<
பணகுடி அருகே கேரள கழிவுகளை கொட்டிய மினிலாரி பறிமுதல் டிரைவர் கைது
பணகுடி அருகே கேரள கழிவுகளை கொட்டிய மினிலாரியை போலீசார் பறிமுதல் செய்தனர். டிரைவரையும் கைது செய்தனர்.
பணகுடி,
நெல்லை மாவட்டம் பணகுடி அருகே உள்ள சண்முகபுரம் மடத்தான் காட்டுப்பகுதியில் நேற்று ஒரு மினிலாரி இறைச்சி மற்றும் மருத்துவக்கழிவுகளை கொட்டிக் கொண்டிருந்தது. இதுகுறித்து தகவலறிந்த அப்பகுதி மக்கள் சம்பவ இடத்திற்கு விரைந்து சென்று அந்த மினிலாரியை சிறைபிடித்தனர்.
மேலும் இதுகுறித்து பணகுடி போலீசாருக்கு தகவல் தெரிவித்தனர். அதன்பேரில் போலீசார் சம்பவ இடத்திற்கு விரைந்து வந்து லாரி டிரைவரை பிடித்து விசாரணை நடத்தினர்.
விசாரணையில், அவர் கன்னியாகுமரி மாவட்டம் களியக்காவிளையை சேர்ந்த பிஜூ (வயது 39) என்பதும், அவர் கேரளாவில் இருந்து இறைச்சி மற்றும் மருத்துவக்கழிவுகளை மினிலாரியில் ஏற்றி வந்து இந்த பகுதியில் கொட்டியதும் தெரியவந்தது.
இதுகுறித்து போலீசார் வழக்குப்பதிவு செய்து, பிஜூவை கைது செய்தனர். மேலும் மினிலாரியை பறிமுதல் செய்து, விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
