மாவட்ட செய்திகள்

அந்தியூர் அருகே தண்ணீர் தொட்டி இடிந்து விழுந்து சிறுவன் சாவு + "||" + The water tank collapses and the boy dies

அந்தியூர் அருகே தண்ணீர் தொட்டி இடிந்து விழுந்து சிறுவன் சாவு

அந்தியூர் அருகே தண்ணீர் தொட்டி இடிந்து விழுந்து சிறுவன் சாவு
அந்தியூர் அருகே விளையாடிக்கொண்டிருந்தபோது தண்ணீர் தொட்டி இடிந்து விழுந்ததில் சிறுவன் பரிதாபமாக இறந்தான்.
அந்தியூர்,

ஈரோடு மாவட்டம் அந்தியூர் அருகே உள்ள பர்கூர் மலைப்பகுதியின் அடர்ந்த வனப்பகுதியில் உள்ள கோவில்நத்தம் கிராமத்தை சேர்ந்தவர் பொம்மையன் (வயது 40). விவசாயி. இவருடைய மனைவி ராஜ் (30). இவர்களுடைய மகள் ஹேமாவதி (9), மகன் நாகேந்திரன் (6). இதில் ஹேமாவதி அந்த பகுதியில் உள்ள ஒரு பள்ளியில் 4-ம் வகுப்பு படித்து வருகிறாள். அதே பள்ளியில் நாகேந்திரன் 2-ம் வகுப்பு படித்து வந்தான். பொம்மையன் தனது விவசாய தேவைக்காக கடந்த ஒரு மாதத்துக்கு முன்பு 7 அடி உயரத்தில் ஒரு தொட்டி கட்டி வைத்து உள்ளார்.


இந்த நிலையில் ஹேமாவதி, நாகேந்திரன் உள்பட 7 சிறுவர், சிறுமிகள் நேற்று மாலை அந்த தண்ணீர் தொட்டி அருகே விளையாடிக்கொண்டிருந்தனர்.

பொம்மையன் தனது தோட்டத்தில் உள்ள கிணற்றில் இருந்து மோட்டார் மூலம் புதிதாக கட்டிய தொட்டிக்கு தண்ணீர் ஏற்றிக்கொண்டிருந்தார். அப்போது எதிர்பாராதவிதமாக அந்த தொட்டி இடிந்து விழுந்தது. இதில் இடிபாடுகளுக்குள் சிக்கி படுகாயம் அடைந்த நாகேந்திரன் சம்பவ இடத்திலேயே பரிதாபமாக இறந்தான். ஹேமாவதி படுகாயம் அடைந்தாள். மற்ற சிறுவர், சிறுமிகள் காயமின்றி உயிர் தப்பினர்.

இதை பார்த்ததும் பொம்மையன், ராஜ் மற்றும் உறவினர்கள் பதற்றத்துடன் ஓடிவந்தனர். அங்கு பிணமாக கிடந்த நாகேந்திரனை கண்டு கதறி அழுதனர். மேலும் படுகாயம் அடைந்த ஹேமாவதியை அக்கம் பக்கத்தினர் மீட்டு சிகிச்சைக்காக அந்தியூர் அரசு ஆஸ்பத்திரிக்கு அனுப்பி வைத்தனர். பின்னர் மேல் சிகிச்சைக்காக தனியார் ஆஸ்பத்திரியில் அனுமதித்தனர். அங்கு அவளுக்கு டாக்டர்கள் தீவிர சிகிச்சை அளித்து வருகிறார்கள். இதுபற்றிய தகவல் அறிந்ததும் பர்கூர் போலீசார் சம்பவ இடத்துக்கு விரைந்து சென்று பார்வையிட்டனர். இதுகுறித்து போலீசார் விசாரணை நடத்தி வருகிறார்கள். இந்த சம்பத்தால் அந்த கிராமமே சோகத்தில் மூழ்கியது.

தொடர்புடைய செய்திகள்

1. அமெரிக்காவில் ஆற்றில் மூழ்கி இந்திய மாணவர்கள் 2 பேர் பலி
அமெரிக்காவின் டெக்சாஸ் மாகாணம் அர்லிங்டோன் நகரில் உள்ள டெக்சாஸ் பல்கலைக்கழகத்தில் இந்தியாவை சேர்ந்த அஜய்குமார் கோயல்முடி (வயது 23) மற்றும் தேஜா கவுசிக் (22) ஆகிய இருவரும் பொறியியல் பட்டப்படிப்பு படித்து வந்தனர்.
2. ஆத்தூர் அருகே, கார் கவிழ்ந்தது: தங்கை திருமணத்திற்கு சென்ற என்ஜினீயர் விபத்தில் பலி - தாயார் உள்பட 3 பேர் படுகாயம்
ஆத்தூர் அருகே கார் கவிழ்ந்து விபத்துக்குள்ளானதில் தங்கை திருமணத்திற்கு சென்ற என்ஜினீயர் பரிதாபமாக இறந்தார். தாயார் உள்பட 3 பேர் படுகாயம் அடைந்தனர். இந்த சோக சம்பவம் குறித்து போலீஸ்தரப்பில் கூறப் பட்டதாவது:-
3. தென்னிலை அருகே லாரி மோதியதில் சரக்கு வேனில் சென்ற 2 பேர் பலி 7 பேர் படுகாயம்
தென்னிலை அருகே லாரி மோதியதில் சரக்கு வேனில் சென்ற 2 பேர் பரிதாபமாக இறந்தனர். மேலும் 7 பேர் படுகாயமடைந்தனர்.
4. ஏரியூர் அருகே, காவிரி ஆற்றில் மூழ்கி 2 மாணவிகள் பலி
ஏரியூர் அருகே பாட்டியுடன் துணிதுவைக்க சென்றபோது காவிரி ஆற்றில் மூழ்கி 2 மாணவிகள் பரிதாபமாக இறந்தனர்.
5. கொடுமுடி அருகே காவிரி ஆற்றில் மூழ்கி வாலிபர் சாவு; நண்பர்களுடன் குளித்தபோது பரிதாபம்
கொடுமுடி அருகே நண்பர்களுடன் காவிரி ஆற்றில் குளித்தபோது தண்ணீரில் மூழ்கி வாலிபர் பரிதாபமாக இறந்தார்.