகாஷ் மீனா தெரிவித்துள்ளார்.
5. ஈரோட்டில் கடத்தப்பட்ட சிறுமி 7 மாதங்களுக்கு பிறகு மீட்பு; போக்சோ சட்டத்தில் வாலிபர் கைது
ஈரோட்டில் கடத்தப்பட்ட சிறுமி 7 மாதங்களுக்கு பிறகு மீட்கப்பட்டார். அவரை கடத்திய வாலிபரை போக்சோ சட்டத்தின் கீழ் போலீசார் கைது செய்தனர்.