<
நெல்லையில் போக்குவரத்து தொழிலாளர்கள் ஆர்ப்பாட்டம்
நெல்லையில் போக்குவரத்து தொழிலாளர்கள் ஆர்ப்பாட்டத்தில் ஈடுபட்டனர்.
நெல்லை,
நெல்லையில் போக்குவரத்து தொழிலாளர்கள் ஆர்ப்பாட்டத்தில் ஈடுபட்டனர்.
ஆர்ப்பாட்டம்
நெல்லை வண்ணார்பேட்டை அரசு போக்குவரத்து அலுவலக பணிமனை முன்பு தொ.மு.ச. சார்பில், போக்குவரத்து தொழிலாளர்கள் நேற்று ஆர்ப்பாட்டத்தில் ஈடுபட்டனர். சங்க தலைவர் முருகேசன் தலைமை தாங்கினார். பொதுச்செயலாளர் தர்மன் கோரிக்கைகளை வலியுறுத்தி பேசினார்.
போக்குவரத்து தொழிலாளர்களின் சம்பள உயர்வு பேச்சுவார்த்தையை உடனே தொடங்க வேண்டும். ஓய்வுபெற்ற தொழிலாளர்களின் பணப்பலன்களை உடனே வழங்க வேண்டும். 240 நாட்கள் பணி முடித்த அனைத்து தொழிலாளர்களையும் பணி நிரந்தரம் செய்ய வேண்டும்.
பயணப்படி நிலுவை, ஓய்வு பெற்றோருக்கான பயணப்படி உயர்வை வழங்க வேண்டும் என்பன உள்ளிட்ட கோரிக்கைகளை வலியுறுத்தி, இந்த ஆர்ப்பாட்டம் நடந்தது.
கலந்து கொண்டவர்கள்
ஆர்ப்பாட்டத்தில் சங்க பொருளாளர் முருகன், மத்திய சங்க நிர்வாகி கணேசன், நிர்வாகிகள் மகா விஷ்ணு, பாலு, நடராஜன், மணிராஜ் மைக்கேல் உள்பட திரளான போக்குவரத்து தொழிலாளர்கள் கலந்து கொண்டனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
