மனோன்மணியம் சுந்தரனார் பல்கலைக்கழகத்தில் தேர்வில் தோல்வியடைந்த மாணவர்களுக்கு சிறப்பு துணை தேர்வு பதிவாளர் தகவல்

நெல்லை, 

நெல்லை மனோன்மணியம் சுந்தரனார் பல்கலைக்கழகத்தில் தேர்வில் தோல்வியடைந்த மாணவர்களுக்கு சிறப்பு துணை தேர்வு நடத்தப்படுகிறது என பல்கலைக்கழக பதிவாளர் சந்தோஷ் பாபு தெரிவித்துள்ளார்.

இது குறித்து அவர் வெளியிட்டுள்ள செய்திக்குறிப்பில் கூறி இருப்பதாவது:-

சிறப்பு துணை தேர்வு

மனோன்மணியம் சுந்தரனார் பல்கலைக்கழகத்துக்கு உட்பட்ட கல்லூரிகளில் 2016-17-ம் ஆண்டில் இளநிலை (கலை, அறிவியல்்) இளநிலைப் பட்டப்படிப்பில் சேர்ந்து ஏப்ரல் மாதம் 2019-ம் ஆண்டு இறுதி தேர்வு எழுதிய மாணவர்களுக்கு முடிவுகள் அறிவிக்கப்பட்டு உள்ளன.

படிக்கும் காலத்தில் ஏதேனும் ஒரு பாடத்தில் மட்டும் தேர்ச்சி பெறாமல் இருந்தால், அவர்களுக்கு சிறப்பு துணை தேர்வு அடுத்த மாதம் (ஜூலை) 5, 6 ஆகிய தேதிகளில் நடத்தப்பட உள்ளது. தேர்வுக்குரிய தேதி மற்றும் நேரம் மாணவர்களின் ேதர்வு அனுமதி சீட்டில் ெதரிவிக்கப்படும். கல்லூரிகளில் மேலே குறிப்பிட்டுள்ள கல்வி ஆண்டிற்கு முன்னால் படித்த மாணவர்களுக்கு தனித்ேதர்வுக்கு அனுமதி இல்லை.இளநிலை மாணவர்கள் இன்று (வெள்ளிக்கிழமை) முதல் வருகிற 26-ந் தேதி(புதன்கிழமை) வரைwww.msuniv.ac.inஎன்ற இணையதளம் மூலம் விண்ணப்பிக்கலாம். தேர்வு கட்டணம் ரூ,1,000-த்தை இணையதளம் மூலம் செலுத்த வேண்டும்.

1-ந் தேதி முதல்...

மேற்கண்ட சிறப்பு துணை தேர்வு எழுதும் மாணவர்கள் அதற்குரிய அனுமதி சீட்டினை வருகிற 1-ந் தேதி முதல் பல்கலைக்கழக இணையதளம் மூலம் பதிவிறக்கம் செய்யலாம். தேர்வு பல்கலைக்கழகவளாகத்தில் நடைபெறும்.

இவ்வாறு அவர் தெரிவித்துள்ளார்.