மாவட்ட செய்திகள்

காரைக்கால் நகராட்சி உத்தரவை கண்டித்து கலெக்டர் அலுவலகத்தை முற்றுகை; இறைச்சி வியாபாரிகள் போராட்டம் + "||" + Karaikal denounced municipal orders Siege of Collector office; Meat traders Struggle

காரைக்கால் நகராட்சி உத்தரவை கண்டித்து கலெக்டர் அலுவலகத்தை முற்றுகை; இறைச்சி வியாபாரிகள் போராட்டம்

காரைக்கால் நகராட்சி உத்தரவை கண்டித்து கலெக்டர் அலுவலகத்தை முற்றுகை; இறைச்சி வியாபாரிகள் போராட்டம்
ஆடு வதை கூடத்தில் மட்டுமே ஆடுகளை அறுக்கவேண்டும் என்ற நகராட்சியின் உத்தரவை கண்டித்து, கலெக்டர் அலுவலகத்தை இறைச்சி வியாபாரிகள் முற்றுகையிட்டு போராட்டத்தில் ஈடுபட்டனர்.
காரைக்கால்,

காரைக்கால் மாவட்டத்தில், ஆட்டு இறைச்சி வியாபாரம் செய்வோர், ஆடுவதை கூடத்தில், மருத்துவர் பரிசோதனைக்கு பிறகே ஆடுகளை அறுக்க வேண்டும். ஆட்டிறைச்சியில் முத்திரை குத்திய பிறகே கடைகளில் விற்பனை செய்யவேண்டும் என்பது அரசின் விதிமுறையாகும்.


நாளடைவில் கண்டுகொள்ளாமல் தங்கள் இருப்பிடங்களிலேயே ஆடுகளை எந்தவித பரிசோதனையும் செய்யாமல் அறுத்து விற்பனை செய்து வந்தனர். இந்த விதிமீறல் குறித்து நகராட்சி மற்றும் மாவட்ட நிர்வாகத்திற்கு புகார்கள் வந்தன.

அதைத் தொடர்ந்து நகராட்சி ஆணையர் சுபாஷ் காரைக்கால் நகராட்சியின் ஆடு வதை கூடத்தில் மட்டுமே ஆடுகளை அறுக்கவேண்டும் என உத்தரவு பிறப்பித்தார். இதை ஏற்று ஒரு சிலர் நேற்று ஆடு வதை கூடத்தில் ஆடுகளை அறுத்தனர். ஆனால் ஆடு வளர்ப்பவர்கள் மற்றும் இறைச்சி வியாபாரிகள் பலர், ஆடுவதை கூடத்தில் போதுமான தண்ணீர், மின்சாரம், சுகாதாரம் இல்லை என ஆடுகளை அறுக்க மறுத்து அங்கேயே முற்றுகை போராட்டத்தில் ஈடுபட்டனர்.

பின்னர் அவர்கள் மாவட்ட கலெக்டர் அலுவலக வாயிலுக்கு சென்று முற்றுகை போராட்டத்தில் ஈடுபட்டனர். அதனால் அங்கு பரபரப்பு ஏற்பட்டது. இதுபற்றி தகவல் அறிந்து போலீசாரும், நகராட்சி ஆணையரும் அங்கு வந்து பேச்சுவார்த்தை நடத்தினார்கள். இதன்பின் போராட்டத்தில் ஈடுபட்டவர்கள் அனைவரும் கலைந்து சென்றனர்.

தொடர்புடைய செய்திகள்

1. குடிநீர் வழங்கக்கோரி காலிக்குடங்களுடன் ஒன்றிய அலுவலகத்தை பெண்கள் முற்றுகை மன்னார்குடியில் பரபரப்பு
குடிநீர் வழங்கக்கோரி பெண்கள் காலிக்குடங்களுடன் மன்னார்குடி ஊராட்சி ஒன்றிய அலுவலகத்தை முற்றுகையிட்டதால் பரபரப்பு ஏற்பட்டது.
2. திருச்சி மாவட்ட முதன்மை கல்வி அலுவலகத்தை இந்திய மாணவர் சங்கத்தினர் முற்றுகை
பல்வேறு கோரிக்கைகளை வலியுறுத்தி இந்திய மாணவர் சங்கத்தினர் நேற்று காலை திருச்சி மாவட்ட முதன்மைக் கல்வி அலுவலகத்தை முற்றுகையிட்டு போராட்டம் நடத்தினர்.
3. காய்ச்சலுக்காக வழங்கப்பட்ட மாத்திரையில் இரும்பு கம்பி இருந்ததாக கூறி, பவானி அரசு ஆஸ்பத்திரி முற்றுகை- இந்து முன்னணியினர் 23 பேர் கைது
காய்ச்சலுக்காக வழங்கப்பட்ட மாத்திரையில் இரும்பு கம்பி இருந்ததாக கூறி பவானி அரசு ஆஸ்பத்திரியை முற்றுகையிட முயன்ற இந்து முன்னணியினர் 23 பேரை போலீசார் கைது செய்தனர்.
4. குடிநீர் தட்டுப்பாட்டால் கடும் அவதி: கள்ளப்பள்ளி ஊராட்சி அலுவலகத்தை காலிக்குடங்களுடன் பொதுமக்கள் முற்றுகை
குடிநீர் தட்டுப்பாட்டால் கடும் அவதிக்கு உள்ளான பொதுமக்கள், குடிநீர் கேட்டு கள்ளப்பள்ளி ஊராட்சி மன்ற அலுவலகத்தை காலிக்குடங்களுடன் முற்றுகையிட்டனர்.
5. ஆரம்ப சுகாதார நிலையத்தில் பிரசவத்தின்போது குழந்தை சாவு நர்சு மீது நடவடிக்கை கோரி பொதுமக்கள் முற்றுகை
திருச்சி அருகே ஆரம்ப சுகாதார நிலையத்தில் பெண்ணுக்கு பிரசவத்தின்போது குழந்தை இறந்தது. இதனால் ஆத்திரமடைந்த உறவினர்கள் மற்றும் பொதுமக்கள், நர்சு மீது நடவடிக்கை கோரி சுகாதார நிலையத்தை முற்றுகையிட்டனர்.

அதிகம் வாசிக்கப்பட்டவை