மாவட்ட செய்திகள்

தேசிய மக்கள் நீதிமன்றம் மூலம் 1,410 வழக்குகளுக்கு தீர்வு + "||" + The National People's Court has settled 1,410 cases

தேசிய மக்கள் நீதிமன்றம் மூலம் 1,410 வழக்குகளுக்கு தீர்வு

தேசிய மக்கள் நீதிமன்றம் மூலம் 1,410 வழக்குகளுக்கு தீர்வு
பெரம்பலூரில் நடந்த தேசிய மக்கள் நீதிமன்றம் மூலம் 1,410 வழக்குகளுக்கு தீர்வு காணப்பட்டது.
பெரம்பலூர்,

உச்ச நீதிமன்றம் மற்றும் சென்னை உயர்நீதிமன்றத்தின் வழிகாட்டுதலின்படி, பெரம்பலூரில் உள்ள மாவட்ட ஒருங்கிணைந்த நீதிமன்றத்தில் நேற்று தேசிய மக்கள் நீதிமன்றம் மாவட்ட முதன்மை நீதிபதி (பொறுப்பு) விஜயகாந்த் தலைமையில் நடந்தது. இதில் பெரம்பலூர் தலைமை நீதித்துறை நடுவர் முரளதரன், சார்பு நீதிபதி ஸ்ரீரிஜா, மாவட்ட சட்ட ஆணைக்குழுவின் செயலாளரும், சார்பு நீதிபதியுமான வினோதா, மாவட்ட உரிமையியல் நீதிபதி கருப்பசாமி, நீதித்துறை நடுவர் அசோக் பிரசாத், கூடுதல் மகிளா நீதிமன்ற நீதித்துறை நடுவர் மோகனப்பிரியா மற்றும் ஓய்வு பெற்ற நீதிபதிகள் கண்ணையன், ராஜகோபால், ராமசாமி, ராஜேந்திரன் ஆகியோர் கொண்ட அமர்வானது பெரம்பலூர் மாவட்டத்தில் உள்ள நீதிமன்றங்களில் நிலுவையிலுள்ள வழக்குகளையும், தேசிய மயமாக்கப்பட்ட வங்கிகளில் நிலுவையில் உள்ள வாரா கடன் பொறுத்த வழக்குகளையும் விசாரித்து தீர்வு வழங்கியது.


இதில் 70 வங்கி வழக்குகளில் ரூ.65 லட்சத்து 70 ஆயிரத்து 300-க்கும், 75 மோட்டார் வாகன விபத்து வழக்குகளில் ரூ.2 கோடியே 70 ஆயிரத்து 402-க்கும் தீர்வு காணப்பட்டது. 14 சிவில் வழக்குகளில் ரூ.48 லட்சத்து 90 ஆயிரத்துக்கும், ஆயிரத்து 244 சிறு குற்ற வழக்குகளில் ரூ.2 லட்சத்து 82 ஆயிரத்து 900-ம் உள்பட மொத்தம் 1,410 வழக்குகளுக்கு ரூ.3 கோடியே 40 லட்சத்து 51 ஆயிரத்து 364-க்கு தீர்வு காணப்பட்டது. தீர்வு பெறப்பட்ட வழக்கின், வழக்குதாரர்களுக்கு பெரம்பலூர் மாவட்ட முதன்மை நீதிபதி விஜயகாந்த் நஷ்ட ஈடு தொகைக்கான காசோலை களை வழங்கினார்.

இதில் வக்கீல் சங்க செயலாளர் சுந்தராஜன், வழக்கறிஞர் சங்க தலைவர் முகமது இலியாஸ் மற்றும் வக்கீல்கள் கலந்து கொண்டனர். இதற்கான ஏற்பாடுகளை மாவட்ட நீதிமன்ற தலைமை நிர்வாக அலுவலர் விஜயகுமாரி, மாவட்ட நீதிமன்ற மேலாளர் தனலட்சுமி, மாவட்ட நீதிமன்ற சிரஸ்தார் வீரவிஜயன், மாவட்ட சட்டப்பணிகள் ஆணைக்குழு நிர்வாக அலுவலர் வெள்ளைச்சாமி மற்றும் நீதிமன்ற ஊழியர்கள் செய்திருந்தனர். 

தொடர்புடைய செய்திகள்

1. பிரெக்ஸிட் விவகாரம்: 30 நாட்களுக்குள் தீர்வு காண இங்கிலாந்து பிரதமருக்கு ஜெர்மன் அதிபர் வலியுறுத்தல்
பிரெக்ஸிட் விவகாரத்தில் 30 நாட்களுக்குள் தீர்வு காணுமாறு இங்கிலாந்து பிரதமருடனான சந்திப்பின் போது ஜெர்மனி அதிபர் ஏஞ்ஜெலா மெர்கெல் வலியுறுத்தி உள்ளார்.
2. நதிநீர் பங்கீடு பிரச்சினைகளுக்கு தீர்வு காண ஒரே தீர்ப்பாயம்: நாடாளுமன்றத்தில் மசோதா நிறைவேறியது
நதிநீர் பங்கீடு பிரச்சினைகளுக்கு தீர்வு காண ஒரே தீர்ப்பாயம் அமைக்க வகை செய்யும் மசோதா நாடாளுமன்ற மக்களவையில் நிறைவேறியது.
3. திருவாரூரில் நடந்த தேசிய மக்கள் நீதிமன்றத்தில் 2,368 வழக்குகளுக்கு தீர்வு
திருவாரூரில் நடந்த தேசிய மக்கள் நீதிமன்றத்தில் 2,368 வழக்குகளுக்கு தீர்வு காணப்பட்டது.
4. குமரி மாவட்டத்தில் லோக் அதாலத் மூலம் 1,963 வழக்குகளுக்கு தீர்வு
குமரி மாவட்டத்தில் நடந்த லோக் அதாலத் மூலம் 1,963 வழக்குகளுக்கு தீர்வு காணப்பட்டது.
5. கரூர்-குளித்தலையில் நடந்த தேசிய மக்கள் நீதிமன்றத்தில் 310 வழக்குகளுக்கு தீர்வு
கரூர் மற்றும் குளித்தலையில் நடந்த தேசிய மக்கள் நீதிமன்றத்தில் 310 வழக்குகளுக்கு சமரச தீர்வு காணப்பட்டது.