மாவட்ட செய்திகள்

கூட்டணி கட்சிகளுக்கான தொகுதி பங்கீட்டை விரைந்து முடிக்க வேண்டும் : காங்கிரஸ் நிர்வாகிகள் கோரிக்கை + "||" + Fast-forward to the allotment of coalition parties: Congress executives demand

கூட்டணி கட்சிகளுக்கான தொகுதி பங்கீட்டை விரைந்து முடிக்க வேண்டும் : காங்கிரஸ் நிர்வாகிகள் கோரிக்கை

கூட்டணி கட்சிகளுக்கான தொகுதி பங்கீட்டை விரைந்து முடிக்க வேண்டும் : காங்கிரஸ் நிர்வாகிகள் கோரிக்கை
சட்டசபை தேர்தலில் கூட்டணி கட்சிகளுக்கான தொகுதி பங்கீட்டை விரைவில் முடிக்க வேண்டும் என கட்சி தலைமைக்கு காங்கிரஸ் நிர்வாகிகள் கோரிக்கை விடுத்து உள்ளனர்.
மும்பை, 

நாடாளுமன்ற தேர்தலில் பிரகாஷ் அம்பேத்கர் தலைமையிலான வஞ்சித் பகுஜன் அகாடியால் காங்கிரஸ் கூட்டணி மராட்டியத்தில் சுமார் 10 தொகுதிகளில் தோல்வியை சந்தித்தது. எனவே அக்டோபர் மாத வாக்கில் நடைபெறும் சட்டமன்ற தேர்தலில் அந்த கட்சியை கூட்டணியில் சேர்க்க காங்கிரஸ் கட்சி ஆர்வம் காட்டி வருகிறது.

இந்தநிலையில் காங்கிரஸ் கட்சி மாவட்ட நிர்வாகிகள் கூட்டம் தாதரில் உள்ள திலக்பவனில் நடந்தது. இதில் மாநில பொறுப்பாளர் மல்லிகார்ஜூன கார்கே, மாநில தலைவர் அசோக் சவான், மூத்த தலைவர் சுஷில்குமார் ஷிண்டே, முன்னாள் முதல்-மந்திரி பிரதிவிராஜ் சவான் உள்ளிட்ட முக்கிய தலைவர்கள் கலந்து கொண்டனர்.

அப்போது நிர்வாகிகள், சட்டசபை தேர்தலில் பிரகாஷ் அம்பேத்கருக்காக காத்திருக்காமல் கூட்டணி உறுதி செய்யப்பட்ட தேசியவாத காங்கிரசுடன் தொகுதி பங்கீட்டை விரைவில் முடிக்க வேண்டும். பிரகாஷ் அம்பேத்கரை கூட்டணிக்குள் கொண்டு வர முயற்சி செய்து நேரத்தை வீணடிப்பதை விட அவரால் வாக்குகள் பிரிவதை தடுக்க திட்டம் வகுக்க வேண்டும் என கட்சி தலைமையிடம் கோரிக்கை விடுத்து உள்ளனர்.

இதுகுறித்து மாவட்ட தலைவர் ஒருவர் கூறும்போது:- வஞ்சித் பகுஜன் அகாடிக்கு காங்கிரஸ் கூட்டணியில் சேர விருப்பம் இல்லை என்பது தெளிவாக தெரிகிறது. எனவே பிரகாஷ் அம்பேத்கரை சமரசம் செய்ய முயற்சி செய்து நேரத்தை வீண்டிப்பதைவிட அவரை சமாளிக்க திட்டம் வகுத்து தேர்தலை சந்திக்கலாம். இதேபோல கடைசி நேரம் வரை இழுத்தடிக்காமல் கூட்டணி கட்சிகளுக்கான தொகுதி பங்கீட்டை விரைந்து முடித்தால் தொண்டர்கள் தேர்தல் பணியாற்ற வசதியாக இருக்கும்.

இவ்வாறு அவர் கூறினார்.

தொடர்புடைய செய்திகள்

1. டெல்லியில் பா.ஜ.க. கூட்டணி கட்சிகளுக்கான விருந்து நிகழ்ச்சி தொடங்கியது
டெல்லியில் உள்ள அசோகா ஓட்டலில் பா.ஜ.க. கூட்டணி கட்சிகளுக்கான விருந்து நிகழ்ச்சி தொடங்கியது.
2. மராட்டியத்தில் நாடாளுமன்ற தேர்தல் தொகுதி பங்கீடு : காங்கிரஸ்-26, தேசியவாத காங்கிரஸ்-22 தொகுதிகளில் போட்டி
நாடாளுமன்ற தேர்தலில் போட்டியிடும் தொகுதி விவரங்களை நேற்று காங்கிரஸ், தேசியவாத காங்கிரஸ் கட்சிகள் அதிகாரப்பூர்வமாக அறிவித்தன. இதில் காங்கிரஸ் 26 தொகுதிகளிலும், தேசியவாத காங்கிரஸ் 22 தொகுதிகளிலும் போட்டியிடுகின்றன.
3. கூட்டணி கட்சிகளுக்கு ஒதுக்கப்பட்ட தொகுதிகள் விவரம் பின்னர் அறிவிக்கப்படும்; ஓ. பன்னீர்செல்வம்
கூட்டணி கட்சிகளுக்கு ஒதுக்கப்பட்ட தொகுதிகள் விவரம் பின்னர் அறிவிக்கப்படும் என அ.தி.மு.க. ஒருங்கிணைப்பாளர் ஓ. பன்னீர்செல்வம் தெரிவித்துள்ளார்.
4. தே.மு.தி.க. வராமல் போனால் கூட்டணி கட்சிகளுக்கு கூடுதல் இடங்கள் ஒதுக்க ஸ்டாலின் ஆலோசனை
தே.மு.தி.க. வராமல் போனால் கூட்டணி கட்சிகளுக்கு கூடுதல் இடங்கள் ஒதுக்குவது பற்றி ஸ்டாலின் ஆலோசனை மேற்கொண்டார்.

அதிகம் வாசிக்கப்பட்டவை