மாவட்ட செய்திகள்

கஜா புயலால் பாதித்த விவசாயிகளுக்கு சொட்டுநீர் பாசனத்தில் பயிர் சாகுபடி செய்ய 100 சதவீத மானியம் அதிகாரி தகவல் + "||" + For farmers affected by the ghaj storm 100% subsidy for crop cultivation in drip irrigation

கஜா புயலால் பாதித்த விவசாயிகளுக்கு சொட்டுநீர் பாசனத்தில் பயிர் சாகுபடி செய்ய 100 சதவீத மானியம் அதிகாரி தகவல்

கஜா புயலால் பாதித்த விவசாயிகளுக்கு சொட்டுநீர் பாசனத்தில் பயிர் சாகுபடி செய்ய 100 சதவீத மானியம் அதிகாரி தகவல்
பழனி பகுதியில் கஜா புயலால் பாதிக்கப்பட்ட விவசாயிகளுக்கு, சொட்டுநீர் பாசனம் மூலம் பயிர்சாகுபடி செய்ய 100 சதவீத மானியம் வழங்கப்பட உள்ளதாக அதிகாரி தெரிவித்துள்ளார்.

பழனி,

கடந்த ஆண்டு தமிழகத்தையே உலுக்கிய கஜா புயல் திண்டுக்கல் மாவட்டத்திலும் கோரத்தாண்டவம் ஆடியது. பழனி பகுதியில் புயலால் பெரும்பாலான விவசாய பயிர்கள் சேதம் அடைந்தன. இதையடுத்து விவசாயிகளுக்கு அரசு சார்பில் நிவாரண தொகை வழங்கப்பட்டது. தற்போது அந்த இடங்களில் விவசாயிகள் மீண்டும் பயிர் செய்து வருகின்றனர்.

இந்நிலையில் கஜா புயலால் பாதிக்கப்பட்ட விவசாயிகள், தங்கள் விளைநிலங்களில் சாகுபடி செய்துள்ள பயிர்களுக்கு அல்லது சாகுபடி செய்யவுள்ள பயிர்களுக்கு சொட்டுநீர் பாசனம் அமைக்க அரசு 100 சதவீத மானியம் வழங்க உள்ளதாக பழனி வட்டார வேளாண் உதவி இயக்குனர் மீனாகுமாரி தெரிவித்துள்ளார். இதுகுறித்து அவர் கூறியிருப்பதாவது:–

தற்போதுள்ள தண்ணீர் பற்றாக்குறையை சமாளிக்க சொட்டுநீர் பாசனம், தெளிப்புநீர் பாசனம் உள்ளிட்ட முறைகளில் பயிர் சாகுபடி செய்ய வேளாண் அதிகாரிகள் விவசாயிகளை அறிவுறுத்தி வருகின்றனர். மேலும் மேற்கண்ட முறையில் பயிர்சாகுபடி செய்ய அரசு மானியமும் வழங்கி வருகிறது. பழனி பகுதியில் கஜா புயலால் பாதிக்கப்பட்ட பகுதிகளில் மீண்டும் பயிர் சாகுபடி செய்ய விவசாயிகளுக்கு தேவையான ஆலோசனைகள், சாகுபடி உத்திகளை அதிகாரிகள் வழங்கி வருகின்றனர்.

இந்நிலையில் கஜா புயலால் பாதித்த இடங்களில் செய்துள்ள அல்லது செய்யவுள்ள பயிர்சாகுபடிக்கு சொட்டுநீர் பாசனம் அமைக்க அரசு 100 சதவீதம் மானியம் வழங்கவுள்ளது. இதற்கு விவசாயிகள் தங்கள் விளைநிலத்தின் சிட்டா, அடங்கல், நில வரைபடம், நீராதாரத்துக்கான ஆவணம், ஆதார் அட்டை நகல், பாஸ்போர்ட் அளவு புகைப்படம், குத்தகைதாரராக இருப்பின் பதிவு செய்யப்பட்ட குத்தகை ஆவணம் உள்ளிட்டவற்றுடன் அந்தந்த பகுதி உதவி வேளாண் அலுவலரை தொடர்பு கொண்டு பயன் பெறலாம். இவ்வாறு அவர் கூறியுள்ளார்.


தொடர்புடைய செய்திகள்

1. சின்னசேலத்தில் விவசாயி திடீர் சாவு
சின்னசேலத்தில் காய்ச்சலால் பாதிக்கப்பட்ட விவசாயி திடீரென இறந்தார். இதனால் ஆத்திரமடைந்த அவரது உறவினர்கள் தனியார் மருத்துவமனை மீது நடவடிக்கை எடுக்கக்கோரி மறியலில் ஈடுபட்டனர்.
2. மனைவியை எரித்து கொன்ற வழக்கில் விவசாயிக்கு ஆயுள் தண்டனை - கடலூர் மகிளா கோர்ட்டு தீர்ப்பு
நடத்தையில் சந்தேகப்பட்டு மனைவியை எரித்துக்கொன்ற விவசாயிக்கு ஆயுள்தண்டனை விதித்து கடலூர் மகிளா கோர்ட்டு நேற்று தீர்ப்பு கூறியது. இந்த தீர்ப்பு பற்றிய விவரம் வருமாறு:-
3. திருமருகல் அருகே பஸ் மோதி விவசாயி பலி தப்பி ஓடிய டிரைவருக்கு வலைவீச்சு
திருமருகல் அருகே பஸ் மோதி விவசாயி பலியானார். தப்பி ஓடிய பஸ் டிரைவரை போலீசார் வலைவீசி தேடி வருகின்றனர்.
4. சொத்து தகராறில் சித்தப்பாவை அடித்துக்கொன்ற விவசாயி கைது
துவரங்குறிச்சி அருகே சொத்து தகராறில் சித்தப்பாவை அடித்துக்கொன்ற விவசாயியை போலீசார் கைது செய்தனர்.
5. வங்கியில் கடன் வாங்காதவருக்கு ரூ.3.90 லட்சம் கடன் வாங்கியதாக நோட்டீஸ் விவசாயி அதிர்ச்சி
வங்கியில் கடன் வாங்காத விவசாயிக்கு ரூ.3 லட்சத்து 90 ஆயிரம் கடன் வாங்கியதாக வங்கி நிர்வாகம் அனுப்பிய நோட்டீசால் விவசாயி அதிர்ச்சி அடைந்தார்.

ஆசிரியரின் தேர்வுகள்...