மாவட்ட செய்திகள்

கைதி சாவு விவகாரம்: சப்–இன்ஸ்பெக்டர், சிறைத்துறை அதிகாரி மீது வழக்கு + "||" + Prisoner death case Sub-inspector, sued to a prisons officer

கைதி சாவு விவகாரம்: சப்–இன்ஸ்பெக்டர், சிறைத்துறை அதிகாரி மீது வழக்கு

கைதி சாவு விவகாரம்: சப்–இன்ஸ்பெக்டர், சிறைத்துறை அதிகாரி மீது வழக்கு
சிறை கைதி மரணம் தொடர்பாக போலீஸ் சப்–இன்ஸ்பெக்டர், சிறைத்துறை அதிகாரி மீது வழக்குப்பதிவு செய்யப்பட்டுள்ளது.

புதுச்சேரி,

புதுவையை அடுத்த தமிழக பகுதியான ரெட்டிச்சாவடி கரிக்கன் நகரை சேர்ந்தவர் ஜெயமூர்த்தி (வயது 23). இவர் திருட்டு வழக்கு தொடர்பாக கைது செய்யப்பட்டு பாகூர் போலீசார் விசாரணை நடத்தினார்கள். அப்போது அவரை தாக்கியதாக கூறப்படுகிறது. அதன்பின் சிறையில் அடைக்கப்பட்ட ஜெயமூர்த்தி உடல்நலம் பாதிக்கப்பட்டு புதுவை அரசு ஆஸ்பத்திரியில் சிகிச்சை பலனின்றி கடந்த ஆண்டு நவம்பர் 27–ந்தேதி உயிரிழந்தார்.

போலீசாரின் தாக்குதலால்தான் ஜெயமூர்த்தி இறந்ததாகவும், போலீசார் மீது நடவடிக்கை எடுக்கக்கோரியும் அவரது உறவினர்கள் போராட்டம் நடத்தினார்கள். இதைத்தொடர்ந்து பாகூர் போலீஸ் சப்–இன்ஸ்பெக்டர் ஜெயகுருநாதன் பணியிடை நீக்கம் செய்யப்பட்டார்.

ஜெயமூர்த்தியின் பிரேத பரிசோதனை ஜிப்மர் ஆஸ்பத்திரியில் நடந்தது. சந்தேக மரணம் என்ற பிரிவில் பதிவு செய்யப்பட்ட இந்த வழக்கு விசாரணை சி.பி.சி.ஐ.டி. போலீசுக்கும் மாற்றப்பட்டது. ஜெயமூர்த்தியின் மரணம் தொடர்பாக நீதிபதி சரண்யா விசாரணை நடத்தி, அறிக்கையை சமர்ப்பித்தார்.

அந்த அறிக்கையின் அடிப்படையில் ஜெயமூர்த்தி மரணம் தொடர்பாக பாகூர் போலீஸ் நிலைய சப்–இன்ஸ்பெக்டராக பணியாற்றிய சிவகுருநாதன், சிறைத்துறை சூப்பிரண்டு பாஸ்கரன், சிறைத்துறை டாக்டர் ஆகியோர் மீது 304–வது (கொலை இல்லாத மரணத்தை ஏற்படுத்துதல்) பிரிவின் கீழ் வழக்குப்பதிவு செய்யப்பட்டுள்ளது.


தொடர்புடைய செய்திகள்

1. திருச்சி அருகே முத்தையம்பாளையத்தில் கோவில் விழாவில் கூட்ட நெரிசலில் சிக்கி பெண்கள் உள்பட 7 பேர் பலி
திருச்சி அருகே முத்தையம்பாளையத்தில் கோவில் விழாவில் ஏற்பட்ட நெரிசலில் சிக்கி பெண்கள் உள்பட 7 பேர் இறந்தனர். பூசாரியிடம் பிடிக்காசு வாங்க முயன்றபோது இந்த பரிதாப சம்பவம் நடந்து உள்ளது.
2. பஸ் சக்கரத்தில் சிக்கி விவசாயி பலி: போலீசாரை கண்டித்து பொதுமக்கள் சாலை மறியல் போக்குவரத்து பாதிப்பு
பஸ் சக்கரத்தில் சிக்கி விவசாயி பலியானதை தொடர்ந்து போலீசாரை கண்டித்து பொதுமக்கள் சாலை மறியலில் ஈடுபட்டதால் போக்குவரத்து பாதிக்கப்பட்டது.
3. தஞ்சை அருகே, ரோட்டு ஓர வயலில் பஸ் கவிழ்ந்து வாலிபர் பலி; 29 பேர் படுகாயம்
தஞ்சை அருகே ரோட்டு ஓர வயலில் பஸ் கவிழ்ந்ததில் வாலிபர் பலியானார். அவர் இறங்குவதற்காக படிக்கட்டிற்கு வந்தபோது உடல் நசுங்கி பலியானது தெரிய வந்தது. 29 பேர் படுகாயம் அடைந்தனர்.
4. அனுமதியின்றி பேரணி சென்ற தே.மு.தி.க. செயலாளர் உள்பட 200 பேர் மீது வழக்குப்பதிவு
அனுமதியின்றி பேரணி சென்ற தே.மு.தி.க. செயலாளர் உள்பட 200 பேர் மீது வழக்குப்பதிவு.
5. மரத்தில் கார் மோதி விபத்து; அ.ம.மு.க. பிரமுகர் மனைவி பலி; குடும்பத்தினர் 7 பேர் படுகாயம்
கட்டுப்பாட்டை இழந்த கார் மரத்தில் மோதியதில் அ.ம.மு.க. பிரமுகரின் மனைவி பரிதாபமாக உயிரிழந்தார். அவரது குடும்பத்தினர் 7 பேர் படுகாயம் அடைந்தார்கள்.