மாவட்ட செய்திகள்

நம்பிக்கை வாக்கெடுப்பில் கூட்டணி அரசு தோல்வி அடையும் எடியூரப்பா சொல்கிறார் + "||" + In a trust vote The coalition government will fail Says Yeddyurappa

நம்பிக்கை வாக்கெடுப்பில் கூட்டணி அரசு தோல்வி அடையும் எடியூரப்பா சொல்கிறார்

நம்பிக்கை வாக்கெடுப்பில் கூட்டணி அரசு தோல்வி அடையும் எடியூரப்பா சொல்கிறார்
நம்பிக்கை வாக்கெடுப்பில் கூட்டணி அரசு தோல்வி அடையும் என்பதில் 100 சதவீதம் நம்பிக்கை உள்ளது என்று எடியூரப்பா தெரிவித்தார்.
பெங்களூரு,

கர்நாடக சட்டசபையில் நம்பிக்கை ஓட்டெடுப்பு தீர்மானத்தின் மீது விவாதம் நடந்தது. முன்னதாக இந்த கூட்டத்தில் கலந்துகொள்ள பா.ஜனதா எம்.எல்.ஏ.க்கள் எலகங்கா அருகே உள்ள சொகுசுவிடுதியில் இருந்து பஸ்சில் விதானசவுதாவுக்கு வந்தனர். அவர்களுடன் அக்கட்சியின் தலைவரும், சட்டசபை எதிர்க்கட்சி தலைவருமான எடியூரப்பா வந்தார்.


அவர் நிருபர்களுக்கு அளித்த பேட்டியின் போது கூறியதாவது:-
கூட்டணி அரசு கவிழுமா என்பது எனக்கு தெரியாது. ஆனால் சட்டசபையில் எங்களது பலம் 105 ஆக உள்ளது. அதே வேளையில் கூட்டணி அரசின் பலம் 100 ஆக உள்ளது. எனவே நம்பிக்கை வாக்கெடுப்பில் கூட்டணி அரசு தோல்வி அடைவது உறுதி. இதில் 100 சதவீதம் நம்பிக்கை உள்ளது. இவ்வாறு அவர் கூறினார்.

இதைதொடர்ந்து கூட்டணி அரசின் பலம் குறைவாக இருப்பதால் நம்பிக்கை வாக்கெடுப்புக்கு முன் குமாரசாமி முதல்-மந்திரி பதவியை ராஜினாமா செய்வாரா? என எடியூரப்பாவிடம் நிருபர்கள் கேள்வி எழுப்பினர்.

அதற்கு அவர் பதில் அளிக்கையில், “பொறுத்திருந்து பாருங்கள்“ எனக் கூறினார்.

அதுபோல் காங்கிரசை சேர்ந்த (காக்வாட் தொகுதி) எம்.எல்.ஏ. ஸ்ரீமந்த்பட்டீல் மும்பையில் தனிக்காவலில் வைக்கப்பட்டு உள்ளதாக கூறப்படுகிறதே? என நிருபர்கள் கேட்டனர்.

அதற்கு எடியூரப்பா, “அவர் பற்றி எனக்கு எந்த தகவலும் தெரியாது“ என்றார்.

தொடர்புடைய செய்திகள்

1. கர்நாடக சட்டசபையில் கூட்டணி அரசுக்கு எதிராக நம்பிக்கையில்லா தீர்மானம்? எடியூரப்பா பரபரப்பு பேட்டி
கர்நாடக சட்டசபையில் கூட்டணி அரசுக்கு எதிராக நம்பிக்கையில்லா தீர்மானம் கொண்டுவரப்படுமா? என்பதற்கு எடியூரப்பா பரபரப்பு பேட்டி அளித்துள்ளார்.
2. கூட்டணி அரசு கவிழ்ந்தால் ஆட்சி அமைப்போம்; கர்நாடக பா.ஜனதா தலைவர் எடியூரப்பா பேட்டி
கர்நாடகத்தில் கூட்டணி அரசு கவிழ்ந்தால் நாங்கள் ஆட்சி அமைப்போம் என்று கர்நாடக பா.ஜனதா தலைவர் எடியூரப்பா கூறினார்.
3. கூட்டணி அரசு நீடிப்பது பற்றி அதிகாரிகளுக்கு சந்தேகம் வரக்கூடாது: துணை முதல்-மந்திரி பரமேஸ்வர் பேச்சு
கர்நாடகத்தில் கூட்டணி அரசு நீடிப்பது பற்றி அதிகாரிகளுக்கு சந்தேகம் வரக்கூடாது என்று துணை முதல்-மந்திரி பரமேஸ்வர் கூறினார்.
4. நாடாளுமன்ற தேர்தலில் பா.ஜனதா அமோக வெற்றி எதிரொலி : கர்நாடகத்தில் கூட்டணி அரசு தப்புமா?
நாடாளுமன்ற தேர்தலில் கர்நாடகத்தில் பா.ஜனதா அமோக வெற்றி பெற்றுள்ளதால், கூட்டணி அரசு தப்புமா? என்ற கேள்வி எழுந்துள்ளது.

ஆசிரியரின் தேர்வுகள்...