மாவட்ட செய்திகள்

திருக்கனூர் அருகே மனைவி, மகனை மிரட்ட தீக்குளித்த தொழிலாளி சாவு + "||" + To intimidate wife and son The worker who died in the fire died

திருக்கனூர் அருகே மனைவி, மகனை மிரட்ட தீக்குளித்த தொழிலாளி சாவு

திருக்கனூர் அருகே மனைவி, மகனை மிரட்ட தீக்குளித்த தொழிலாளி சாவு
திருக்கனூர் அருகே மனைவி, மகனை மிரட்டுவதற்காக தீக்குளித்த தொழிலாளி, பரிதாபமாகச் செத்தார்.
திருக்கனூர்,

உளுந்தூர்பேட்டையை சேர்ந்தவர் கலியமூர்த்தி (வயது 50), இவருடைய மனைவி சித்ரா (41). இவர்களுக்கு செல்வக்குமார் (26) என்ற மகன் உள்ளார். கலியமூர்த்தி கடந்த சில ஆண்டுகளாக புதுச்சேரி மாநிலம் திருக்கனூர் அருகே உள்ள செல்லிப்பட்டில் உள்ள ஒரு செங்கல்சூளையில் தங்கி, தொழிலாளியாக வேலை பார்த்து வந்தார்.


இந்த நிலையில் கலியமூர்த்தி சரிவர வேலைக்கு செல்லாமல் அடிக்கடி மதுகுடித்து வந்தார். அதனை அவருடைய மனைவி சித்ராவும், மகன் செல்வக்குமாரும் கண்டித்தனர்.

சம்பவத்தன்றும் அதேபோல் கலியமூர்த்தி செங்கல்சூளை வேலைக்கு செல்லாமல், மதுகுடித்துவிட்டு வந்தார். அதனை அறிந்த அவருடைய மனைவியும், மகனும் அவரை கண்டித்தனர். அதனால் அவர்களிடம் வாக்குவாதம் செய்த கலியமூர்த்தி அவர்களை மிரட்டுவதற்காக தீக்குளிக்கப்போவதாக கூறி மண்எண்ணையை தனது உடலில் ஊற்றி தீவைத்துக்கொண்டார். இதில் அவருடைய உடல் முழுவதும் தீ பரவியதால் வேதனை தாங்காமல் அவர் அலறினார்.

அதனைப்பார்த்து அவருடைய மனைவி மற்றும் மகன் அதிர்ச்சி அடைந்து உடனடியாக அவரை மீட்டு புதுச்சேரி அரசு ஆஸ்பத்திரியில் சேர்த்தனர். பின்னர் மேல் சிகிச்சைக்காக ஜிப்மர் ஆஸ்பத்திரியில் சேர்க்கப்பட்டார். அங்கு அவருக்கு தீவிர சிகிச்சை அளிக்கப்பட்டு வந்தது. இந்த நிலையில் சிகிச்சை பலன் இல்லாமல் கலியமூர்த்தி பரிதாபமாகச் செத்தார்.

இது குறித்து திருக்கனூர் போலீஸ் சப்-இன்ஸ்பெக்டர் வேலு மற்றும் போலீசார் வழக்கு பதிவு செய்து விசாரணை நடத்தி வருகிறார்கள்.

தொடர்புடைய செய்திகள்

1. திண்டிவனம் அருகே, மனைவியை அடித்து துன்புறுத்திய அடகு கடைக்காரருக்கு 7 ஆண்டு சிறை - விழுப்புரம் கோர்ட்டில் தீர்ப்பு
திண்டிவனம் அருகே மனைவியை அடித்து துன்புறுத்திய அடகு கடைக்காரருக்கு 7 ஆண்டு சிறை தண்டனை விதித்து விழுப்புரம் கோர்ட்டில் தீர்ப்பு கூறப்பட்டது.
2. பாவூர்சத்திரம் அருகே பயங்கரம்: மனைவி உயிரோடு எரித்துக்கொலை - கூலித்தொழிலாளி வெறிச்செயல்
பாவூர்சத்திரம் அருகே குடும்பத்தகராறில் மனைவியை கூலித்தொழிலாளி உயிரோடு எரித்துக்கொலை செய்தார். இந்த பயங்கர சம்பவம் தொடர்பாக போலீஸ் தரப்பில் கூறப்பட்டதாவது:-
3. நாகர்கோவிலில் பயங்கரம் தொழிலாளியை கல்லால் தாக்கி கொன்று விட்டு நாடகமாடிய மனைவி கைது
நாகர்கோவிலில் தொழிலாளியை கல்லால் தாக்கி கொன்று விட்டு நாடகமாடிய மனைவியை போலீசார் கைது செய்தனர்.
4. மனைவியை கொன்று உடலை கூறு போட்டவர் கைது
மனைவியை கொன்று உடலை கூறு போட்டவர் கைது செய்யப்பட்டார். மேலும் ஒரு வாரமாக ‘பிரிட்ஜ்’க்குள் வைத்திருந்தது அம்பலமாகி உள்ளது.
5. மனைவி, 3 குழந்தைகள் உள்பட 5 பேர் கொலை, தொழிலாளிக்கு தூக்கு தண்டனை - ஒசப்பேட்டே கோர்ட்டு பரபரப்பு தீர்ப்பு
பல்லாரியில் மனைவி, 3 குழந்தைகள் உள்பட 5 பேரை கொலை செய்த தொழிலாளிக்கு தூக்கு தண்டனை விதித்து ஒசப்பேட்டே கோர்ட்டு பரபரப்பு தீர்ப்பு கூறியுள்ளது.