மாவட்ட செய்திகள்

விசாரணை என்ற பெயரில்இரவில் பெண்களை போலீஸ் நிலையங்களில் வைத்து துன்புறுத்தக்கூடாதுபோலீசாருக்கு, சார்பு நீதிபதி அறிவுறுத்தல் + "||" + In the name of the inquiry At night, women should not be harassed at police stations For the police, the prosecutor's instruction

விசாரணை என்ற பெயரில்இரவில் பெண்களை போலீஸ் நிலையங்களில் வைத்து துன்புறுத்தக்கூடாதுபோலீசாருக்கு, சார்பு நீதிபதி அறிவுறுத்தல்

விசாரணை என்ற பெயரில்இரவில் பெண்களை போலீஸ் நிலையங்களில் வைத்து துன்புறுத்தக்கூடாதுபோலீசாருக்கு, சார்பு நீதிபதி அறிவுறுத்தல்
விசாரணை என்ற பெயரில் பெண்களை இரவு நேரத்தில் போலீஸ் நிலையங்களில் வைத்து துன்புறுத்தக்கூடாது என்று போலீசாருக்கு, சார்பு நீதிபதி அறிவுறுத்தினார்.
பெரம்பலூர், 

பெரம்பலூர் மாவட்ட முதன்மை அமர்வு நீதிபதியும், மாவட்ட சட்டப்பணிகள் ஆணைக்குழுவின் தலைவருமான லிங்கேஸ்வரனின் அறிவுரையின்பேரில் சட்ட உதவி முகாம், சிறுவாச்சூர் மதுர காளியம்மன் கோவில் வளாகத்தில் நடந்தது. முகாமிற்கு சார்பு நீதிபதியும், சட்ட பணிகள் ஆணைக்குழுவின் செயலாளருமான வினோதா தலைமை தாங்கி பேசினார்.

அப்போது அவர் பேசியதாவது:- ராணுவம் எப்படி தேசத்தை காப்பாற்ற இருக்கிறதோ, அதேபோல் நாட்டு மக்களின் உயிரையும், உடைமைகளையும் காப்பாற்ற போலீசார் உள்ளனர். ஆகையால் போலீசார் ஒருபோதும் மனித உரிமை மீறிய செயல்களில் ஈடுபடக்கூடாது. மேலும், விசாரணை என்ற பெயரில் பெண்களை இரவு நேரத்தில் போலீஸ் நிலையங்களில் வைத்து துன்புறுத்தக்கூடாது. குற்ற செயல்களில் ஈடுபட்டுள்ள நபர்களை கைது செய்யும்போது உச்சநீதிமன்ற வழிகாட்டுதலின் படி நடந்து கொள்ள வேண்டும்.

பொதுமக்கள் அனைத்து பிரச்சினைகளையும் எவ்வித தயக்கமுமின்றி அலுவலக வேலை நாட்களில் மாவட்ட சட்ட பணிகள் ஆணை குழுவை அணுகினால் அவர்களுக்கு தக்க உதவி கிடைக்கும்.

இவ்வாறு அவர் பேசினார்.

முகாமில் கலந்து கொண்ட போலீசார், ஊர்க்காவல் படையினர், பொதுமக்களுக்கு பெரம்பலூர் மாவட்ட சட்ட பணிகள் ஆணைக்குழுவின் செயல்பாடுகள் அடங்கிய துண்டு பிரசுரங்களை சார்பு நீதிபதி வினோதா வழங்கினார். இதற்கான ஏற்பாடுகளை மாவட்ட சட்ட பணிகள் ஆணைக்குழுவின் நிர்வாக அலுவலர் வெள்ளைச்சாமி மற்றும் சமூக சட்ட ஆர்வலர்கள் சரவணன், பாலமுருகன் ஆகியோர் செய்திருந்தனர்.

தொடர்புடைய செய்திகள்

1. பறிமுதல் செய்யப்படும் போதைப்பொருட்களை உடனடியாக கோர்ட்டில் ஒப்படைக்க வேண்டும் போலீசாருக்கு, ஐகோர்ட்டு உத்தரவு
போதைப்பொருள் கடத்தல் வழக்கில் கைதானவரை கோர்ட்டில் ஆஜர்படுத்தும்போதே, பறிமுதல் செய்யப்பட்ட போதைப்பொருளையும் கோர்ட்டில் ஒப்படைக்க வேண்டும் என்று போலீசாருக்கு சென்னை ஐகோர்ட்டு உத்தரவிட்டுள்ளது.
2. குற்றவாளிகளை கண்டறிவதில் திறம்பட செயல்பட்ட போலீசாருக்கு வெகுமதி
கரூர் மாவட்ட போலீஸ் சூப்பிரண்டு அலுவலகத்தில் மாதாந்திர குற்ற வழக்கு குறித்த கலந்தாய்வு கூட்டம் நடந்தது.
3. கோடை வெயிலை சமாளிக்க போக்குவரத்து போலீசாருக்கு தொப்பி-எலுமிச்சை சாறு சூப்பிரண்டு வழங்கினார்
கோடை வெயிலை சமாளிக்க கரூர் போக்குவரத்து ஒழுங்குப்பிரிவு போலீசாருக்கு சோலார் தொப்பியும் மற்றும் எலுமிச்சை சாறையும் போலீஸ் சூப்பிரண்டு ராஜசேகரன் வழங்கினார்.
4. வெயிலை சமாளிக்க பெரம்பலூர் போலீசாருக்கு பழச்சாறு போலீஸ் சூப்பிரண்டு திஷாமித்தல் வழங்கினார்
வெயிலை சமாளிக்கவும், அதனால் ஏற்படும் தாகத்தை தீர்க்கவும் பழச்சாறினை பெரம்பலூர் மாவட்ட போலீஸ் சூப்பிரண்டு திஷாமித்தல் வழங்கி, அவர்களை உற்சாகப்படுத்தினார்.