மாவட்ட செய்திகள்

‘பானி’ புயல் எதிரொலியாக நாகை மீனவர்கள் 4-வது நாளாக மீன்பிடிக்க செல்லவில்லை + "||" + The fishermen in the 'Bani' storm did not go fishing for the 4th day

‘பானி’ புயல் எதிரொலியாக நாகை மீனவர்கள் 4-வது நாளாக மீன்பிடிக்க செல்லவில்லை

‘பானி’ புயல் எதிரொலியாக நாகை மீனவர்கள் 4-வது நாளாக மீன்பிடிக்க செல்லவில்லை
‘பானி’ புயல் எதிரொலியாக நாகை மீனவர்கள் 4-வது நாளாக மீன்பிடிக்க செல்லவில்லை. இதனால் தங்களது பைபர் மற்றும் நாட்டு படகுகளை பாதுகாப்பாக கரையில் நிறுத்தி வைத்துள்ளனர்.
நாகப்பட்டினம்,

கடந்த 15-ந்தேதி முதல் மீன்பிடி தடைக்காலம் அமல்படுத்தப்பட்டுள்ளது. இந்த மீன்பிடி தடைக்காலத்தில் விசைப்படகுகள் மற்றும் படகுகள் ஆகியவை மீன்பிடிக்க கடலுக்கு செல்ல கூடாது என மீன்வளத்துறை மூலம் அறிவுறுத்தப்பட்டுள்ளது. இதனால் விசைப்படகு மீனவர்கள் தங்களது படகுகளை பழுது பார்த்தல், வலைகளை சீரமைத்தல் உள்ளிட்ட பல்வேறு சீரமைப்பு பணிகளில் ஈடுபட்டு வருகின்றனர்.


தடைக்காலத்தில் பைபர் படகு மற்றும் நாட்டுப்படகுகள் குறைந்த தூரம் சென்று மீன்பிடிக்க அனுமதிக்கப்படுகிறார்கள். இந்த நிலையில் வங்கக்கடலில் உருவான குறைந்த காற்றழுத்த தாழ்வு மண்டலம் வலுப்பெற்று புயலாக மாறி உள்ளது. இந்த புயலுக்கு ‘பானி’ என்று பெயர் சூட்டப்பட்டுள்ளது.

இந்த புயல் எச்சரிக்கை எதிரொலியாக நாகையில் தற்போது பைபர் படகு, நாட்டுப்படகுகளில் மீன்பிடி தொழில் செய்யும் மீனவர்களும் நேற்று 4-வது நாளாக மீன்பிடிக்க கடலுக்கு செல்லவில்லை. இதனால் தங்களது பைபர் படகு மற்றும் நாட்டுப்படகுகளை கடுவையாற்று கரையில் பாதுகாப்பாக நிறுத்தி வைத்துள்ளனர். மீனவர்கள் மீன்பிடிக்க செல்லாததால் நாகை அக்கரைப்பேட்டை மீன் இறங்குதளம் மீன் வியாபாரிகள், பொதுமக்கள் இன்றி வெறிச்சோடி காணப்பட்டது. 

தொடர்புடைய செய்திகள்

1. ஜப்பானில் புயல் காரணமாக 200 விமானங்கள் ரத்து
ஜப்பானில் புயல் காரணமாக 200 விமானங்கள் ரத்து செய்யப்பட்டன.
2. சீனாவில் ‘லெகிமா’ புயலுக்கு 13 பேர் பலி
சீனாவின் கிழக்கு கடற்கரை பகுதியில் இன்று சக்தி வாய்ந்த ‘லெகிமா’ என்ற சூப்பர் புயல் கரையை கடந்தது.
3. விலைக்கு வாங்க யாரும் இல்லை: அப்புறப்படுத்தவும் வழி இல்லை: கஜா புயலில் விழுந்த தென்னை மரங்கள் எரிப்பு
கஜா புயலில் விழுந்த கிடந்த தென்னை மரங்களை வாங்க யாரும் வராததாலும், அப்புறப்படுத்தவும் வழி இல்லாததால் சாலையோரங்களில் குவியல், குவியலாக வைத்து எரிக்கப்பட்டுள்ளன.
4. கஜா புயலால் பாதிக்கப்பட்ட பகுதிகளில் மீண்டும் ஆய்வு நடத்த வேண்டும் நிர்மலா சீதாராமனிடம், எஸ்.எஸ்.பழனிமாணிக்கம் எம்.பி. வலியுறுத்தல்
கஜா புயலால் பாதிக்கப்பட்ட பகுதிகளில் மீண்டும் ஆய்வு நடத்த வேண்டும் என மத்திய மந்திரி நிர்மலா சீதாராமனிடம் எஸ்.எஸ்.பழனிமாணிக்கம் எம்.பி. வலியுறுத்தினார்.
5. அகஸ்தியன்பள்ளியில் மழையால் உப்பு உற்பத்தி பாதிப்பு
வேதாரண்யம் அருகே அகஸ்தியன்பள்ளியில் மழையால் உப்பு உற்பத்தி பாதிக்கப்பட்டுள்ளது.