மாவட்ட செய்திகள்

குழந்தைகளுக்கு போலியோ சொட்டு மருந்து வழங்கும் சிறப்பு முகாம் + "||" + Special camp for polio drops to children

குழந்தைகளுக்கு போலியோ சொட்டு மருந்து வழங்கும் சிறப்பு முகாம்

குழந்தைகளுக்கு போலியோ சொட்டு மருந்து வழங்கும் சிறப்பு முகாம்
ராமநாதபுரத்தில் குழந்தைகளுக்கு போலியோ சொட்டு மருந்து வழங்கும் சிறப்பு முகாமை அமைச்சர் டாக்டர் மணிகண்டன் தொடங்கி வைத்தார்.

ராமநாதபுரம்,

ராமநாதபுரத்தில் அமைந்துள்ள நகர சுகாதார நல மையத்தில் 5 வயதிற்கு உட்பட்ட குழந்தைகளுக்கான போலியோ சொட்டு மருந்து வழங்கும் சிறப்பு முகாம் நடைபெற்றது. இதனையொட்டி பொது சுகாதாரத்துறையின் மூலம் மாவட்டம் முழுவதும் போலியோ சொட்டு மருந்து வழங்கும் பணிகளுக்காக 1,229 மையங்கள் அமைக்கப்பட்டுஉள்ளது. மாவட்டத்தில் மொத்தம் 1 லட்சத்து 21 ஆயிரத்து 398 குழந்தைகளுக்கு போலியோ சொட்டு மருந்து வழங்க நடவடிக்கை எடுக்கப்பட்டுஉள்ளது.

இப்பணிகளில் மொத்தம் 4,192 பணியாளர்கள் ஈடுபடுத்தப்பட்டுஉள்ளனர். இதேபோல பொதுமக்கள் அதிகம் கூடும் இடங்களான ரெயில் நிலையம்,பஸ் நிலையம், கோவில் திருவிழாக்கள், திருமண நிகழ்ச்சிகள், அகதிகள் முகாம் போன்ற இடங்களில் குழந்தைகளுக்கு சொட்டு மருந்து வழங்கும் வகையில் 27 சிறப்பு குழுக்கள் மற்றும் 33 நடமாடும் குழுக்கள் மூலம் பணிகள் மேற்கொள்ளப்பட்டுள்ளன.

இந்த நிலையில் ராமநாதபுரம் நகர மையத்தில் போலியோ சொட்டு மருந்து வழங்கும் முகாம் நடைபெற்றது. முகாமுக்கு மாவட்ட கலெக்டர் வீரராகவ ராவ் தலைமை தாங்கினார். இதில் அமைச்சர் மணிகண்டன் கலந்து கொண்டு குழந்தைகளுக்கு போலியோ சொட்டு மருந்து வழங்கி முகாமை தொடங்கி வைத்தார். அப்போது மாவட்ட கலெக்டரின் மகன் விக்னஜித் வீருக்கு அமைச்சர் மணிகண்டன் போலியோ சொட்டு மருந்து வழங்கினார். இந்த நிகழ்ச்சியில் ராமநாதபுரம் சுகாதார பணிகளின் துணை இயக்குனர் குமரகுருபரன், மாவட்ட ஒருங்கிணைந்த குழந்தைகள் வளர்ச்சி திட்ட அலுவலர் ராஜ்குமார் மற்றும் அரசு அலுவலர்கள், பொதுமக்கள் கலந்து கொண்டனர்.


தொடர்புடைய செய்திகள்

1. திருச்சி அருகே பரபரப்பு ஆரம்ப சுகாதார நிலையத்தில் பிறந்த குழந்தை சாவு
திருச்சி அருகே ஆரம்ப சுகாதார நிலையத்தில் பிறந்த குழந்தை இறந்தது. பிரசவத்தின்போது டாக்டர் இல்லாததால் குழந்தை இறந்ததாக கூறி உறவினர்கள் போராட்டத்தில் ஈடுபட்டதால் பரபரப்பு ஏற்பட்டது.
2. மணப்பாறை அருகே நள்ளிரவில் ஓடும் ஆம்புலன்சில் பெண்ணுக்கு பிரசவம் ஆண் குழந்தை பிறந்தது
மணப்பாறை அருகே நள்ளிரவில் ஓடும் ஆம்புலன்சில் பெண்ணுக்கு அழகான ஆண் குழந்தை பிறந்தது.
3. நேபாளத்தில் நிலச்சரிவு; குழந்தை உள்பட 6 பேர் மண்ணில் புதைந்து உயிரிழப்பு
நேபாளத்தில் கனமழையால் நிலச்சரிவு ஏற்பட்டு குழந்தை உள்பட 6 பேர் மண்ணில் புதைந்து உயிரிழந்தனர்.
4. செவிலியர்கள் பிரசவம் பார்த்ததில் குழந்தை சாவு: தோகைமலை அரசு சுகாதார நிலையத்தில் அதிகாரி விசாரணை
செவிலியர்கள் பிரசவம் பார்த்ததில் குழந்தை இறந்த சம்பவம் குறித்து அரசு சுகாதார நிலையத்தில் வட்டார மருத்துவ அலுவலர் விசாரணை நடத்தினார்.
5. டாக்டர்கள் இல்லாததால் செவிலியர்கள் பிரசவம் பார்த்ததில் குழந்தை சாவு அரசு சுகாதார நிலையத்தை உறவினர்கள் முற்றுகை
தோகைமலையில் டாக்டர்கள் இல்லாததால் செவிலியர்கள் பிரவசம் பார்த்ததில் குழந்தை இறந்ததால், அரசு சுகாதார நிலையத்தை அவரது உறவினர்கள் முற்றுகையிட்டனர்.