<
புறாவை மீட்க சென்ற போது 6-வது மாடியில் இருந்து தவறி விழுந்த வாலிபர் பலி
கயிற்றில் சிக்கிய புறாவை மீட்க சென்ற போது 6-வது மாடியில் இருந்து தவறி விழுந்த வாலிபர் பலியானார்.
அம்பர்நாத்,
தானே மாவட்டம் உல்லாஸ்நகர் கேம்ப் 3-ம் நம்பர் பகுதியில் உள்ள குல்ராஜ் சாகேப் என்ற கட்டிடத்தில் 6-வது மாடியில் வசித்து வந்தவர் சாகர் சோனாவானே (வயது20). நேற்று முன்தினம் கட்டிடத்தின் 6-வது மாடியில் புறா ஒன்று அங்கிருந்த கயிற்றில் சிக்கி கொண்டது. மேலும் இறக்கையை விரித்த படி கயிற்றின் பிடியில் இருந்து தப்பிக்க முயன்று கொண்டிருந்தது.
இதனை கவனித்து பரிதாபப்பட்ட சாகர் சோனாவானே அந்த புறாவை மீட்க முடிவு செய்தார். இதற்காக அவர் பால்கனியில் இருந்த சுவர் மீது ஏறி உள்ளார்.
வாலிபர் பலி
அப்போது துரதிருஷ்டவசமாக அவர் கால் தவறி 6-வது மாடியில் இருந்து கீழே விழுந்தார். இதில் படுகாயமடைந்த அவர் உயிருக்கு போராடி கொண்டிருந்தார். இதை பார்த்து அதிர்ச்சி அடைந்த அக்கம் பக்கத்தினர் அவரை மீட்டு அருகில் உள்ள ஆஸ்பத்திரிக்கு கொண்டு சென்றனர்.
டாக்டர்கள் பரிசோதனையில் அவர் கொண்டு வரும் வழியிலேயே இறந்தது தெரியவந்தது. தகவல் அறிந்த போலீசார் அவரது உடலை கைப்பற்றி பிரேத பரிசோதனைக்கு அனுப்பி வைத்தனர். இது குறித்து போலீசார் வழக்கு பதிவு செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire