மாவட்ட செய்திகள்

கரூர் அரசு கலைக்கல்லூரியில் பொறியியல் மாணவர் சேர்க்கைக்கான சான்றிதழ் சரிபார்ப்பு கலெக்டர் ஆய்வு + "||" + Engineering student certification verification collector study at Karur Government Arts College

கரூர் அரசு கலைக்கல்லூரியில் பொறியியல் மாணவர் சேர்க்கைக்கான சான்றிதழ் சரிபார்ப்பு கலெக்டர் ஆய்வு

கரூர் அரசு கலைக்கல்லூரியில் பொறியியல் மாணவர் சேர்க்கைக்கான சான்றிதழ் சரிபார்ப்பு கலெக்டர் ஆய்வு
கரூர் அரசு கலைக்கல்லூரியில், பொறியியல் மாணவர் சேர்க்கைக்கான சான்றிதழ் சரிபார்ப்பு பணியை கலெக்டர் அன்பழகன் ஆய்வு செய்தார்.
கரூர்,

தமிழ்நாடு அரசு தொழில்நுட்ப கல்வி இயக்ககம் மூலம் நடைபெற்று வரும், பொறியியல் கல்லூரிகளில் மாணவர் சேர்க்கைக்கான இணையவழி கலந்தாய்வுக்காக கரூர் மாவட்டத்தில் தாந்தோன்றிமலையில் உள்ள அரசு கலைக்கல்லூரியில் சேவை மையம் செயல்பட்டு வருகின்றது. இந்த சேவை மையத்தை கலெக்டர் அன்பழகன் நேரில் பார்வையிட்டு ஆய்வு செய்து, மாணவ-மாணவிகளுக்கு பொறியியல் கல்லூரிகளின் பட்டியல் அடங்கிய வழிகாட்டி புத்தகங்களை வழங்கி பேசினார். அப்போது அவர் கூறியதாவது:-


தமிழ்நாடு அரசு தொழில்நுட்ப கல்வி இயக்ககம் மூலம் நடைபெற்று வரும் பொறியியல் மாணவர் சேர்க்கைக்கான இணையவழி கலந்தாய்வுக்கு கரூர் அரசு கலைக்கல்லூரியில் பதிவு செய்வதற்கான வசதிகள் செய்யப்பட்டு உள்ளது. இதில் 2-ம் கட்டமாக ஜூன் 6-ந்தேதி முதல் ஜூன் 11-ந்தேதிவரை சான்றிதழ் சரிபார்ப்பு பணி நடைபெறும் என அறிவிக்கப்பட்டிருந்தது. மாணவர்களின் நலன் கருதி இந்த கால அவகாசம் இரண்டு நாட்கள் நீட்டிக்கப்பட்டது.

விண்ணப்பம்

ஜூலை 3-ந்தேதி முதல் ஜூலை 28-ந்தேதி வரை நடைபெறவிருக்கும் இணையவழி விருப்பத்தேர்வு மற்றும் தங்களது தேர்வை உறுதி செய்தல் ஆகியவற்றை மாணவர்கள் வீட்டிலிருந்தோ அல்லது சேவை மையத்திலோ செய்து கொள்ளலாம். விண்ணப்பம் பதிவு செய்யhttps://www.theaonline.inஅல்லதுhttps://www.thdte.gov.in என்ற இணையதளங்களை பயன்படுத்த வேண்டும். மேலும் விவரங்களுக்கு கரூர் அரசு கலைக்கல்லூரியில் நிறுவப்பட்டுள்ள கலந்தாய்வு சேவை மையத்தினை அணுகலாம்.

மாணவர்களின் வசதிக்காக கல்லூரி வழியாக செல்லும் அனைத்து பஸ்களும் நின்று செல்லவும், தடையில்லா மின்சாரம் மற்றும் இணையதள வசதி வழங்கவும், ஆன்லைன் மூலம் சரிபார்ப்பதற்கு 25 இடங்களில் மேஜை வசதிகள் செய்து கொடுப்பதற்காக தனித்தனி அலுவலர்கள் நியமிக்கப்பட்டுள்ளனர்.

இவ்வாறு அவர் கூறினார்.

ஆய்வின்போது, அரசு கலைக்கல்லூரியின் கணினித்துறை தலைவர் தங்கதுரை, பேராசிரியர் ராஜன் ஆகியோர் உடனிருந்தனர்.

தொடர்புடைய செய்திகள்

1. அரியலூர் மாவட்டத்தில் வளர்ச்சி திட்டங்கள் முன்னெடுத்து செயல்படுத்தப்படும் கலெக்டர் டி.ரத்னா பேட்டி
அரியலூர் மாவட்டத்தில் மக்கள் நலனுக்காக பல்வேறு வளர்ச்சி திட்டங்கள் முன்னெடுத்து செயல்படுத்தப்படும் என்று புதிய கலெக்டராக பொறுப்பேற்றுக் கொண்ட டி.ரத்னா தெரிவித்துள்ளார்.
2. காரிமங்கலம் ஒன்றியத்தில் குடிமராமத்து பணிகளை கலெக்டர் ஆய்வு
காரிமங்கலம் ஒன்றியத்தில் நடைபெற்று வரும் குடிமராமத்து பணிகளை கலெக்டர் மலர்விழி பார்வையிட்டு ஆய்வு செய்தார்.
3. பெரம்பலூரில் உலக பேரிடர் தணிப்பு தின விழிப்புணர்வு ஊர்வலம் ஒத்திகை நிகழ்ச்சியும் நடந்தது
பெரம்பலூரில் உலக பேரிடர் தணிப்பு தினத்தை முன்னிட்டு விழிப்புணர்வு ஊர்வலமும், ஒத்திகை நிகழ்ச்சியும் நடந்தது.
4. சூளகிரியில் டெங்கு தடுப்பு பணிகளை கலெக்டர் ஆய்வு
சூளகிரியில் டெங்கு தடுப்பு பணிகளை கலெக்டர் பிரபாகர் நேரில் பார்வையிட்டு ஆய்வு செய்தார்.
5. உலக சிலம்ப போட்டியில் 11 தங்கம் உள்பட 24 பதக்கங்கள் வென்று சாதனை வீரர்-வீராங்கனைகளுக்கு கலெக்டர் பாராட்டு
மலேசியாவில் நடந்த உலக சிலம்ப போட்டியில் குமரி மாவட்டத்தை சேர்ந்த வீரர், வீராங்கனைகள் 11 தங்கம் உள்பட 24 பதக்கங்கள் வென்று சாதனை படைத்தனர். அவர்களை கலெக்டர் பிரசாந்த் வடநேரே பாராட்டினார்.

ஆசிரியரின் தேர்வுகள்...