வானவில் : ஓரியண்டின் ‘ஐ லவ்’ எல்.இ.டி. பல்புகள்

கண்களை பாதுகாப்பதால் இதற்கு ஐ லவ் ( EyeLuv ) என பெயர் சூட்டியுள்ளது இந்நிறுவனம். இந்த பல்பில் பிளிக்கர் கண்ட்ரோல் தொழில்நுட்பம் புகுத்தப்பட்டுள்ளது. அதாவது பல்புகள் மின்னும். இத்தகைய மின்னும் (சிமிட்டல்) தன்மையானது கண்களுக்கு பாதிப்பு ஏற்படுத்தும். கண்ணுக்குப் புலப்படாத அதேசமயம் கண்களை பாதிக்கும் வகையிலான மின்னும் தன்மை இந்த பல்பில் கிடையாது. பொதுவாக எல்.இ.டி. விளக்குகளில் கண்களுக்கு சோர்வை ஏற்படுத்தும், பல அம்சங்கள் உள்ளன. ஆனால் இந்த பல்பில் அவை அனைத்தும் கிடையாது. இதனால் நாள் முழுவதும் உற்சாகமாக பணியாற்றலாம். சிமிட்டும் தன்மையானது 100 ஹெர்ட்ஸுக்கு குறைவாக இருந்தால் அது சிமிட்டும்போது அது கண்களுக்குப் புலப்படும். 100 ஹெர்ட்ஸுக்கு அதிகமாக இருக்கும்போது பல்பு பிளிக்கர் ஆவது தெரியாது. பல்புகள் சிமிட்டுவதை செல்போனில் உள்ள கேமரா மூலம் வீடியோவாக எடுத்துப் பார்த்தால் சிமிட்டல் நன்கு புலப்படும். இந்த சிமிட்டலானது சிலசமயம் ஒளி வரி கீற்றாகவும், சில சமயம் வலுவான சிமிட்டலாகவும் இருக்கும். பேட்டன் மற்றும் லுமினெஸ் என இரண்டு வகைகளில் வந்துள்ளது.