மாவட்ட செய்திகள்

விருத்தாசலம் அருகே, வாலிபரை கொலை செய்த வழக்கில் - 2 பேர் மீது குண்டர் சட்டம் பாய்ந்தது + "||" + In the case of murder of a young man - The thief's law fell on 2 people

விருத்தாசலம் அருகே, வாலிபரை கொலை செய்த வழக்கில் - 2 பேர் மீது குண்டர் சட்டம் பாய்ந்தது

விருத்தாசலம் அருகே, வாலிபரை கொலை செய்த வழக்கில் - 2 பேர் மீது குண்டர் சட்டம் பாய்ந்தது
விருத்தாசலம் அருகே வாலிபரை கொலை செய்த வழக்கில் 2 பேர் மீது குண்டர் தடுப்பு சட்டம் பாய்ந்தது.
கடலூர், 

விருத்தாசலம் அருகே கீழபாலையூரை சேர்ந்தவர் பூவரசன். இவர் கடந்த 24.3.2019 அன்று அங்குள்ள சுடுகாடு அருகில் அதே ஊரை சேர்ந்த நண்பர்கள் கிருஷ்ணமூர்த்தி, அருண்பாண்டியன் ஆகியோருடன் மது குடித்துக்கொண்டிருந்தார்.

அப்போது அங்கு ஏற்கனவே அதே ஊரை சேர்ந்த பாலமுருகன் மகன் பாலாஜி (வயது 19), குமாரசாமி மகன் கவியரசன் (19), ஆனந்த், அருண்குமார், 17 வயது சிறுவன் ஆகிய 5 பேரும் மது குடித்தனர். அப்போது அங்கிருந்த தேன் கூட்டை கலைத்தது தொடர்பாக இரு தரப்பினருக்கும் இடையே தகராறு ஏற்பட்டு மோதலாக மாறியது. இந்த மோதலில் 5 பேரும் சேர்ந்து பீர் பாட்டிலை உடைத்து அருண்பாண்டியனை குத்தி கொலை செய்தனர். இது பற்றி பூவரசன் கொடுத்த புகாரின் பேரில் கருவேப்பிலங்குறிச்சி போலீசார் வழக்குப்பதிவு செய்து பாலாஜி, கவியரசன், 17 வயது சிறுவன், ஆனந்த், அருண்குமார் ஆகிய 5 பேரையும் கைது செய்தனர்.

இதில் பாலாஜி, கவியரசன் ஆகிய 2 பேரின் குற்றச்செயல்களை கட்டுப்படுத்தும் விதமாக அவர்கள் 2 பேரையும் குண்டர் தடுப்பு சட்டத்தின் கீழ் கைது செய்ய மாவட்ட போலீஸ் சூப்பிரண்டு சரவணன், கலெக்டருக்கு பரிந்துரை செய்தார்.

அதன்பேரில் 2 பேரையும் குண்டர் சட்டத்தில் கைது செய்ய கலெக்டர் அன்புசெல்வன் உத்தரவிட்டார். இதையடுத்து பாலாஜி, கவியரசன் ஆகிய 2 பேரையும் கருவேப்பிலங்குறிச்சி போலீசார் குண்டர் தடுப்பு சட்டத்தில் கைது செய்து, அதற்கான உத்தரவு நகலை கடலூர் மத்திய சிறையில் இருக்கும் அவர்களிடம் சிறை அலுவலர்கள் மூலம் வழங்கினர்.

தொடர்புடைய செய்திகள்

1. வாலிபர் கொலை வழக்கின் விசாரணைக்கு ஆஜராக கோர்ட்டுக்கு வந்த ரவுடிகளை சந்தித்த 4 பேர் கைது
வாலிபரை நாட்டு வெடிகுண்டு வீசி கொலை செய்த வழக்கில் விசாரணைக்கு ஆஜராக கோர்ட்டுக்கு வந்த ரவுடிகளை சந்தித்த 4 பேரை போலீசார் கைது செய்தனர்.
2. வீரபாண்டியில், வாலிபர் கொலையில் 5 பேர் கைது
திருப்பூர் வீரபாண்டி பகுதியில் வாலிபர் கொலை செய்யப்பட்டது தொடர்பாக 5 பேரை போலீசார் கைது செய்தனர். இந்த சம்பவம் குறித்து போலீஸ் தரப்பில் கூறப்படுவதாவது:-
3. தேவகோட்டையில் வாலிபர் கொலை வழக்கில் 8 பேர் கைது
தேவகோட்டையில் வாலிபர் கொலை செய்யப்பட்ட வழக்கில் 8 பேரை போலீசார் கைது செய்தனர்.
4. வாலிபர் கொலை வழக்கில் 4 பேரை பிடித்து போலீசார் விசாரணை
வாலிபர் கொலை வழக்கில் 4 பேரை பிடித்து போலீசார் விசாரணை நடத்தி வருகின்றனர்.
5. ராஜபாளையம் அருகே பயங்கரம்: ஓட, ஓட விரட்டி வாலிபர் கொலை பசுபதி பாண்டியன் கொலையில் தொடர்புடையவர்
ராஜபாளையம் அருகே வாலிபர் ஓட, ஓட விரட்டி கொலை செய்யப்பட்டார். இவர் பசுபதி பாண்டியன் கொலை வழக்கில் தொடர்புடையவர் என போலீசார் தெரிவித்தனர்.