<
பாலக்கோட்டில் ஆசிரியை விஷம் குடித்து தற்கொலை
பாலக்கோட்டில் பள்ளி ஆசிரியை விஷம் குடித்து தற்கொலை செய்து கொண்டார். கணவர் கழுத்தை அறுத்து தற்கொலைக்கு முயன்றதால் பரபரப்பு ஏற்பட்டது.
பாலக்கோடு,
இதுபற்றி போலீஸ் தரப்பில் கூறப்பட்டதாவது:-
தர்மபுரி மாவட்டம் பாலக்கோடு மேல் தெருவை சேர்ந்தவர் அருண். எம்.பி.ஏ. பட்டதாரி. இவருடைய மனைவி ஜோதிலட்சுமி (வயது 28). திருமணம் ஆகி 9 ஆண்டுகள் ஆகிறது. இவர்களுக்கு தீட்சிகா (7) என்ற மகளும், சச்சின் (4) என்ற மகனும் உள்ளனர். ஜோதிலட்சுமி வெள்ளிச்சந்தையில் தனியார் பள்ளியில் ஆசிரியையாக பணிபுரிந்து வந்தார்.
கணவன், மனைவி இடையே அடிக்கடி குடும்ப தகராறு ஏற்பட்டது. இதனால் ஜோதிலட்சுமி கணவருடன் கோபித்துக்கொண்டு முத்து கவுண்டர் தெருவில் உள்ள தாய் வீட்டுக்கு சென்றார்.
இந்தநிலையில் அருண் அடிக்கடி மனைவிக்கு போன் செய்து திட்டினாராம். இதனால் மனமுடைந்த ஜோதிலட்சுமி நேற்று முன்தினம் இரவு பூச்சிக்கொல்லி மருந்தை குடித்து விட்டார். இதனால் மயங்கி விழுந்த அவரை அக்கம்பக்கத்தினர் மீட்டு கிருஷ்ணகிரிக்கு ஒரு தனியார் மருத்துவமனைக்கு கொண்டு சென்றனர். ஆனால் செல்லும் வழியில் ஜோதிலட்சுமி இறந்தார்.
இதை அறிந்ததும் கணவர் அருண் தற்கொலை முயற்சியில் ஈடுபட்டார். வீட்டில் இருந்த கத்தியால் கழுத்தை அறுத்து கொண்டார். இதனால் அவர் படுகாயம் அடைந்தார். அவரை தர்மபுரி அரசு மருத்துவமனையில் சேர்த்தனர். அங்கு அவருக்கு தீவிர சிகிச்சை அளிக்கப்படுகிறது.
இதுகுறித்து பாலக்கோடு போலீசார் வழக்குப்பதிவு செய்து விசாரணை நடத்தி வருகிறார்கள்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
