மாவட்ட செய்திகள்

ஆக்கிரமிப்புகளை அகற்றக்கோரி கருப்பு கொடி ஏந்தி கிராம மக்கள் போராட்டம் - கள்ளக்குறிச்சி அருகே பரபரப்பு + "||" + Removal of encroachments Black flag carrying villagers people fight - Near Kallakurichi Furore

ஆக்கிரமிப்புகளை அகற்றக்கோரி கருப்பு கொடி ஏந்தி கிராம மக்கள் போராட்டம் - கள்ளக்குறிச்சி அருகே பரபரப்பு

ஆக்கிரமிப்புகளை அகற்றக்கோரி கருப்பு கொடி ஏந்தி கிராம மக்கள் போராட்டம் - கள்ளக்குறிச்சி அருகே பரபரப்பு
கள்ளக்குறிச்சி அருகே ஆக்கிரமிப்புகளை அகற்றக்கோரி கருப்பு கொடி ஏந்தி கிராம மக்கள் போராட்டத்தில் ஈடுபட்டதால் பரபரப்பு ஏற்பட்டது.
கள்ளக்குறிச்சி, 

கள்ளக்குறிச்சி அருகே அணைக்கரைக்கோட்டாலம் கிராமம் உள்ளது. இந்த கிராமத்தில் 300-க்கும் மேற்பட்ட குடும்பத்தினர் வசித்து வருகின்றனர். இந்த பகுதியில் சுமார் 15 ஏக்கர் பரப்பளவில் அரசு புறம்போக்கு நிலம் உள்ளது. இந்த நிலத்தை சிலர் ஆக்கிரமித்து வீடு கட்டியும், நெற்பயிர் சாகுபடி செய்தும் வருகின்றனர். இந்த ஆக்கிரமிப்புகளை அகற்றக்கோரி அப்பகுதி மக்கள் பலமுறை அதிகாரிகளிடம் மனு கொடுத்தும் இதுவரை நடவடிக்கை எடுக்கவில்லை.

இதனால் ஆத்திரமடைந்த கிராம மக்கள், ஆக்கிரமிப்புகளை அகற்றக்கோரியும், கிராமத்தில் மேல்நிலை நீர்த்தேக்க தொட்டி, உயர்நிலைப்பள்ளிக்கு கூடுதல் கட்டிட வசதிகள் செய்து தரவேண்டும் உள்ளிட்ட பல்வேறு கோரிக்கைகளை வலியுறுத்தி நேற்று போராட்டத்தில் ஈடுபட்டனர். அப்போது அவர்கள் கருப்பு கொடி ஏந்தி கோரிக்கைகளை வலியுறுத்தி கோஷமிட்டனர். மேலும் கோரிக்கைகளை நிறைவேற்றாவிட்டால், ஆதார் கார்டு, ரேஷன் கார்டு, வாக்காளர் அடையாள அட்டை போன்றவற்றை அரசிடம் ஒப்படைத்து நடைபெற உள்ள நாடாளுமன்ற தேர்தலை புறக்கணிக்கப்போவதாக அறிவித்தனர். இதுபற்றி அறிந்த சங்கராபுரம் தாசில்தார் பாண்டியன், வருவாய் ஆய்வாளர் அம்பிகா மற்றும் இன்ஸ்பெக்டர் விஜயகுமார் மற்றும் போலீசார் சம்பவ இடத்துக்கு விரைந்து வந்து போராட்டத்தில் ஈடுபட்டவர்களிடம் பேச்சுவார்த்தை நடத்தினர். இருப்பினும் அவர்களின் கோரிக்கையை ஏற்காத கிராம மக்கள் தொடர்ந்து போராட்டத்தில் ஈடுபட்டனர். இந்த நிலையில் இரவு நீண்ட நேரம் ஆனதால் கிராம மக்கள் தாங்களாகவே அங்கிருந்து கலைந்து சென்றனர். அப்போது அவர்கள், இரவு நேரமாகிவிட்டதால், நாங்கள் போராட்டத்தை கைவிட்டு செல்கிறோம். மீண்டும் நாளை(அதாவது இன்று) போராட்டத்தில் ஈடுபடுவோம் என்று கூறினர். இச்சம்பவத்தால் அங்கு பரபரப்பு ஏற்பட்டது. 

தொடர்புடைய செய்திகள்

1. தார் தயாரிக்கும் தொழிற்சாலையை நிரந்தரமாக மூடக்கோரி - தேர்தலை புறக்கணித்து கிராம மக்கள் போராட்டம்
ரெட்டியார்சத்திரம் அருகே தார் தயாரிக்கும் தொழிற்சாலையை நிரந்தரமாக மூடக்கோரி தேர்தலை புறக்கணித்து கிராம மக்கள் போராட்டத்தில் ஈடுபட்டு வருகின்றனர்.
2. கயத்தாறு அருகே வீடுகளில் கருப்பு கொடி ஏற்றி கிராம மக்கள் போராட்டம் ‘அடிப்படை வசதிகள் செய்யாவிட்டால் தேர்தலை புறக்கணிப்போம்’
கயத்தாறு அருகே அடிப்படை வசதிகள் செய்ய கோரி கிராம மக்கள் தங்களது வீடுகளில் கருப்பு கொடி ஏற்றி தர்ணா போராட்டத்தில் ஈடுபட்டனர்.
3. தர்மபுரி கலெக்டர் அலுவலகம் முன்பு காலிக்குடங்களுடன் கிராம மக்கள் போராட்டம் குடிநீர் பிரச்சினைக்கு தீர்வு காண கோரிக்கை
குடிநீர் பிரச்சினைக்கு தீர்வு காண கோரி தர்மபுரி கலெக்டர் அலுவலகம் முன்பு காலிகுடங்களுடன் கிராம மக்கள் போராட்டத்தில் ஈடுபட்டனர்.
4. குடிநீர் வினியோகம் செய்யக்கோரி காலி குடங்களுடன் கிராம மக்கள் போராட்டம்
ராமநத்தம் அருகே குடிநீர் வினியோகம் செய்யக்கோரி காலி குடங்களுடன் கிராம மக்கள் போராட்டத்தில் ஈடுபட்டதால் பரபரப்பு ஏற்பட்டது.
5. என்.எல்.சி. 3-வது நிலக்கரி சுரங்கத்துக்கு எதிர்ப்பு: குடியரசு தினத்தன்று வீடுகளில் கருப்பு கொடி ஏற்றி கிராம மக்கள் போராட்டம்
என்.எல்.சி. 3-வது நிலக்கரி சுரங்கத்துக்கு எதிர்ப்பு தெரிவித்து குடியரசு தினத்தன்று வீடுகளில் கருப்பு கொடி ஏற்றி கிராம மக்கள் போராட்டம் நடத்தினர்.