மாவட்ட செய்திகள்

கருங்கல் அருகே கோவில்களில் திருடிய 2 பேர் கைது + "||" + Two persons arrested for stolen temples near Karungal

கருங்கல் அருகே கோவில்களில் திருடிய 2 பேர் கைது

கருங்கல் அருகே கோவில்களில் திருடிய 2 பேர் கைது
கருங்கல் அருகே கோவில்களில் திருடிய 2 பேரை போலீசார் கைது செய்தனர்.
கருங்கல்,

குளச்சல் தனிப்படை போலீசார் ரோந்து பணியில் ஈடுபட்டிருந்தனர். அப்போது அங்கு சந்தேகப்படும் வகையில் நின்ற 2 பேரை பிடித்து விசாரணை நடத்தினர். அவர்கள் முன்னுக்கு பின் முரணாக பதில் அளித்தனர். அதைதொடர்ந்து அவர்களை போலீஸ்நிலையம் அழைத்து சென்று விசாரணை நடத்தினார்கள். விசாரணையில், அவர்களுக்கு கருங்கல் போலீஸ்நிலையத்தில் பல்வேறு திருட்டு வழக்குகள் இருப்பது தெரியவந்தது. பின்னர், 2 பேரையும் தனிப்படையினர் கருங்கல் போலீசாரிடம் ஒப்படைத்தனர்.


கருங்கல் போலீசார் அவர்களிடம் விசாரணை நடத்தினார்கள். விசாரணையில் ஒருவர் பூதப்பாண்டியை அடுத்த தெள்ளாந்தி பகுதியை சேர்ந்த நாராயணன் என்ற உண்டியல் நாராயணன்(வயது 70) என்றும், மற்றொருவர் தூத்துக்குடி சத்தியாநகர் பள்ளிவாசல் தெருவை சேர்ந்த ராமர்(42) என்பதும் தெரியவந்தது.

இவர்கள் கருங்கல் அருகே கண்ணன்விளை பகுதியில் கிறிஸ்தவ ஆலயம், பாலூர் பகுதியில் தர்ம சாஸ்தா கோவில் உள்ளிட்ட குமரி மாவட்டத்தில் உள்ள பல்வேறு கோவில்களில் உண்டியல்களை உடைத்து பணத்தை திருடியதும் தெரியவந்தது.

இவர்கள் கோவில்களை மட்டுமே குறிவைத்து திருடி வந்துள்ளனர். திருடச் செல்லும்போது அதற்கென்று கருவிகளை கொண்டு செல்வதில்லை. அருகில் கிடக்கும் கற்களை கொண்டே உண்டியலை உடைத்து திருடி உள்ளனர். அதைத்தொடர்ந்து போலீசார் அவர்கள் 2 பேரையும் கைது செய்து விசாரணை நடத்தி வருகிறார்கள். 

தொடர்புடைய செய்திகள்

1. தஞ்சை அருகே தாக்கப்பட்ட பெண் சிகிச்சை பலனின்றி சாவு கொலை வழக்கில் கணவன் கைது
தஞ்சை அருகே கணவனால் தாக்கப்பட்ட பெண் சிகிச்சை பலனின்றி இறந்தார். இது குறித்து கொலை வழக்குப்பதிவு செய்து போலீசார் அந்த பெண்ணின் கணவனை கைது செய்தனர்.
2. ஆசாரிபள்ளம் ஆஸ்பத்திரியில் சிறுமியிடம் சில்மிஷம் செய்த காவலாளி கைது
நாகர்கோவில் ஆசாரிபள்ளம் ஆஸ்பத்திரியில் வடமாநில சிறுமியிடம் சில்மிஷம் செய்ததாக போலீசாரால் தேடப்பட்ட காவலாளி கைது செய்யப்பட்டார்.
3. பிரேசில் நாட்டு மாணவியை கற்பழித்த தொண்டு நிறுவன தலைவர் கைது
பிரேசில் நாட்டு மாணவியை கற்பழித்த தொண்டு நிறுவன தலைவர் மும்பையில் போலீசாரால் கைது செய்யப்பட்டார்.
4. பிரக்யா தாகூருக்கு எதிரான 12 வருட பழமையான கொலை வழக்கை மீண்டும் விசாரிக்க மத்திய பிரதேச அரசு முடிவு
போபால் மக்களவை தொகுதி பா.ஜ.க. வேட்பாளர் பிரக்யா சிங் தாகூருக்கு எதிரான 12 வருட பழமையான கொலை வழக்கை மீண்டும் விசாரிக்க மத்திய பிரதேச அரசு முடிவு செய்துள்ளது.
5. பிரியாணி கடையில் தகராறு: ஆட்டோ டிரைவரை கொலை செய்த 4 பேர் கைது
திருச்சியில் பிரியாணி கடையில் ஏற்பட்ட தகராறில் ஆட்டோ டிரைவரை அடித்து கொலை செய்த 4 பேரை போலீசார் கைது செய்து சிறையில் அடைத்தனர்.