மாவட்ட செய்திகள்

ஆளூர் ரெயில் நிலையத்தில் பதுக்கி வைத்திருந்த 800 கிலோ ரே‌ஷன் அரிசி பறிமுதல் + "||" + 800 kg of ration rice seized at Allur railway station

ஆளூர் ரெயில் நிலையத்தில் பதுக்கி வைத்திருந்த 800 கிலோ ரே‌ஷன் அரிசி பறிமுதல்

ஆளூர் ரெயில் நிலையத்தில் பதுக்கி வைத்திருந்த 800 கிலோ ரே‌ஷன் அரிசி பறிமுதல்
ஆளூர் ரெயில் நிலையத்தில் இருந்து கேரளாவுக்கு கடத்த பதுக்கி வைத்திருந்த 800 கிலோ ரே‌ஷன் அரிசியை அதிகாரிகள் பறிமுதல் செய்தனர்.
அழகியமண்டபம்,

குமரி மாவட்டத்தில் ரே‌ஷன் கடைகளில் இலவசமாக வழங்கப்படும் அரிசி, மானிய விலையில் வழங்கப்படும் மண்எண்ணெய் போன்றவற்றை சிலர் மலிவு விலைக்கு வாங்கி கேரளாவுக்கு கடத்தி சென்று அதிக விலைக்கு விற்பனை செய்து வருகிறார்கள். இதை தடுக்க மாவட்டத்தின் எல்லையில் போலீசார் சோதனை சாவடிகள் அமைத்து கண்காணித்து வருகிறார்கள். மேலும், வருவாய்துறை அதிகாரிகளும் ரோந்து சென்று கடத்தல் பொருட்களை பறிமுதல் செய்கிறார்கள்.


ஆனாலும், கடத்தல்காரர்கள் சொகுசு கார், அரசு பஸ் மற்றும் ரெயில் மூலம் நூதன முறையில் கடத்தலில் ஈடுபடுகிறார்கள். அவற்றையும் அதிகாரிகள் சோதனை நடத்தி பறிமுதல் செய்து வருகிறார்கள்.

இந்தநிலையில் நேற்று அதிகாலையில் பறக்கும்படை தனி தாசில்தார் சதானந்தன் தலைமையில் துணை தாசில்தார் அருள்லிங்கம், வருவாய் ஆய்வாளர் ரதன் ராஜ்குமார் ஆகியோர் ஆளூர் ரெயில் நிலையத்தில் ரோந்து பணியில் ஈடுபட்டனர். அப்போது, அங்கு கேரளாவுக்கு கடத்துவதற்காக 800 கிலோ ரே‌ஷன் அரிசி பதுக்கி வைத்திருந்தது கண்டுபிடிக்கப்பட்டது.

அந்த அரிசி மூடைகளை அதிகாரிகள் பறிமுதல் செய்து கோணம் அரசு குடோனில் ஒப்படைத்தனர்.

மேலும், கேரளாவுக்கு கடத்துவதற்காக அரிசியை பதுக்கி வைத்தது யார்? என்பது குறித்து விசாரணை நடத்தி வருகிறார்கள்.

தொடர்புடைய செய்திகள்

1. தாய்லாந்தில் இருந்து சென்னைக்கு விமானத்தில் கடத்தி வந்த குரங்கு, அணில், ஓணான் பறிமுதல்
தாய்லாந்தில் இருந்து சென்னைக்கு விமானத்தில் கடத்தி வந்த குரங்கு, அணில், ஓணான் ஆகியவற்றை சுங்க இலாகா அதிகாரிகள் பறிமுதல் செய்தனர். அவற்றை தாய்லாந்து நாட்டிற்கு திருப்பி அனுப்பி அதிகாரிகள் நடவடிக்கை எடுத்தனர்.
2. குழந்தை கடத்தல் வழக்கில் மேலும் ஒரு பெண் அதிரடி கைது கர்ப்பிணியாக நடித்து நாடகமாடியது பற்றி பரபரப்பு வாக்குமூலம்
சென்னையில் குழந்தை கடத்தப்பட்ட வழக்கில் போலீசார் நேற்று மேலும் ஒரு பெண்ணை அதிரடியாக கைது செய்தனர். குழந்தையை கடத்தியதாக முதலில் கைது செய்யப்பட்ட பெண், கர்ப்பிணியாக நடித்து தனது கணவரிடம் நாடகமாடியதாக பரபரப்பு வாக்குமூலம் கொடுத்துள்ளார்.
3. ஓசூர் வழியாக கடத்த முயன்ற ரூ.20 லட்சம் எரிசாராயம் பறிமுதல் 2 பேர் கைது
ஓசூர் வழியாக கடத்த முயன்ற ரூ.20 லட்சம் மதிப்பிலான எரிசாராயம் பறிமுதல் செய்யப்பட்டது. இது தொடர்பாக 2 பேரை போலீசார் கைது செய்தனர்.
4. சேலத்தில் 16 வயது சிறுமியை கடத்தி திருமணம் செய்த தொழிலாளி நண்பர்கள் 6 பேர் கைது
சேலத்தில் வெள்ளிப்பட்டறை தொழிலாளி 16 வயது சிறுமியை கடத்தி சென்று திருமணம் செய்தார். இதுதொடர்பாக நண்பர்கள் 6 பேரை போலீசார் கைது செய்தனர்.
5. இலங்கையில் இருந்து ராமநாதபுரத்திற்கு, தங்க கட்டிகளை கடத்தி நகைகளாக மாற்றிய கும்பல் சிக்கியது; 185 பவுன்-ரூ.10 லட்சம் பறிமுதல்
ராமநாதபுரம் மாவட்ட கடல்பகுதி வழியாக இலங்கையில் இருந்து தங்க கட்டிகளை கடத்தி வந்து அதனை நகைகளாக மாற்றிய கும்பல் சிக்கியது. இவர்களிடம் இருந்து 185 பவுன் நகைகள் மற்றும் ரூ.10 லட்சம் பறிமுதல் செய்யப்பட்டது.