<
பராமரிப்பு பணி: இன்று மின்சார ரெயில் போக்குவரத்தில் மாற்றம்
பராமரிப்பு பணி காரணமாக இன்று மின்சார ரெயில் போக்குவரத்தில் மாற்றம் செய்யப்பட்டுள்ளது.
மும்பை,
பராமரிப்பு பணி காரணமாக இன்று மின்சார ரெயில் போக்குவரத்தில் மாற்றம் செய்யப்பட்டுள்ளது.
தானே - கல்யாண்
மத்திய ரெயில்வேயின் தானே - கல்யாண் இடையே ஸ்லோ வழித்தடத்தில் இன்று (ஞாயிற்றுக்கிழமை) காலை 11 மணி முதல் மாலை 4 மணி வரை பராமரிப்பு பணிகள் நடைபெறுகிறது. இதேபோல திவா - தானே இடையே காலை 11 மணி முதல் பிற்பகல் 2 மணி வரை பராமரிப்பு பணிகள் நடைபெற உள்ளது.
எனவே இன்று காலை 10.52 மணி முதல் பிற்பகல் 3.50 மணி வரை ஸ்லோ ரெயில்கள் அனைத்தும் முல்லுண்டு - கல்யாண் இடையே விரைவு வழித்தடத்தில் இயக்கப்படும். இந்த ரெயில்கள் தானே, திவா, டோம்பிவிலி ஆகிய இடங்களில் மட்டும் நின்று செல்லும். கல்வா, மும்ரா, தாக்குர்லி ஆகிய பகுதிகளுக்கு ரெயில் சேவை இருக்காது.
இதேபோல சி.எஸ்.எம்.டி. நோக்கி வரும் ஸ்லோ ரெயில்கள் அனைத்தும் காலை 10.53 மணி முதல் பிற்பகல் 2.03 மணி வரை திவா - முல்லுண்டு இடையே விரைவு வழித்தடத்தில் இயக்கப்படும். இந்த ரெயில்கள் கல்வா மற்றும் மும்ராவில் நிற்காது.
மேற்கு ரெயில்வே
மேற்கு ரெயில்வேயில் இன்று காலை 10.35 மணி முதல் பிற்பகல் 3.35 மணி வரை சாந்தாகுருஸ் - மாகிம் இடையே ஸ்லோ வழித்தடத்தின் இருமார்க்க பாதையிலும் பராமரிப்பு பணிகள் நடைபெறுகிறது.
எனவே இந்த நேரத்தில் ஸ்லோ ரெயில்கள் அனைத்தும் சாந்தாகுருஸ் - மாகிம் இடையே விரைவு வழித்தடத்தில் இயக்கப்படும். இந்த ரெயில்கள் மகாலெட்சுமி, பிரபாதேவி, மாட்டுங்கா ரோடு ஆகிய ரெயில்நிலையங்களில் நிற்காது. இந்த தகவலை மத்திய, மேற்கு ரெயில்வே வெளியிட்டுள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
