மாவட்ட செய்திகள்

குன்னத்தூர் அருகே கணவர் இறந்த அதிர்ச்சியில் பெண் சாவு; கடைசி பயணத்திலும் பிரியாத தம்பதி + "||" + The shock of her husband's death The woman dies

குன்னத்தூர் அருகே கணவர் இறந்த அதிர்ச்சியில் பெண் சாவு; கடைசி பயணத்திலும் பிரியாத தம்பதி

குன்னத்தூர் அருகே கணவர் இறந்த அதிர்ச்சியில் பெண் சாவு; கடைசி பயணத்திலும் பிரியாத தம்பதி
குன்னத்தூர் அருகே கணவர் இறந்த அதிர்ச்சியில் பெண் மயங்கி விழுந்து இறந்தார். கடைசி பயணத்திலும் இணை பிரியாத தம்பதியை நினைத்து கிராம மக்கள் நெகிழ்ச்சி அடைந்தனர்.

குன்னத்தூர்,

திருப்பூர் மாவட்டம் குன்னத்தூர் அருகே கணபதிபாளையத்தை சேர்ந்தவர் சின்னச்சாமி (வயது 65). விவசாயி. இவருடைய மனைவி புஷ்பாத்தாள் (60). இவர்களது மகள் செல்வி(35). இவருக்கு திருமணம் ஆகி வெளியூரில் வசித்து வருகிறார். இந்த நிலையில் நேற்று முன்தினம் சின்னச்சாமிக்கு திடீரென்று நெஞ்சு வலி ஏற்பட்டு உள்ளது.

உடனே அவரை அக்கம், பக்கத்தினர் மீட்டு சிகிச்சைக்காக குன்னத்தூர் தனியார் மருத்துவமனையில் சேர்த்தனர். அங்கு முதலுதவி சிகிச்சைக்கு பிறகு மேல் சிகிச்சைக்காக கோபியில் உள்ள தனியார் மருத்துவமனைக்கு அழைத்து செல்ல முயன்றனர். அப்போது அவர் இறந்து விட்டார். இதையடுத்து அவரது உடல் வீட்டுக்கு எடுத்து செல்லப்பட்டு இறுதி சடங்குக்காக உறவினர்களுக்கு தகவல் சொல்லி அனுப்பப்பட்டது.

இந்த நிலையில் கணவர் இறந்ததை அறிந்து அவருடைய மனைவி புஷ்பத்தாள் அதிர்ச்சி அடைந்து கதறி அழுதார். வீட்டுக்கு கொண்டு வரப்பட்ட கணவரின் உடலில் விழுந்து அவர் கதறி அழுதார். அப்போது திடீரென்று அவர் மயங்கி விழுந்தார். உடனே அங்கு நின்றிருந்த உறவினர்கள் புஷ்பத்தாளை தூக்கி தண்ணீரை தெளித்தனர். ஆனால் அவர் எழுந்திரிக்கவில்லை. அவரும் இறந்தது விட்டது தெரிய வந்தது. இதனால் அவரது மகள் மற்றும் உறவினர்கள் அதிர்ச்சி அடைந்தனர்.

இது பற்றி அறிந்த அந்த கிராமத்தினர் சாவிலும் இணை பிரியாத தம்பதிக்கு இறுதி அஞ்சலி செலுத்தினர். பின்னர் 2 பேரின் உடல்களும் கோபிக்கு கொண்டு செல்லப்பட்டு அங்குள்ள மின்மயானத்தில் தகனம் செய்யப்பட்டது. கணவர் இறந்த அதிர்ச்சியில் மனைவியும் இறந்தது அந்த பகுதியில் பெரும் சோகத்தை ஏற்படுத்தி உள்ளது.


தொடர்புடைய செய்திகள்

1. அமெரிக்காவில் ஆற்றில் மூழ்கி இந்திய மாணவர்கள் 2 பேர் பலி
அமெரிக்காவின் டெக்சாஸ் மாகாணம் அர்லிங்டோன் நகரில் உள்ள டெக்சாஸ் பல்கலைக்கழகத்தில் இந்தியாவை சேர்ந்த அஜய்குமார் கோயல்முடி (வயது 23) மற்றும் தேஜா கவுசிக் (22) ஆகிய இருவரும் பொறியியல் பட்டப்படிப்பு படித்து வந்தனர்.
2. ஆத்தூர் அருகே, கார் கவிழ்ந்தது: தங்கை திருமணத்திற்கு சென்ற என்ஜினீயர் விபத்தில் பலி - தாயார் உள்பட 3 பேர் படுகாயம்
ஆத்தூர் அருகே கார் கவிழ்ந்து விபத்துக்குள்ளானதில் தங்கை திருமணத்திற்கு சென்ற என்ஜினீயர் பரிதாபமாக இறந்தார். தாயார் உள்பட 3 பேர் படுகாயம் அடைந்தனர். இந்த சோக சம்பவம் குறித்து போலீஸ்தரப்பில் கூறப் பட்டதாவது:-
3. தென்னிலை அருகே லாரி மோதியதில் சரக்கு வேனில் சென்ற 2 பேர் பலி 7 பேர் படுகாயம்
தென்னிலை அருகே லாரி மோதியதில் சரக்கு வேனில் சென்ற 2 பேர் பரிதாபமாக இறந்தனர். மேலும் 7 பேர் படுகாயமடைந்தனர்.
4. ஏரியூர் அருகே, காவிரி ஆற்றில் மூழ்கி 2 மாணவிகள் பலி
ஏரியூர் அருகே பாட்டியுடன் துணிதுவைக்க சென்றபோது காவிரி ஆற்றில் மூழ்கி 2 மாணவிகள் பரிதாபமாக இறந்தனர்.
5. கொடுமுடி அருகே காவிரி ஆற்றில் மூழ்கி வாலிபர் சாவு; நண்பர்களுடன் குளித்தபோது பரிதாபம்
கொடுமுடி அருகே நண்பர்களுடன் காவிரி ஆற்றில் குளித்தபோது தண்ணீரில் மூழ்கி வாலிபர் பரிதாபமாக இறந்தார்.