மாவட்ட செய்திகள்

மகனை குத்தி கொன்று வாலிபர் தற்கொலை முயற்சிமனைவி, மைத்துனர் படுகாயம் + "||" + Young man attempts suicide by stabbing his son Wife, brother-in-law

மகனை குத்தி கொன்று வாலிபர் தற்கொலை முயற்சிமனைவி, மைத்துனர் படுகாயம்

மகனை குத்தி கொன்று வாலிபர் தற்கொலை முயற்சிமனைவி, மைத்துனர் படுகாயம்
புனே அருகே மகனை குத்திக் கொன்ற வாலிபர் தனது மனைவி, மைத்துனரையும் தாக்கி விட்டு தற்கொலைக்கு முயன்றார்.
புனே,

புனே அருகே உள்ள ஹவலே கதம்வாக்பஸ்தி பகுதியை சேர்ந்தவர் யோகேஷ் (வயது33). இவரது மனைவி கவுரி (25). இந்த தம்பதிக்கு 6 வயதில் ஆயுஷ் என்ற மகன் இருந்தான். 4 வயதில் ஒரு மகள் இருக்கிறாள்.

இந்த நிலையில், யோகேசுக்கு மனைவியின் நடத்தையில் சந்தேகம் இருந்து வந்தது. இதன் காரணமாக அவர் அடிக்கடி மனைவியிடம் சண்டையிட்டு வந்தார். இதனால் எரிச்சல் அடைந்த கவுரி தனது பிள்ளைகள் இருவரையும் அழைத்துக் கொண்டு அண்ணன் பாரத் (28) வீட்டுக்கு சென்று விட்டார்.

இந்த நிலையில், சம்பவத்தன்று இரவு அங்கு வந்த யோகேஷ், மனைவி கவுரியிடம் வீட்டுக்கு வருமாறு சண்டையிட்டார். அப்போது கவுரியுடன் சிறுவன் ஆயுசும் இருந்தான். இருவருக்கும் இடையே வாக்குவாதம் முற்றியதில் திடீரென யோகேஷ் தான் மறைத்து வைத்திருந்த கத்தியை எடுத்து மகன் என்றும் பாராமல் கவுரி கண்முன்னே ஆயுஷின் கழுத்தில் குத்தினார்.

இதில் அவன் ரத்த வெள்ளத்தில் சரிந்தான். பின்னர் தடுக்க முயன்ற கவுரியையும் குத்தினார். அவர்களது அலறல் சத்தம் கேட்டு பாரத் ஓடி வந்தார். அவர் யோகிசிடம் இருந்த கத்தியை பிடுங்க முயன்றார். அப்போது அவரையும் யோகேஷ் குத்தி விட்டு அங்கிருந்து ஓடினார்.

பின்னர் சிறிது தூரம் சென்று கத்தியால் தனது கழுத்தை அறுத்துக் கொண்டார். சத்தம் கேட்டு ஓடி அக்கம்பக்கத்தினர் 4 பேரையும் மீட்டு சிகிச்சைக்காக ஆஸ்பத்திாயில் சேர்த்தனர். அங்கு டாக்டர்கள் பரிசோதித்து விட்டு சிறுவன் ஆயுஷ் இறந்து விட்டதாக தெரிவித்தனர்.

மற்ற மூன்று பேரும் தீவிர சிகிச்சை பிரிவில் சேர்க்கப்பட்டனர்.

இந்த சம்பவம் குறித்து அப்பகுதி போலீசார் வழக்குப்பதிவு செய்து விசாரணை நடத்தி வருகின்றனர்.

தொடர்புடைய செய்திகள்

1. கையை வெட்டி தற்கொலை முயற்சி மதுமிதாவை கண்டித்த கமல்ஹாசன்
கமல்ஹாசன் பிக்பாஸ் நிகழ்ச்சியில் நடிகை மதுமிதா கையை அறுத்து தற்கொலைக்கு முயன்ற சம்பவம் ரசிகர்களை அதிர்ச்சியடைய வைத்தது.
2. குமாரபாளையத்தில் விசைத்தறி உரிமையாளர் குடும்பத்துடன் தற்கொலை முயற்சி தாய் பலியான பரிதாபம்
குமாரபாளையத்தில் விசைத்தறி உரிமையாளர் குடும்பத்துடன் தற்கொலைக்கு முயன்றதால் பரபரப்பு ஏற்பட்டது. இதில் விஷம் குடித்த தாய் பரிதாபமாக இறந்தார்.
3. திண்டிவனம் அருகே கள்ளக்காதல் ஜோடி வி‌‌ஷம் குடித்து தற்கொலை முயற்சி போலீசார் விசாரணை
திண்டிவனம் அருகே கள்ளக்காதல் ஜோடி வி‌‌ஷம் குடித்து தற்கொலைக்கு முயன்றனர். இதுதொடர்பாக போலீசார் விசாரணை நடத்தி வருகின்றனர்.
4. நடத்தையில் சந்தேகப்பட்டு பேசியதால் பெண் உள்பட 2 பேர் தற்கொலை முயற்சி; போலீசார் விசாரணை
கணவர் பிரிந்து சென்ற நிலையில், தொழிலாளி ஒருவருடன் தொடர்பு படுத்தி நடத்தையில் சந்தேகப்பட்டு பேசியதால், பெண் உள்பட 2 பேர் தற்கொலைக்கு முயன்றனர்.
5. திருச்செங்கோடு கல்வி மாவட்ட அலுவலகத்தில் அரசு ஊழியர் விஷம் குடித்து தற்கொலை முயற்சி
திருச்செங்கோடு கல்வி மாவட்ட அலுவலகத்தில் அரசு ஊழியர் விஷம் குடித்து தற்கொலை முயற்சி மேற்கொண்ட சம்பவம் பரபரப்பை ஏற்படுத்தி உள்ளது.