நெல்லை அருகே மாட்டு வண்டி போட்டி

நெல்லை,

நெல்லை அருகே உள்ள நடுவக்குறிச்சி உடையார்குளம் புதிய சாமி சுடலை மாடசாமி கோவில் கொடை விழாவையொட்டி மாட்டு வண்டி, குதிரை வண்டி போட்டிகள் நேற்று நடுவக்குறிச்சி வீரராகவ பெருமாள் கோவில் திடலில் நடந்தது. நெல்லை மாநகர் மாவட்ட அ.தி.மு.க. செயலாளர் தச்சை கணேசராஜா கொடியசைத்து மாட்டு வண்டி போட்டிகளை தொடங்கி வைத்தார்.இதில் பெரிய மாட்டு வண்டிப்போட்டிகள், சின்ன மாட்டு வண்டி போட்டிகள் என தனித்தனியாக நடத்தப்பட்டன. மேலும் குதிரை வண்டி போட்டியும் நடந்தது.

பெரிய மாட்டு வண்டி போட்டியில் வெலங்குடி உதயம் துரைப்பாண்டியன் வண்டிக்கு முதல் பரிசும், கண்ணன் வண்டிக்கு 2-வது பரிசும், மேலபுத்தநேரி செல்வபெருமாள் வண்டிக்கு 3-வது பரிசும் கிடைத்தது. சின்ன மாட்டு வண்டி போட்டியில் வள்ளியூர் ஆனந்த் வண்டிக்கு முதல் பரிசும், நடுவக்குறிச்சி முண்டசாமி வண்டிக்கு 2-வது பரிசும், அனவரதநல்லூர் காவேரி அம்மாள் வண்டிக்கு 3-வது பரிசும் கிடைத்தது.

குதிரை வண்டி போட்டியில் வல்லநாடு விநாயகம் வண்டிக்கு முதல் பரிசும், அமைச்சர் கடம்பூர் ராஜூ வண்டிக்கு 2-வது பரிசும், தச்சநல்லூர் சதீஷ் வண்டிக்கு 3-வது பரிசும் கிடைத்தது. வெற்றி பெற்ற வண்டிகளின் உரிமையாளர்களுக்கு நெல்லை மாநகர் மாவட்ட அ.தி.மு.க. செயலாளர் தச்சை கணேசராஜா பரிசு வழங்கினார். விழாவில் கட்சி நிர்வாகிகள் உள்பட பலர் கலந்துகொண்டனர்.