மாவட்ட செய்திகள்

கொள்ளிடம் அருகே பரபரப்பு: டாஸ்மாக் கடை கட்டும் பணியை பொதுமக்கள் தடுத்து நிறுத்தினர் + "||" + Trouble near the gorge: the public stopped the task of building a Tasmual shop

கொள்ளிடம் அருகே பரபரப்பு: டாஸ்மாக் கடை கட்டும் பணியை பொதுமக்கள் தடுத்து நிறுத்தினர்

கொள்ளிடம் அருகே பரபரப்பு: டாஸ்மாக் கடை கட்டும் பணியை பொதுமக்கள் தடுத்து நிறுத்தினர்
கொள்ளிடம் அருகே டாஸ்மாக் கடை கட்டும் பணியை பொதுமக்கள் தடுத்து நிறுத்தியதால் பரபரப்பு ஏற்பட்டது.
கொள்ளிடம்,

நாகை மாவட்டம் கொள்ளிடம் அருகே கோதண்டபுரம் கிராமத்தில் மேல்நிலைப்பள்ளிக்கு அருகில் கால்நடை மருத்துவமனைக்கு எதிரே கடைத்தெருவை ஒட்டி உள்ள நிலத்தில் நேற்று திடீரென டாஸ்மாக் ஊழியர்கள் மற்றும் பணியாளர்கள் நேற்று பொக்லின் எந்திரத்துடன் வந்து நிலத்தை சமன் செய்து டாஸ்மாக் கடை கட்டும் பணியை தொடங்கினர்.


இந்த தகவலை அறிந்த கோதண்டபுரம் வணிகர் சங்க தலைவர் பஞ்சுசெல்வராஜ் தலைமையில், செயலாளர் மூர்த்தி, துணை தலைவர் சிவக்குமார் மற்றும் 50-க்கும் மேற்பட்ட பொதுமக்கள் ஒன்று திரண்டு டாஸ்மாக் கடை கட்ட எதிர்ப்பு தெரிவித்து கோஷமிட்டு கட்டுமான பணியை தடுத்து நிறுத்தினர்.

இதனால் டாஸ்மாக் ஊழியர்கள் தாங்கள் கொண்டு வந்த சிமெண்டு மூட்டைகள் மற்றும் கட்டுமான பொருட்களை ஒரு சரக்கு ஆட்டோவில் ஏற்றிக்கொண்டு அங்கிருந்து திரும்பிச்சென்று விட்டனர்.

இதுகுறித்து வணிகர் சங்க தலைவர் கூறுகையில், மிகவும் முக்கியமான இடத்தில் யாருக்கும் தெரியாமல் டாஸ்மாக் கடை கட்டும் பணியை தொடங்கி உள்ளனர். இதுபற்றி தகவல் கிடைத்ததும் நாங்கள் அங்கு சென்று கட்டிடம் கட்டும் பணியை தடுத்து நிறுத்தி விட்டோம்.

இதையும் மீறி கட்டும் முயற்சியில் ஈடுபட்டால் கட்டிடத்தை ஆரம்ப நிலையில் தடுத்து நிறுத்துவதுடன், அதனை கண்டித்து தீக்குளிக்கும் போராட்டத்தில் ஈடுபடுவோம் என்றார்.

டாஸ்மாக் கடை கட்டும் பணியை பொதுமக்கள் தடுத்து நிறுத்திய சம்பவத்தால் அந்த பகுதியில் பெரும் பரபரப்பு ஏற்பட்டது.

தொடர்புடைய செய்திகள்

1. அம்பத்தூரில் டாஸ்மாக் பாரில் ரவுடி வெட்டிக்கொலை; 5 பேருக்கு வலைவீச்சு
அம்பத்தூரில், டாஸ்மாக் பாரில் ரவுடி வெட்டிக்கொலை செய்யப்பட்டார். தப்பி ஓடிய அவரது நண்பர்கள் 5 பேரை போலீசார் தேடி வருகின்றனர்.
2. மானாமதுரை டாஸ்மாக் கடையில் 3 மதுபாட்டில் வாங்கியவருக்கு ரூ.1000 அபராதம் விதித்த போலீசார்
மானாமதுரையில் டாஸ்மாக் கடையில் 3 மதுபாட்டில் வாங்கியவருக்கு போலீசார் ரூ.1000 அபராதம் விதித்தனர்.
3. டாஸ்மாக் கடைகளில் 100 சதவீதம் பிளாஸ்டிக் பயன்பாடு ஒழிக்கப்படும் அமைச்சர் கே.சி.கருப்பணன் பேட்டி
டாஸ்மாக் கடைகளில் 100 சதவீதம் பிளாஸ்டிக் பயன்பாடு ஒழிக்கப்படும் என்று அமைச்சர் கே.சி.கருப்பணன் கூறினார்.
4. வயது வந்தவர்கள் மட்டும் மதுபாட்டில்களை வாங்குவதற்காக ஆதார் அட்டையை கட்டாயம் ஆக்கலாமா?- மதுரை ஐகோர்ட் கிளை
வயது வந்தவர்கள் மட்டும் மதுபாட்டில்களை வாங்குவதற்காக ஆதார் அட்டையை கட்டாயம் ஆக்கலாமா? என மதுரை ஐகோர்ட் கிளை நீதிபதிகள் கேள்வி விடுத்து உள்ளனர்.