மாவட்ட செய்திகள்

நிலக்கோட்டை அருகே விபத்தில் இறந்த, தொழிலாளி குடும்பத்துக்கு இழப்பீடு வழங்காததால் அரசு பஸ் ஜப்தி + "||" + Compensation for the worker family The government bus japti is not provided

நிலக்கோட்டை அருகே விபத்தில் இறந்த, தொழிலாளி குடும்பத்துக்கு இழப்பீடு வழங்காததால் அரசு பஸ் ஜப்தி

நிலக்கோட்டை அருகே விபத்தில் இறந்த, தொழிலாளி குடும்பத்துக்கு இழப்பீடு வழங்காததால் அரசு பஸ் ஜப்தி
நிலக்கோட்டை அருகே விபத்தில் இறந்த கூலித்தொழிலாளியின் குடும்பத்துக்கு இழப்பீடு வழங்காததால் அரசு பஸ் ஜப்தி செய்யப்பட்டது.
திண்டுக்கல்,

திண்டுக்கல் மாவட்டம் நிலக்கோட்டை அருகேயுள்ள பள்ளப்பட்டியை சேர்ந்தவர் ஒச்சான் (வயது 48). கூலித்தொழிலாளி. இவர் கடந்த சில ஆண்டுகளுக்கு முன்பு அந்த பகுதியில் உள்ள தனது குலதெய்வ கோவிலுக்கு குடும்பத்துடன் சென்றார். பின்னர் அவருடைய மனைவி போதும்பொண்ணு, மகள்கள் ஒச்சம்மாள், திவ்யா ஆகியோர் ஆட்டோவில் வீட்டுக்கு சென்றனர்.

பின்னர் ஒச்சான் மட்டும் தனது சைக்கிளில் வீட்டுக்கு திரும்பி சென்றார். திண்டுக்கல்-மதுரை நான்கு வழிச்சாலையில் பள்ளப்பட்டி அருகே அவர் சென்று கொண்டிருந்தார். அப்போது மதுரையில் இருந்து சேலம் சென்ற அரசு பஸ், அவர் மீது மோதியது. இதில் பலத்த காயம் அடைந்த ஒச்சான் சம்பவ இடத்திலேயே பரிதாபமாக இறந்தார். இது குறித்து அம்மையநாயக்கனூர் போலீசார் வழக்குப்பதிவு செய்தனர்.

இதற்கிடையே ஒச்சானின் மனைவி போதும்பொண்ணு, திண்டுக்கல் சிறப்பு சப்-கோர்ட்டில் இழப்பீடு கேட்டு வழக்கு தொடர்ந்தார். இதையடுத்து ஒச்சானின் குடும்பத்துக்கு ரூ.11 லட்சத்து 18 ஆயிரத்தை, அரசு போக்குவரத்து கழகம் இழப்பீடாக வழங்க வேண்டும் என்று கோர்ட்டு உத்தரவிட்டது.

ஆனால், அரசு போக்குவரத்து கழகம் சார்பில் ஒச்சானின் குடும்பத்துக்கு இழப்பீடு தொகை வழங்கப்படவில்லை. இதையடுத்து கோர்ட்டில் நிறைவேற்றுதல் மனு தாக்கல் செய்யப்பட்டது. அதை விசாரித்த நீதிபதி சுதாகர், அரசு போக்குவரத்து கழகம் இழப்பீடு வழங்காததால் அரசு பஸ்சை ஜப்தி செய்யும்படி உத்தரவிட்டார். அதன்பேரில் நேற்று திண்டுக்கல் பஸ்நிலையத்தில் நின்ற மதுரை-சேலம் அரசு பஸ்சை கோர்ட்டு அமீனாக்கள் ஜப்தி செய்தனர்.

இதனால் அந்த பஸ்சில் இருந்த பயணிகள் இறக்கி விடப்பட்டனர். பின்னர் சாதாரண பஸ்சில் அந்த பயணிகள் ஏற்றி விடப்பட்டனர். இதற்கு பயணிகள் தரப்பில் கடும் எதிர்ப்பு தெரிவிக்கப்பட்டது. இதைத் தொடர்ந்து கூடுதல் கட்டணம் திரும்ப வழங்கப்பட்டது. இதன் காரணமாக சிறிது நேரம் பரபரப்பு ஏற்பட்டது. 

தொடர்புடைய செய்திகள்

1. விபத்தில் படுகாயம் அடைந்த அரசு அலுவலக உதவியாளருக்கு நஷ்டஈடு வழங்காததால் அரசு பஸ் ஜப்தி நாமக்கல்லில் பரபரப்பு
விபத்தில் படுகாயம் அடைந்த வருவாய் ஆய்வாளர் அலுவலக உதவியாளருக்கு நஷ்டஈடு வழங்காததால் அரசு பஸ் ஜப்தி செய்யப்பட்ட சம்பவம் நேற்று நாமக்கல் பஸ்நிலையத்தில் சிறிது நேரம் பரபரப்பை ஏற்படுத்தியது.
2. வேலூரில், விபத்தில் இறந்தவர் குடும்பத்துக்கு இழப்பீடு வழங்காததால் ஆந்திர மாநில அரசு பஸ் ஜப்தி
விபத்தில் இறந்தவரின் குடும்பத்துக்கு இழப்பீடு வழங்காததால் வேலூர் புதிய பஸ் நிலையத்தில் நேற்று ஆந்திர மாநில அரசு பஸ் ஜப்தி செய்யப்பட்டது.
3. விவசாயிக்கு விபத்து இழப்பீடு வழங்காததால் அரசு பஸ் ஜப்தி
விபத்து இழப்பீடு வழங்காததால் தர்ம புரியில் அரசு பஸ் ஜப்தி செய்யப்பட்டது.
4. விபத்தில் உயிரிழந்த டிரைவர் குடும்பத்திற்கு இழப்பீடு வழங்காததால் அரசு பஸ் ஜப்தி திருவண்ணாமலை பஸ் நிலையத்தில் பரபரப்பு
விபத்தில் உயிரிழந்த டிரைவர் குடும்பத்துக்கு இழப்பீடு வழங்காததால் திருவண்ணாமலையில் அரசு பஸ் ஜப்தி செய்யப்பட்டது.
5. விபத்தில் உயிரிழந்தவர் குடும்பத்துக்கு இழப்பீடு வழங்காததால் அரசு பஸ் ஜப்தி கும்பகோணம் கோர்ட்டு உத்தரவு
விபத்தில் உயிரிழந்தவர் குடும்பத்துக்கு இழப்பீடு வழங்காததால் அரசு பஸ்சை ஜப்தி செய்ய கும்பகோணம் கோாட்டு உத்தரவிட்டது.