மாவட்ட செய்திகள்

மோட்டார் சைக்கிள்கள் மோதல்: இளம்பெண் பலி + "||" + Motorcycles collide: teenager kills

மோட்டார் சைக்கிள்கள் மோதல்: இளம்பெண் பலி

மோட்டார் சைக்கிள்கள் மோதல்: இளம்பெண் பலி
திண்டுக்கல்லில், மோட்டார் சைக்கிள் மோதியதில் இளம்பெண் பரிதாபமாக இறந்தார். அவருடன் சென்ற நண்பர் உள்பட 2 பேர் படுகாயமடைந்தனர்.
திண்டுக்கல்,

திண்டுக்கல் கோவிந்தாபுரம் பள்ளிவாசல் தெருவை சேர்ந்தவர் இதயத்துல்லா. அவருடைய மகள் ஆரிபா (வயது 18). ஆர்.எம்.காலனியை சேர்ந்த முருகேசன் மகன் ஜெயப்பிரகா‌‌ஷ் (18). ஆரிபாவும், ஜெயப்பிரகாசும் நண்பர்கள். நேற்று முன்தினம் மாலையில் 2 பேரும் மோட்டார் சைக்கிளில் திண்டுக்கல்-பழனி சாலையில் சென்றுகொண்டிருந்தனர்.


அப்போது அந்த வழியாக கிழக்கு கோவிந்தாபுரத்தை சேர்ந்த சுப்புராமன் (48) என்பவர் ஓட்டி வந்த மோட்டார் சைக்கிள் மீது எதிர்பாராதவிதமாக ஜெயப்பிரகா‌‌ஷ் ஓட்டி வந்த மோட்டார் சைக்கிள் மோதியது.

இதில் மோட்டார் சைக்கிளில் இருந்து தூக்கி வீசப்பட்ட ஆரிபாவுக்கு தலையில் பலத்த காயம் ஏற்பட்டது.

இதேபோல் ஜெயப்பிரகா‌‌ஷ், சுப்புராமன் ஆகியோர் படுகாயமடைந்தனர். இதையடுத்து அக்கம்பக்கத்தினர் 3 பேரையும் மீட்டு சிகிச்சைக்காக திண்டுக்கல் அரசு மருத்துவமனையில் சேர்த்தனர். இதில் மேல்சிகிச்சைக்காக மதுரை அரசு மருத்துவமனைக்கு ஆரிபா கொண்டு செல்லப்பட்டார். அங்கு சிகிச்சை பலனின்றி ஆரிபா நேற்று பரிதாபமாக இறந்தார்.

திண்டுக்கல் அரசு மருத்துவமனையில் ஜெயப்பிரகாசுக்கும், சுப்புராமனுக்கும் தீவிர சிகிச்சை அளிக்கப்பட்டு வருகிறது. இது தொடர்பாக திண்டுக்கல் வடக்கு போலீசார் வழக்குப்பதிவு செய்து விசாரணை நடத்தி வருகின்றனர்.

தொடர்புடைய செய்திகள்

1. மோட்டார் சைக்கிள்கள் மோதல்: கல்லூரி மாணவர்- தொழிலாளி பலி - சுரண்டை அருகே பரிதாபம்
சுரண்டை அருகே மோட்டார் சைக்கிள்கள் மோதிக் கொண்டதில் கல்லூரி மாணவரும், தொழிலாளியும் பரிதாபமாக பலியானார்கள். இதுகுறித்து போலீஸ் தரப்பில் கூறப்பட்டதாவது:-
2. கோவில்பட்டி அருகே, மோட்டார் சைக்கிள்கள் மோதல்; மாணவன் பலி - நண்பர் படுகாயம்
கோவில்பட்டி அருகே மோட்டார் சைக்கிள்கள் மோதியதில் மாணவன் உயிரிழந்தான். அவனுடைய நண்பர் படுகாயம் அடைந்தார்.
3. நெல்லை அருகே, மோட்டார் சைக்கிள்கள் மோதல்; போலீஸ்காரர் பலி
நெல்லை அருகே மோட்டார் சைக்கிள்கள் மோதிக்கொண்ட விபத்தில் போலீஸ்காரர் பரிதாபமாக இறந்தார்.
4. மோட்டார் சைக்கிள்கள் நேருக்கு நேர் மோதல்: சிறுவன் பரிதாப சாவு
நெல்லை பேட்டையில் மோட்டார் சைக்கிள்கள் நேருக்கு நேர் மோதிய விபத்தில் காயம் அடைந்த சிறுவன் பரிதாபமாக இறந்தான்.
5. இறுதிச்சடங்கில் கலந்து கொள்ள வந்தபோது மோட்டார்சைக்கிள்கள் மோதலில் பாதிரியார் பலி
போளூர் அருகே மோட்டார்சைக்கிள்கள் மோதிக்கொண்ட விபத்தில் பாதிரியார் பலியானார். மற்றொரு பாதிரியார் உள்பட 2 பேர் படுகாயம் அடைந்தனர்.