மாவட்ட செய்திகள்

நாடாளுமன்ற தேர்தலில் சரத்பவார், மாயாவதி போட்டியிடாதது பா.ஜனதா கூட்டணி மீண்டும் வெற்றி பெறுவதற்கான அறிகுறி - சிவசேனா சொல்கிறது + "||" + Sarath Pawar in the parliamentary election, Mayawati is not contesting The BJP's coalition is a sign of success

நாடாளுமன்ற தேர்தலில் சரத்பவார், மாயாவதி போட்டியிடாதது பா.ஜனதா கூட்டணி மீண்டும் வெற்றி பெறுவதற்கான அறிகுறி - சிவசேனா சொல்கிறது

நாடாளுமன்ற தேர்தலில் சரத்பவார், மாயாவதி போட்டியிடாதது பா.ஜனதா கூட்டணி மீண்டும் வெற்றி பெறுவதற்கான அறிகுறி  - சிவசேனா சொல்கிறது
நாடாளுமன்ற தேர்தலில் சரத்பவார், மாயாவதி போட்டியிடாதது பா.ஜனதா கூட்டணி மீண்டும் வெற்றி பெறுவதற்கான அறிகுறி என சிவசேனா கூறியுள்ளது.
மும்பை, 

மராட்டியத்தை சேர்ந்த தேசியவாத காங்கிரஸ் தலைவர் சரத்பவார், உத்தரபிரதேசத்தை சேர்ந்த பகுஜன் சமாஜ் கட்சி தலைவர் மாயாவதி ஆகியோர் நடைபெற உள்ள நாடாளுமன்ற தேர்தலில் போட்டியிடப்போவதில்லை என்று தெரிவித்து உள்ளனர்.

இவர்களின் முடிவு குறித்து தேசிய ஜனநாயக கூட்டணியில் அங்கம் வகிக்கும் சிவசேனா கட்சியின் பத்திரிகையான ‘சாம்னா’வில் தலையங்கம் வெளியிடப்பட்டு உள்ளது. அதில் கூறியிருப்பதாவது:-

சரத்பவாரை அடுத்து மாயாவதியும் நாடாளுமன்ற தேர்தலில் போட்டியிடுவதில்லை என முடிவு செய்துள்ளார். இதில் முக்கியமான விஷயம் என்னவென்றால் இரண்டு பேரும் பிரதமர் பதவிக்கான போட்டியில் இருந்து விலகி உள்ளனர்.

நாடுமுழுவதும் தேர்தல் பிரசாரம் செய்யப்போவதால் போட்டியிடவில்லை என மாயாவதி கூறுகிறார். ஆனால் பகுஜன் சமாஜ் கட்சிக்கு உத்தரப்பிரதேசத்தில் மட்டுமே செல்வாக்கு உள்ளது. அப்படி இருக்கையில் அவரது முடிவுக்கு அர்த்தம் போட்டியில் இருந்து விலகி ஓடுவதே ஆகும்.

சரத்பவாரும் தேர்தல் களத்தில் இருந்து தப்பிக்க இதே வழியை தான் தேர்ந்தெடுத்து உள்ளார்.

தேசியவாத காங்கிரஸ் தலைவர் சரத்பவார் அனைத்து எதிர்க்கட்சிகளையும் ஒன்றிணைக்க முயற்சி செய்தார். ஆனால் அவரின் சொந்த குடும்பத்தையும், கட்சி தொண்டர்களையும் ஒரே பக்கத்தில் நிற்கவைக்க அவரால் முடியவில்லை. இதனால் அவர் தேர்தல் போட்டியில் இருந்து விலக நேரிட்டது.

உத்தர பிரதேசத்தில் பிரியங்கா காந்தியின் வருகை பகுஜன் சமாஜ், சமாஜ்வாடி கட்சிகளின் கூட்டணி விளையாட்டை சீர்குலைக்கும்.

பிரதமர் பதவிக்கு கனவு கண்ட சரத்பவாரும், மாயாவதியும் போட்டியில் இருந்து விலகி இருப்பது பா.ஜனதா தலைமையிலான தேசிய ஜனநாயக கூட்டணியின் தகுதியை மெய்ப்பித்து விட்டது. அவர்கள் தங்களது பாதையில் இருந்து விலகி இருப்பது, மோடி மீண்டும் பிரதமராவதற்கான பாதை தெளிவாகி உள்ளதையும், தேசிய ஜனநாயக கூட்டணி மீண்டும் வெற்றி பெறப்போவதற்கும் அறிகுறியாகும்.

இவ்வாறு அதில் கூறப்பட்டுள்ளது.


தொடர்புடைய செய்திகள்

1. ஒரே நாடு, ஒரே தேர்தல் திட்டம் சாத்தியம் இல்லை : சிவசேனா கருத்து
ஒரே நாடு, ஒரே தேர்தல் திட்டம் சாத்தியமில்லாதது என சிவசேனா கருத்து கூறி உள்ளது.
2. துணை சபாநாயகர் பதவிக்கு குறிவைக்கும் சிவசேனா, பிஜு ஜனதா தளம்
துணை சபாநாயகர் பதவிக்கான போட்டியில் சிவசேனா, பிஜு ஜனதா தளம், ஐக்கிய ஜனதா தளம் உள்ளதாக தகவல் வெளியாகியுள்ளது.
3. நாடாளுமன்ற துணை சபாநாயகர் பதவியை சிவசேனாவுக்கு வழங்க வேண்டும் பா.ஜனதாவிடம் வலியுறுத்தல்
நாடாளுமன்ற துணை சபாநாயகர் பதவியை தங்களது கட்சிக்கு வழங்க வேண்டும் என்று பா.ஜனதாவிடம் சிவசேனா வலியுறுத்தி உள்ளது.
4. எதிர்க்கட்சிகளின் மெகா கூட்டணி நீடிப்பது கடினம்: சிவசேனா சொல்கிறது
எதிர்க்கட்சிகள் உருவாக்கி வரும் மெகா கூட்டணி தேர்தல் முடிவு வெளியாகும் நாளை மறுநாள் மாலை வரை நீடிப்பது கடினம் என சிவசேனா கூறியுள்ளது.
5. எதிர்க்கட்சிகளின் மெகா கூட்டணி நீடிப்பது கடினம் : சிவசேனா சொல்கிறது
பா.ஜனதாவை ஆட்சியில் இருந்து வெளியேற்ற எதிர்க்கட்சிகள் உருவாக்கி வரும் மெகா கூட்டணி தேர்தல் முடிவு வெளியாகும் நாளை மறுநாள் மாலை வரை நீடிப்பது கடினம் என சிவசேனா கூறியுள்ளது.