மாவட்ட செய்திகள்

திருவாரூர் அருகே பரபரப்பு: கொள்ளையடிக்க வரமறுத்த வாலிபருக்கு கத்திக்குத்து + "||" + Paravuram near Thiruvarur: Shout for youth who did not come to loot

திருவாரூர் அருகே பரபரப்பு: கொள்ளையடிக்க வரமறுத்த வாலிபருக்கு கத்திக்குத்து

திருவாரூர் அருகே பரபரப்பு: கொள்ளையடிக்க வரமறுத்த வாலிபருக்கு கத்திக்குத்து
திருவாரூர் அருகே கொள்ளையடிக்க வரமறுத்த வாலிபருக்கு கத்திக்குத்து விழுந்தது. இந்த சம்பவம் அப்பகுதியில் பரபரப்பை ஏற்படுத்தி உள்ளது.
கொரடாச்சேரி,

திருவாரூர் அருகே உள்ள பெருமாளகரத்தை சேர்ந்தவர் விஜய் (வயது27). இவருடைய நண்பர், வடக்குமாங்குடியை சேர்ந்த சக்திவேல் (29). இவர்கள் இருவர் மீதும் கொள்ளை, வழிப்பறி உள்ளிட்ட பல்வேறு குற்ற வழக்குகள் நிலுவையில் உள்ளன. இவர்களுக்கு தமிழகத்தின் பல்வேறு இடங்களை சேர்ந்த கொள்ளை கும்பலுடன் தொடர்பு உள்ளதாக கூறப்படுகிறது.


விஜய்யின் மனைவி கர்ப்பமாக உள்ளார். மனைவிக்கு குழந்தை பிறக்கும் வரை கொள்ளையடிக்க செல்வதில்லை என விஜய் முடிவு செய்திருந்ததாக தெரிகிறது. இந்த நிலையில் சக்திவேல், விஜய்யை கொள்ளையடிக்க அழைத்துள்ளார். இதற்கு விஜய் மறுத்துள்ளார்.

கத்திக்குத்து

இதனால் ஏற்பட்ட முன்விரோதம் காரணமாக சம்பவத்தன்று சக்திவேல் மற்றும் அவருடைய நண்பர்கள் சென்னை வடபழனியை சேர்ந்த விக்னேஷ் (27), கொரடாச்சேரி அருகே உள்ள பருத்தியூரை சேர்ந்த விக்னேஷ் (22), வெண்ணவாசலை சேர்ந்த சுரேஷ் (24), பட்டுக்கோட்டையை சேர்ந்த பிரபா (27) ஆகிய 5 பேரும் சேர்ந்து விஜய்யை கத்தியால் சரமாரியாக குத்தினர்.

இதனை தடுக்க வந்த விஜய்யின் நண்பர் அரவிந்த் (28) என்பவருக்கும் கத்திக்குத்து விழுந்தது. இதில் படுகாயம் அடைந்த விஜய், அரவிந்த் ஆகிய 2 பேரும் திருவாரூர் அரசு மருத்துவக்கல்லூரி மருத்துவமனையில் அனுமதிக்கப்பட்டனர்.

வலைவீச்சு

அங்கு அவர்களுக்கு சிகிச்சை அளிக்கப்பட்டு வருகிறது. இதுகுறித்து விஜய் கொரடாச்சேரி போலீசில் புகார் கொடுத்தார். அதன்பேரில் இன்ஸ்பெக்டர் ராமமூர்த்தி மற்றும் போலீசார் சக்திவேல் உள்பட 5 பேர் மீதும் வழக்குப்பதிவு செய்தனர்.

இதில் சென்னை வடபழனியை சேர்ந்த விக்னேசை கைது செய்தனர். மற்ற 4 பேரையும் போலீசார் வலைவீசி தேடி வருகிறார்கள். கொள்ளையடிக்க வரமறுத்த வாலிபர் கத்தியால் குத்தப்பட்ட சம்பவம் அப்பகுதியில் பரபரப்பை ஏற்படுத்தி உள்ளது.

தொடர்புடைய செய்திகள்

1. பள்ளி மாணவி பாலியல் பலாத்காரம்: வாலிபருக்கு 10 ஆண்டு சிறை தஞ்சை மகிளா கோர்ட்டு தீர்ப்பு
பள்ளி மாணவியை பாலியல் பலாத்காரம் செய்த வாலிபருக்கு 10 ஆண்டு சிறை தண்டனை விதித்து தஞ்சை மகிளா கோர்ட்டில் தீர்ப்பு கூறப்பட்டது.
2. நாகர்கோவிலில் பள்ளி மாணவர்கள் மோதல்; ஒருவருக்கு கத்திக்குத்து
நாகர்கோவிலில் பள்ளி மாணவர்களுக்கிடையே நடந்த மோதலில் ஒருவருக்கு கத்திக்குத்து விழுந்தது.
3. சீனாவில் பயங்கரம்: பள்ளிக்கூடத்தில் புகுந்து மர்ம நபர் கத்தியால் குத்தியதில் 8 மாணவர்கள் பலி
சீனாவில் தொடக்கப்பள்ளியில் நடந்த கத்திக்குத்து தாக்குதலில் 8 மாணவர்கள் பலியாகினர். வெறிச்செயலில் ஈடுபட்டவரை போலீசார் கைது செய்து விசாரித்து வருகின்றனர்.
4. சிறுமியை பலாத்காரம் செய்து கொன்ற வாலிபருக்கு ஆயுள் தண்டனை; திண்டுக்கல் மகளிர் நீதிமன்றம் பரபரப்பு தீர்ப்பு
சிறுமியை பலாத்காரம் செய்து கொன்ற வழக்கில் வாலிபருக்கு ஆயுள் தண்டனை விதித்து, திண்டுக் கல் மகளிர் நீதிமன்றம் பரபரப்பு தீர்ப்பு வழங்கியது.
5. மதுகுடிக்க பணம் கேட்டதில் தகராறு: வாலிபரை கொலை செய்ய முயன்ற வழக்கில் 2 பேருக்கு சிறை தண்டனை
மதுகுடிக்க பணம் கேட்டதில் ஏற்பட்ட தகராறில் வாலிபரை கொலை செய்ய முயன்ற வழக்கில் குளித்தலை கோர்ட்டு 2 பேருக்கு சிறை தண்டனை விதித்து தீர்ப்பு கூறியது.