மாவட்ட செய்திகள்

தூத்துக்குடியில் பதுக்கி வைக்கப்பட்ட 2 கடல் ஆமைகள் மீட்பு + "||" + Tuticorin Hoarded Placed 2 sea turtles recovery

தூத்துக்குடியில் பதுக்கி வைக்கப்பட்ட 2 கடல் ஆமைகள் மீட்பு

தூத்துக்குடியில் பதுக்கி வைக்கப்பட்ட 2 கடல் ஆமைகள் மீட்பு
தூத்துக்குடியில் பதுக்கி வைக்கப்பட்ட 2 கடல் ஆமைகள் மீட்கப்பட்டன.
தூத்துக்குடி,

கடல் ஆமை அழிந்து வரும் இனமாக உள்ளது. மன்னார்வளைகுடா பகுதியில் காணப்படும் அரிய வகை உயிரினங்களில் ஒன்றான கடல் ஆமை அதிக அளவில் வேட்டையாடப்படுவதால் எண்ணிக்கை குறைந்து வந்தது. இதனால் இந்த கடல் ஆமையை பிடிப்பதற்கு தடை விதிக்கப்பட்டு, பாதுகாக்கப்பட்டு வருகிறது. மன்னார்வளைகுடா உயிர்க்கோள காப்பக வனத்துறையினர் தீவிர கண்காணிப்பு பணிகளில் ஈடுபட்டு வருகின்றனர். இந்த கடல் ஆமையின் ரத்தம் மற்றும் இறைச்சி பல நோய்களுக்கு சிறந்த மருந்தாக பயன்படுகிறது. இதனால் சிலர் தடையை மீறி கடல் ஆமைகளை பிடித்து விற்பனை செய்து வருகின்றனர்.

இந்த நிலையில் தூத்துக்குடி பாத்திமாநகர் பகுதியில் கடல் ஆமை பதுக்கி வைக்கப்பட்டு இருப்பதாக தூத்துக்குடி தென்பாகம் போலீசாருக்கு தகவல் கிடைத்தது. அதன்பேரில் இன்ஸ்பெக்டர் ஜீன்குமார் தலைமையில் சப்-இன்ஸ்பெக்டர்கள் சிவக்குமார், ராமகிருஷ்ணன் மற்றும் போலீசார் விரைந்து சென்றனர். அங்கு உள்ள பழைய மாநகராட்சி கழிவறை கட்டிடத்தில் சோதனை செய்தனர். அங்கு 2 ராட்சத ஆமைகள் உயிரோடு இருந்தன. இதில் ஒரு ஆண் ஆமை 85 கிலோ எடையும், ஒரு பெண் ஆமை 65 கிலோ எடையும் இருந்தது. இந்த 2 ஆமைகளையும் போலீசார் மீட்டனர். தொடர்ந்து தூத்துக்குடி மாவட்ட மன்னார் வளைகுடா உயிர்க்கோள காப்பக வனத்துறை அதிகாரிகளிடம் ஒப்படைத்தனர். உடனடியாக வனத்துறையினர் 2 ஆமைகளையும் தூத்துக்குடி தாளமுத்துநகர் மொட்டை கோபுரம் கடற்கரை பகுதிக்கு கொண்டு சென்றனர். அங்கு 2 ஆமைகளையும் பத்திரமாக கடலில் விட்டனர். அந்த ஆமைகள் அங்கிருந்து கடலில் நீந்தி சென்றன.

மேலும் கடல் ஆமைகளை சட்டவிரோதமாக பிடித்து வந்து பதுக்கி வைத்தவர்கள் யார் என்று வனத்துறையினர் விசாரணை நடத்தி வருகின்றனர். அந்த பகுதியில் ஓரிரு ஆமை வெட்டி அதன் இறைச்சி விற்பனை செய்யப்பட்டு இருக்கலாம் என்றும் கூறப்படுகிறது. அது தொடர்பாகவும் விசாரணை நடத்தி வருகின்றனர். 

தொடர்புடைய செய்திகள்

1. தூத்துக்குடியில் பரபரப்பு: மனைவியை கொன்று தொழிலாளி தற்கொலை வீட்டுக்குள் பிணங்களாக கிடந்தனர்
தூத்துக்குடியில் மனைவியை கொன்று தொழிலாளி தற்கொலை செய்து கொண்டார். வீட்டுக்குள் கிடந்த அவர்களது பிணங்களை மீட்டு போலீசார் விசாரணை நடத்தி வருகின்றனர்.
2. தூத்துக்குடியில் 11 பேருக்கு ரூ.13 லட்சம் உதவித்தொகை கலெக்டர் சந்தீப் நந்தூரி வழங்கினார்
தூத்துக்குடி கலெக்டர் அலுவலகத்தில் நடந்த நிகழ்ச்சியில் 11 பயனாளிகளுக்கு ரூ.13 லட்சம் உதவித் தொகையை கலெக்டர் சந்தீப் நந்தூரி வழங்கினார்.
3. தூத்துக்குடியில் 13 பேர் பலியான நினைவு தினம்: ‘ஓராண்டு ஆகியும் மறையாத நெஞ்சை உலுக்கிய துப்பாக்கி சத்தம்’ காயம் அடைந்தவர்கள் உருக்கமான பேட்டி
“தூத்துக்குடியில் துப்பாக்கி சூடு சம்பவம் நடந்து ஓராண்டாகியும், நெஞ்சை உலுக்கிய அந்த துப்பாக்கி சத்தம் நினைவில் இருந்து மறையாமல் வடுவாக உள்ளது” என்று காயம் அடைந்தவர்கள் உருக்கமாக கூறினர்.
4. தூத்துக்குடியில் மக்கள் மீது துப்பாக்கிச்சூடு நடத்திய அ.தி.மு.க. ஆட்சியை மன்னிக்க கூடாது கனிமொழி எம்.பி. பேச்சு
தூத்துக்குடியில் போராட்டத்தில் ஈடுபட்ட மக்கள் மீது துப்பாக்கி சூடு நடத்திய அ.தி.மு.க. ஆட்சியை மன்னிக்க கூடாது என்று கனிமொழி எம்.பி. கூறினார்.
5. தூத்துக்குடியில், சொத்துத்தகராறில் பயங்கரம்: தம்பி சுட்டுக்கொலை தி.மு.க. பிரமுகர் கைது-பரபரப்பு
தூத்துக்குடியில் சொத்துத்தகராறில் தம்பியை துப்பாக்கியால் சுட்டுக்கொலை செய்த தி.மு.க. பிரமுகரை போலீசார் கைது செய்தனர்.

ஆசிரியரின் தேர்வுகள்...