மாவட்ட செய்திகள்

மூலனூர் அருகே தொடர்ந்து வீடுகளில் தீப்பிடிப்பதால் பொதுமக்கள் அச்சம் + "||" + The public fears that the fire was followed in homes

மூலனூர் அருகே தொடர்ந்து வீடுகளில் தீப்பிடிப்பதால் பொதுமக்கள் அச்சம்

மூலனூர் அருகே தொடர்ந்து வீடுகளில் தீப்பிடிப்பதால் பொதுமக்கள் அச்சம்
மூலனூர் அருகே தொடர்ந்து வீடுகளில் தீப்பிடிப்பதால் பொதுமக்கள் அச்சம் அடைந்துள்ளனர்.

மூலனூர்,

மூலனூர் ஒன்றியத்திற்கு உட்பட்ட எம்.காளிபாளையம் ஊராட்சி காளிபாளையம், வாளநாயக்கன்வலசு ஆகிய பகுதிகளில் சுமார் 300–க்கும் மேற்பட்ட குடும்பத்தினர் வசித்து வருகிறார்கள். இந்த பகுதியில் உள்ள வீடுகளில் கடந்த 2 மாதங்களுக்கு முன்பு வரை இரவு மற்றும் பகல் நேரங்களில் வீடுகளின் மேல் திடீரென்று கற்கள் விழுகின்றதென்றும், அதன்பின்னர் அந்த நிலை மாறி வீடுகளின் உள்ளே ஆங்காங்கே தீ பற்றி எரிகின்றது அப்பகுதி பொதுமக்கள் போலீசில் புகார் செய்தனர்.

இந்த தீ விபத்துக்கு காரணம் என்ன? என்று இது வரை யாருக்கும் தெரியவில்லை. எனவே அப்பகுதியில் கண்காணிப்பு கேமராக்கள் பொருத்தி வீடுகளில் தீ பிடிப்பதை

கண்டறிந்து நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர். இது குறித்து நடவடிக்கை எடுக்கவில்லை என்றால் வீடுகளை காலி செய்து விட்டு சாலையோரம் குடியேறி சமைத்து சாப்பிடும் நிலை ஏற்படும் என்று அந்த பகுதி பொதுமக்கள் தெரிவித்து இருந்தனர்.

இதையடுத்து தாராபுரம் சப்–கலெக்டர் பவன்குமார் மற்றும் தாராபுரம் துணை போலீஸ் சூப்பிரண்டு வேலுமணி ஆகியோர் சம்பவ இடத்திற்கு சென்று பொதுமக்களிடம் பேச்சுவார்த்தை நடத்தினார்கள். அப்போது யாரும் அச்சப்பட தேவையில்லை அரசு உரிய நடவடிக்கை எடுத்து பொது மக்கள் அனைவருக்கும் உரிய பாதுகாப்பு வழங்க நடவடிக்கை எடுக்கப்படும் என்று அதிகாரிகள் தெரிவித்தனர். இந்த நிலையில் கூலி வேலை பார்த்து வரும் வீரக்குமார் என்பவரது வீட்டில் நேற்று மீண்டும் காலை மற்றும் மதிய வேளையில் இரண்டு முறை திடீரென்று தீப்பற்றியது. மேலும் 3 இடங்களில் தீப்பெட்டிகள் வந்து விழுந்தது. இந்த சம்பவம் அந்த பகுதியில் பரபரப்பை ஏற்படுத்தி உள்ளது. தொடர்ந்து வீடுகளில் தீப்பிடிப்பதால் அப்பகுதி மக்கள் மீண்டும் நிம்மதி இழந்து உள்ளனர்.


தொடர்புடைய செய்திகள்

1. ஆரணி பகுதியில் அரசு சான்றிதழ்கள் பெறமுடியாமல் பொதுமக்கள் அவதி இன்டர்நெட் சேவை திறனை அதிகரிக்க கோரிக்கை
ஆரணி பகுதியில் இன்டர்நெட் சேவை பாதிப்பால் அரசு சான்றிதழ்கள் பெறமுடியாமல் பொதுமக்கள் அவதிப்பட்டு வருகிறார்கள். எனவே இன்டர்நெட் சேவை திறனை அதிகரிக்க வேண்டும் என்று கோரிக்கை எழுந்துள்ளது.
2. திருச்சியில் பலத்த காற்றுடன் மழை: மின்தடையால் இரவில் தூங்க முடியாமல் பொதுமக்கள் அவதி
திருச்சியில் பலத்த காற்றுடன் மழை பெய்ததால் மின்தடை ஏற்பட்டு பொதுமக்கள் இரவில் தூங்க முடியாமல் அவதிப்பட்டனர்.
3. தஞ்சை-விக்கிரவாண்டி இடையே 4 வழி சாலை அமைக்கும் பணிகள் தீவிரம் அடுத்த ஆண்டுக்குள் பயன்பாட்டுக்கு வருமா? பொதுமக்கள் எதிர்பார்ப்பு
தஞ்சை-விக்கிரவாண்டி இடையே 4 வழி சாலை அமைக்கும் பணிகள் தீவிரமாக நடந்து வருகிறது. இந்த பணிகள் முடிவடைந்து அடுத்த ஆண்டுக்குள் பயன்பாட்டுக்கு வருமா? என பொதுமக்கள் மிகுந்த எதிர்பார்ப்புடன் உள்ளனர்.
4. மானாமதுரை அரசு பெண்கள் மேல்நிலைப்பள்ளியில் கூடுதல் வகுப்பறை கட்டும் பணிகளை விரைவாக முடிக்க வேண்டும், பொதுமக்கள் வலியுறுத்தல்
மானாமதுரை அரசு பெண்கள் மேல்நிலைப்பள்ளியில் நடைபெற்று வரும் கூடுதல் வகுப்பறை கட்டிட பணிகளை விரைந்து முடிக்க வேண்டும் என்று பொதுமக்கள் தரப்பில் கோரிக்கை விடுக்கப்பட்டுள்ளது.
5. கீழ்வேளூர் வளையல்குட்டை குளம் தூர்வாரப்படுமா? பொதுமக்கள் எதிர்பார்ப்பு
கீழ்வேளூர் வளையல்குட்டை குளம் தூர்வாரப்படுமா? என பொதுமக்கள் எதிர்பார்க்கின்றனர்.