மாவட்ட செய்திகள்

கட்சியை விட்டு பா.ஜனதா எம்.எல்.ஏ.க்கள் யாரும் விலக மாட்டார்கள்; எடியூரப்பா பேட்டி + "||" + BJP MLAs will not quit

கட்சியை விட்டு பா.ஜனதா எம்.எல்.ஏ.க்கள் யாரும் விலக மாட்டார்கள்; எடியூரப்பா பேட்டி

கட்சியை விட்டு பா.ஜனதா எம்.எல்.ஏ.க்கள் யாரும் விலக மாட்டார்கள்; எடியூரப்பா பேட்டி
பா.ஜனதா எம்.எல்.ஏ.க்கள் யாரும் கட்சியை விட்டு விலக மாட்டார்கள் என்று எடியூரப்பா கூறினார்.

பெங்களூரு,

கர்நாடகத்தில் காங்கிரஸ்–ஜனதா தளம் (எஸ்) கூட்டணி அரசு நடக்கிறது. குமாரசாமி முதல்–மந்திரியாக பணியாற்றி வருகிறார். இந்த நிலையில் காங்கிரஸ் கட்சியை சேர்ந்த எம்.எல்.ஏ.க்கள் ஆனந்த்சிங், ரமேஷ் ஜார்கிகோளி ஆகியோர் நேற்று முன்தினம் திடீரென ராஜினாமா செய்தனர். இதனால் கூட்டணி அரசுக்கு நெருக்கடி ஏற்பட்டுள்ளது. இதுகுறித்து கர்நாடக பா.ஜனதா தலைவர் எடியூரப்பா பெங்களூருவில் நேற்று நிருபர்களுக்கு பேட்டி அளிக்கையில் கூறியதாவது:–

ஆபரே‌ஷன் தாமரையை கையில் எடுத்துள்ளோம் என்று நாங்கள் கூறவில்லை. அவர்கள்காங்கிரஸ்–ஜனதா தளம் (எஸ்) ‘ரிவர்ஸ்’ ஆபரே‌ஷன் (பா.ஜனதா எம்.எல்.ஏ.க்களை இழுப்பது) செய்வதாக இருந்தால் செய்யட்டும்.

பா.ஜனதா எம்.எல்.ஏ.க்கள் யாரும் கட்சியை விட்டு விலக மாட்டார்கள். சட்டசபை கூட்டத்தின்போது, இந்த அரசுக்கு எதிராக நம்பிக்கையில்லா தீர்மானத்தை கொண்டுவரும் பேச்சுக்கே இடம் இல்லை.

நாங்கள், காங்கிரஸ்–ஜனதா தளம் (எஸ்) கட்சிகளை சேர்ந்த எம்.எல்.ஏ.க்கள் யாரையும் தொடர்பு கொள்ளவில்லை. சட்டசபை கூட்டம் வருகிற 12–ந் தேதி தொடங்குகிறது. இந்த கூட்டத்தில் என்னென்ன பிரச்சினைகளை கிளப்ப வேண்டும் என்பது குறித்து எங்கள் கட்சி எம்.எல்.ஏ.க்களுடன் ஆலோசனை நடத்துவேன்.  இவ்வாறு எடியூரப்பா கூறினார்.