மாவட்ட செய்திகள்

நொய்யல் அருகே மோட்டார் சைக்கிள் மீது சரக்கு வேன் மோதி 2 வாலிபர்கள் பலி + "||" + 2 young men kicked the cargo van on motorcycle near Noyal

நொய்யல் அருகே மோட்டார் சைக்கிள் மீது சரக்கு வேன் மோதி 2 வாலிபர்கள் பலி

நொய்யல் அருகே மோட்டார் சைக்கிள் மீது சரக்கு வேன் மோதி 2 வாலிபர்கள் பலி
நொய்யல் அருகே மோட்டார் சைக்கிள் மீது சரக்கு வேன் மோதி 2 வாலிபர்கள் பரிதாபமாக இறந்தனர்.
நொய்யல்,

திருச்சி மாவட்டம், மணப்பாறை அருகே உள்ள சத்திரப்பட்டியை சேர்ந்தவர் செல்லத்துரை. இவரது மகன் ராமச்சந்திரன் (வயது 27). இவர் பாலிடெக்னிக் கல்லூரியில் எலக்டிரிக்கல் அண்ட் எலக்டிரானிக்ஸ் என்ஜினீயரிங் படித்துள்ளார். தற்போது துபாயில் உள்ள ஒரு நிறுவனத்தில் வேலை பார்த்து வந்தார். இந்நிலையில் துபாயிலிருந்து விமானத்தில் சென்னை வந்தார். பின்னர் அங்கிருந்து தனது ஊருக்கு நேற்று காலையில் வந்திருந்தார்.


பின்னர் ராமச்சந்திரன் தனது கல்லூரி நண்பரான கரூர் மாவட்டம், வீரராக்கியத்தை சேர்ந்த சின்னுசாமி மகன் மணிகண்டன் (28) என்பவரை பார்க்க சத்திரப்பட்டியில் இருந்து தனது மோட்டார் சைக்கிளில் அவரது வீட்டிற்கு வந்தார். பின்னர் அதே மோட்டார் சைக்கிளில் 2 பேரும் வீரராக்கியத்தில் இருந்து ஈரோட்டிற்கு புறப்பட்டு சென்றனர். மோட்டார் சைக்கிளை ராமச்சந்திரன் ஓட்டினார். மணிகண்டன் பின்னால் அமர்ந்து வந்தார்.

இந்தநிலையில் மோட்டார் சைக்கிள் கரூர்-ஈரோடு நெடுஞ்சாலையில் நொய்யல் புன்னம்சத்திரம் அருகே தண்ணீர்பந்தல் என்ற இடத்தில் வந்து கொண்டிருந்தது. அப்போது ஈரோட்டிலிருந்து கரூர் நோக்கி வந்த சரக்கு வேன் டிரைவரின் கட்டுப்பாட்டை இழந்து மோட்டார் சைக்கிள் மீது மோதியது. இதில் மோட்டார் சைக்கிளில் இருந்து தூக்கி வீசப்பட்ட ராமச்சந்திரன், மணிகண்டன் ஆகிய 2 பேரும் தலையில் பலத்த காயம் அடைந்து சம்பவ இடத்திலேயே ரத்த வெள்ளத்தில் துடிதுடித்து பரிதாபமாக இறந்தனர். இதைக்கண்ட அந்த வழியாக சென்றவர்கள் வேலாயுதம்பாளையம் போலீசாருக்கு தகவல் தெரிவித்தனர். அதன்பேரில் போலீஸ் இன்ஸ்பெக்டர் வேலுச்சாமி தலைமையிலான போலீசார் சம்பவ இடத்திற்கு வந்தனர். பின்னர் 2 பேரின் உடல்களையும் மீட்டு பிரேத பரிசோதனைக்காக வேலாயுதம்பாளையம் அரசு மருத்துவமனைக்கு அனுப்பி வைத்தனர். இந்த விபத்து குறித்து வேலாயுதம்பாளையம் போலீசார் வழக்குப்பதிவு செய்து விசாரணை நடத்தி வருகின்றனர். விபத்தில் பலியான இருவரும் மோட்டார் சைக்கிளில் சென்றபோது ஹெல்மெட் அணிந்திருக்கவில்லை என போலீசார் தெரிவித்தனர். 

தொடர்புடைய செய்திகள்

1. கும்பகோணம் பள்ளி தீ விபத்து 15-வது ஆண்டு நினைவு தினம்: பலியான 94 குழந்தைகளுக்கு பெற்றோர்-பொதுமக்கள் கண்ணீர் அஞ்சலி
கும்பகோணம் பள்ளி தீ விபத்தில் குழந்தைகள் பலியான 15-ம் ஆண்டு நினைவு தினம் நேற்று அனுசரிக்கப்பட்டது. இதில் பெற்றோர், பொதுமக்கள் உள்பட ஏராளமானோர் கலந்து கொண்டு அஞ்சலி செலுத்தினர்.
2. திருவெறும்பூர் அருகே நின்ற லாரி மீது கார் மோதல்; முதியவர் பலி
திருவெறும்பூர் அருகே நின்று கொண்டிருந்த லாரி மீது கார் மோதியதில் முதியவர் பரிதாபமாக இறந்தார்.
3. ஆரல்வாய்மொழி அருகே ஆம்னி பஸ்–மோட்டார் சைக்கிள் மோதல்; கணியான் கூத்து கலைஞர் பலி நண்பர் படுகாயம்
ஆரல்வாய்மொழி அருகே ஆம்னி பஸ்–மோட்டார் சைக்கிள் மோதிய விபத்தில் கணியான் கூத்து கலைஞர் பலியானார். நண்பர் படுகாயம் அடைந்தார்.
4. தாராபுரம் அருகே சம்பவம்; மோட்டார் சைக்கிள்கள் மோதிக்கொண்ட விபத்தில் தந்தையுடன் சென்ற பெண் டாக்டர் பலி
தாராபுரம் அருகே மோட்டார் சைக்கிள்கள் மோதிய விபத்தில் தந்தையுடன் சென்ற பெண் டாக்டர் பலியானார். வேகமாக வந்த வாகனம் ஏறி இறங்கியதில் இந்த பரிதாப சம்பவம் நடந்து விட்டது.
5. அரவக்குறிச்சி அருகே மரத்தில் கார் மோதி புதுமாப்பிள்ளை பலி புதுப்பெண் உள்பட 5 பேர் காயம்
அரவக்குறிச்சி அருகே டயர் வெடித்ததால் மரத்தில் கார் மோதியதில் விபத்துக்குள்ளானது. இதில் புதுமாப்பிள்ளை பலியானார். இதில் புதுப்பெண் உள்பட 5 பேர் காயமடைந்தனர்.