<
பெங்களூரு மாநகர போலீஸ் கமிஷனராக அலோக்குமார் நியமனம் மாநில அரசு அதிரடி உத்தரவு
கர்நாடகத்தில் 19 ஐ.பி.எஸ். அதிகாரிகள் பணி இடமாற்றம் செய்யப்பட்டுள்ளனர். இதில் பெங்களூரு மாநகர போலீஸ் கமிஷனராக அலோக் குமார் நியமிக்கப்பட்டு உள்ளார். இந்த உத்தரவை கர்நாடக அரசு பிறப்பித்துள்ளது.
பெங்களூரு,
அதன் விவரம் வருமாறு:-
* பெங்களூரு மாநகர போலீஸ் கமிஷனராக இருந்த சுனில் குமார், போலீஸ் ஆள்சேர்ப்பு பிரிவு கூடுதல் டி.ஜி.பி.யாக நியமிக்கப்பட்டு உள்ளார்.
* பெங்களூரு குற்றப்பிரிவு கூடுதல் போலீஸ் கமிஷனர் அலோக் குமார், பெங்களூரு மாநகர போலீஸ் கமிஷனராக நியமனம் செய்யப்பட்டு இருக்கிறார்.
* போலீஸ் நிர்வாக பிரிவு (பெங்களூரு) ஐ.ஜி. அம்ரீத் பால், கர்நாடக கிழக்கு மண்டல (தாவணகெரே) ஐ.ஜி.யாக செயல்படுவார்.
* கர்நாடக தெற்கு மண்டல (மைசூரு) போலீஸ் ஐ.ஜி. உமேஷ் குமார், பெங்களூரு மேற்கு மண்டல கூடுதல் போலீஸ் கமிஷனராக பணி இடமாற்றம் செய்யப்பட்டு உள்ளார்.
* பெங்களூரு மேற்கு மண்டல கூடுதல் போலீஸ் கமிஷனர் பி.கே.சிங், போலீஸ் துறை செயலாளராக செயல்படுவார்.
* கர்நாடக கிழக்கு மண்டல (தாவணகெரே) ஐ.ஜி. சவ்மீண்டு முகர்ஜி, பெங்களூருவில் உள்நாட்டு பாதுகாப்பு பிரிவு ஐ.ஜி.யாக பணி செய்ய உள்ளார்.
* கர்நாடக வடக்கு மண்டல (பெலகாவி) போலீஸ் ஐ.ஜி. ராகவேந்திர சுகாஷ், கர்நாடக தெற்கு மண்டல (மைசூரு) ஐ.ஜி.யாக செயல்படுவார்.
* பெங்களூருவில் போலீஸ் மற்றும் தீயணைப்பு பிரிவு டி.ஐ.ஜி.யாக இருந்த ரவிகாந்தே கவுடா, பெங்களூரு குற்றப்பிரிவு டி.ஐ.ஜி.யாக நியமிக்கப்பட்டு உள்ளார்.
* மைசூரு மாவட்ட போலீஸ் சூப்பிரண்டு அமித் சிங், பெங்களூருவில் ஊர்க்காவல் படை மற்றும் பொது பாதுகாப்பு பிரிவு கமாண்டோவாக மாற்றம் செய்யப்பட்டுள்ளார்.
* பெங்களூரு புறநகர் மாவட்ட போலீஸ் சூப்பிரண்டு ராம் நிவாஸ் செபட், பெங்களூரு ஊழல் தடுப்புபடை பிரிவு போலீஸ் சூப்பிரண்டாக பணி இடமாற்றம் செய்யப்பட்டு உள்ளார்.
* பெங்களூருவில் போலீஸ் நிர்வாக பிரிவு துணை போலீஸ் கமிஷனர் அனுசித், பெங்களூரு ரெயில்வே பிரிவு சூப்பிரண்டாக செயல்படுவார்.
* பெங்களூரு வளர்ச்சி வாரிய கண்காணிப்பு பிரிவு சூப்பிரண்டு ரமேஷ், பெங்களூரு மேற்கு மண்டல துணை போலீஸ் கமிஷனராக நியமிக்கப்பட்டு உள்ளார்.
* பெங்களூரு மேற்கு மண்டல துணை போலீஸ் கமிஷனர் ரவி டி.சன்னன்னவர் பெங்களூருவில் சி.ஐ.டி. பிரிவு சூப்பிரண்டாக பொறுப்பு ஏற்பார்.
* பெங்களூருவில் ரெயில்வே பிரிவு சூப்பிரண்டாக இருந்த பீமாசங்கர், பெங்களூரு வடகிழக்கு மண்டல துணை போலீஸ் கமிஷனராக செயல்படுவார்.
* பெங்களூருவில் ஊழல் தடுப்பு பிரிவு சூப்பிரண்டாக பணி செய்த ரிஷ்யாந்த், மைசூரு மாவட்ட சூப்பிரண்டாக பொறுப்பு ஏற்பார்.
* கர்நாடக ரிசர்வ் போலீஸ் பிரிவு 4-வது பட்டாலியன் கமாண்டோவாக இருக்கும் முகமது சுஜிதா, கோலார் தங்கவயல் சூப்பிரண்டாக பணி செய்வார்.
* பெங்களூருவில் ஊர்க்காவல் படை மற்றும் பொது பாதுகாப்பு பயிற்சி மைய கமாண்டோ சிவக்குமார், பெங்களூரு புறநகர் மாவட்ட சூப்பிரண்டாக நியமிக்கப்பட்டு இருக்கிறார்.
* பணி காத்திருப்பு பட்டியலில் இருந்த விஷ்ணுவர்தன், பெங்களூருவில் நிர்வாக பிரிவு துணை போலீஸ் கமிஷனராக செயல்படுவார்.
* பெங்களூருவில் வடகிழக்கு மண்டல துணை போலீஸ் கமிஷனர் கலா கிருஷ்ணசாமி, பெங்களூரு தடயஅறிவியல் ஆய்வக இயக்குனராக பொறுப்பு ஏற்பார்.
இந்த பணி இடமாற்ற உத்தரவு நேற்று முன்தினம் நள்ளிரவில் கர்நாடக அரசு வெளியிட்டது என்பது குறிப்பிடத்தக்கது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
