மாவட்ட செய்திகள்

விருதுநகர் அருகே சாலை சீரமைப்பு பணியில் மெத்தனம்; போராட்டம் நடத்த கிராம மக்கள் முடிவு + "||" + Near Virudhunagar Mentality in road renovation work; The villagers decide to conduct the fight

விருதுநகர் அருகே சாலை சீரமைப்பு பணியில் மெத்தனம்; போராட்டம் நடத்த கிராம மக்கள் முடிவு

விருதுநகர் அருகே சாலை சீரமைப்பு பணியில் மெத்தனம்; போராட்டம் நடத்த கிராம மக்கள் முடிவு
விருதுநகர் அருகே சாலை சீரமைப்பு பணியை 3 மாதங்களில் முடித்து தருவதாக எழுத்து பூர்வமாக உறுதி அளித்த அதிகாரிகள் ஓராண்டு ஆகியும் நடவடிக்கை எடுக்காத நிலையில் கிராம மக்கள் போராட்டம் நடத்த முடிவு செய்துள்ளனர்.
விருதுநகர்,

விருதுநகர் அருகே உள்ள கவுண்டம்பட்டியை சேர்ந்த தமிழ்நாடு ஒடுக்கப்பட்டோர் வாழ்வுரிமை இயக்க மாநிலக்குழு உறுப்பினர் முருகேசன் மற்றும் அந்த பகுதியை சேர்ந்த கிராம மக்கள் கடந்த ஆண்டு மாவட்ட நிர்வாகத்திடம் மத்தியசேனையில் இருந்து கவுண்டம்பட்டி வரை உள்ள சாலையை சீரமைக்க வேண்டும் என்றும், விருதுநகர் ஆத்துப்பாலம் அருகே உள்ள சிவகாசி சாலையை மேம்படுத்த வேண்டும் என்றும் கோரி மனு கொடுத்தனர். மேலும் ஆமத்தூரில் இருந்து மீசலூர் செல்லும் சாலையையும் சீரமைக்க கோரி இருந்தனர்.


மாவட்ட நிர்வாகம், இது குறித்து நடவடிக்கை எடுக்குமாறு விருதுநகர் நெடுஞ்சாலைத்துறை அதிகாரிகளுக்கு கோரிக்கை மனுவை அனுப்பி வைத்தது. இந்த மனுவுக்கு பதில் அளித்துள்ள விருதுநகர் நெடுஞ்சாலைத்துறை உதவி கோட்ட என்ஜினீயர், விருதுநகர்-சிவகாசி ரோட்டினை ஸ்ரீவில்லிபுத்தூர்-பார்த்திபனூர் சாலை மேம்பாட்டு திட்டத்தில் சேர்த்து 4 மாத காலத்திற்குள் பணியினை முடிப்பதாகவும், மத்தியசேனை முதல் கவுண்டம்பட்டி வரை உள்ள சாலையினை 2018-19-ம் நிதியாண்டிற்கான சாலை மேம்பாட்டு திட்டத்தில் எடுத்து மதிப்பீடு தயாரிக்கும் பணி நடந்து வருவதாகவும், பணிகளை தொடங்கி 3 மாத காலத்திற்குள் சாலை சீரமைக்கப்படும் என்றும் உறுதி அளித்துள்ளார். மேலும் ஆமத்தூர்-மீசலூர் சாலை விருதுநகர் யூனியன் சாலை என்றும், சம்பந்தப்பட்ட துறையினை அணுகி நிவாரணம் தேடி கொள்ளுமாறும் தெரிவித்துள்ளார்.

கடந்த ஆண்டு ஜூன் மாதம் 3 மாதங்களுக்குள் சாலை சீரமைப்புகள் பணிகள் முடிக்கப்படும் என்று உறுதி அளித்துள்ள நெடுஞ்சாலைத்துறை அதிகாரிகள் ஓராண்டு ஆகியும் எவ்வித நடவடிக்கையும் எடுக்காமல் பாராமுகமாகவே உள்ளனர். மாவட்ட நிர்வாகத்திடம் இந்த பிரச்சினை குறித்து மனுக்கள் கொடுக்கப்பட்டும் எவ்வித நடவடிக்கையும் எடுக்கப்படவில்லை. இதனை தொடர்ந்து விருதுநகர் நெடுஞ்சாலைத்துறை கோட்ட என்ஜினீயர் கவுண்டம்பட்டி சாலையினை ஒருங்கிணைந்த சாலை உள்கட்டமைப்பு திட்டத்தின் கீழ் 27.9.2018 அன்று டெண்டர் கோரப்பட்டுள்ளது என்றும், விரைவில் பணி முடிக்கப்படும் என்றும் தெரிவித்துள்ளார். ஆனாலும் எவ்வித நடவடிக்கையும் எடுத்ததாக தெரியவில்லை.

இந்த நிலையில் வெல்லூர், கவுண்டம்பட்டி மற்றும் அப்பகுதியில் உள்ள கிராம மக்கள் பல முறை அதிகாரிகளிடம் சென்று மனுக்கள் கொடுத்தும் சாலை சீரமைப்பு பணிகள் மேற்கொள்ளப்படாததால் நெடுஞ்சாலைத்துறை அலுவலகம் முன்பு போராட்டம் நடத்த முடிவு செய்துள்ளதாக முருகேசன் தெரிவித்துள்ளார். அதிகாரிகள் மெத்தனம் காட்டும் நிலையில் மாவட்ட நிர்வாகமும் இந்த பிரச்சினையில் தலையிட்டு உரிய நடவடிக்கை எடுக்க வேண்டும் என்று கிராம மக்கள் வலியுறுத்தியுள்ளனர்.

தொடர்புடைய செய்திகள்

1. விருதுநகர், சாத்தூர் தொகுதிகளில் வெற்றி, தோல்வியை நிர்ணயித்த அ.ம.மு.க. வேட்பாளர்கள்
விருதுநகர் நாடாளுமன்ற தொகுதியிலும், இடைத்தேர்தல் நடந்த சாத்தூர் சட்டமன்ற தொகுதியிலும் வெற்றி, தோல்வியை நிர்ணயிக்க அ.ம.மு.க. வேட்பாளர்கள் பெற்ற வாக்குகளே காரணமாக அமைந்துள்ளன.
2. எச்ஐவி தொற்று ரத்தம் ஏற்றப்பட்ட விவகாரத்தில் அனைவர் மீதும் நடவடிக்கை எடுக்கக்கோரி கணவன்-மனைவி போலீசில் புகார்
அரசு மருத்துவமனையில் கர்ப்பிணிக்கு எச்ஐவி தொற்று ரத்தம் ஏற்றப்பட்ட விவகாரம் தொடர்பாக காரணமானவர்கள் மீது நடவடிக்கை எடுக்க வலியுறுத்தி காவல் நிலையத்தில் புகார் அளிக்கப்பட்டு உள்ளது.
3. விருதுநகர் மாவட்டத்தில் உள்ள ரத்த வங்கிகளில் ரத்தத்தை மறு பரிசோதனை செய்ய உத்தரவு
விருதுநகர் மாவட்டத்தில் உள்ள ரத்த வங்கிகளில் சேகரிக்கப்பட்ட ரத்தத்தை மறு பரிசோதனை செய்ய உத்தரவிட்டுள்ளார்.
4. 5 ஆண்டுக்கு முன்பு நிதி ஒதுக்கியும் விருதுநகர் - சாத்தூர் 4 வழிச்சாலையில் நடைமேம்பாலம் அமைக்க நடவடிக்கை இல்லை தேசிய நெடுஞ்சாலை ஆணையம் பாராமுகம்
விருதுநகர்-சாத்தூர் இடையே 4 வழிச்சாலையில் நடைமேம்பாலங்கள் அமைக்க நிதி ஒதுக்கீடு செய்து 5 ஆண்டுகள் ஆகியும் நடவடிக்கை ஏதும் எடுக்காமல் தேசிய நெடுஞ்சாலை ஆணையம் பாராமுகமாகவே உள்ளது.
5. பட்டாசு ஆலைஅதிபர்கள், உரிமையாளர்கள் விருதுநகர் கலெக்டர் அலுவலகத்தில் இன்று காத்திருப்பு போராட்டம் 2 ஆயிரம் போலீசார் குவிப்பு
பட்டாசு ஆலைகளை திறக்க வலியுறுத்தி பட்டாசு ஆலை அதிபர்கள், தொழிலாளர்கள் இன்று விருதுநகர் கலெக்டர் அலுவலகத்தில் காத்திருப்பு போராட்டம் நடத்தப்போவதாக அறிவித்துள்ளனர். இதனால் அங்கு 2 ஆயிரம் போலீசார் குவிக்கப்பட்டுள்ளனர்.