மாவட்ட செய்திகள்

தொலைத் தொடர்பு நிறுவன கட்டிடத்தில் தீ விபத்து: கட்டிடங்கள் தணிக்கையில் ஊழல் -அசோக் சவான் குற்றச்சாட்டு + "||" + Ashok Chavan alleges corruption in auditing of buildings

தொலைத் தொடர்பு நிறுவன கட்டிடத்தில் தீ விபத்து: கட்டிடங்கள் தணிக்கையில் ஊழல் -அசோக் சவான் குற்றச்சாட்டு

தொலைத் தொடர்பு நிறுவன கட்டிடத்தில் தீ விபத்து: கட்டிடங்கள் தணிக்கையில் ஊழல் -அசோக் சவான் குற்றச்சாட்டு
மும்பையில் 9 மாடி தொலை தொடர்பு நிறுவன கட்டிடத்தில் ஏற்பட்ட தீவிபத்து சம்பவத்தின் எதிரொலியாக கட்டிடங்கள் தணிக்கையில் ஊழல் நடந்துள்ளதாக அசோக் சவான் குற்றம்சாட்டினார்.
மும்பை,

மத்திய அரசின் மகாநகர் டெலிகாம் நிகம் லிமிடெட்(எம்.டி.என்.எஸ்) நிறுவனம் மும்பை பாந்திரா, எஸ்.வி. சாலையில் உள்ள 9 மாடி கட்டிடத்தில் செயல்பட்டு வருகிறது.

நேற்று இந்த கட்டிடத்தில் தீவிபத்து ஏற்பட்டது. கட்டிடத்தில் இருந்த ஊழியர்கள் பலத்த போராட்டத்திற்கு பின்பு மீட்கப்பட்டனர்.

இதுகுறித்து காங்கிரஸ் மூத்த தலைவர் அசோக் சவான் கூறியதாவது:-

தீவிபத்து ஏற்பட்ட கட்டிடத்தின் தீ தடுப்பு தணிக்கை கடந்த ஆண்டு தான் மேற்கொள்ளப்பட்டதாக தெரிகிறது. இது உண்மை என்றால் தீவிபத்தின்போது கட்டிடத்தில் சிக்கியவர்களை மீட்பது ஏன் இவ்வளவு கடினமாக மாறியது என்பதை மக்கள் அறிந்துகொள்ளவேண்டும். கட்டிடத்தின் சிறிய அளவிலான ஜன்னல்கள் மற்றும் அடைக்கப்பட்ட கட்டிட அமைப்பின் காரணமாகவே தீயணைப்பு படையினர் இத்தகைய சிரமங்களை சந்தித்தனர். இது மிகவும் தீவிரமான பிரச்சினையாகும்.

சமீபத்தில் ஏற்பட்ட கட்டிட இடிபாடு சம்பவங்கள், தீவிபத்து சம்பவங்கள், தீ தடுப்பு தணிக்கை அல்லது கட்டிட கட்டுமான தணிக்கையில் நடந்துள்ள மிகப்பெரிய ஊழலுக்கு இது சான்றாகும். மும்பை மாநகராட்சி இதற்கான பொறுப்பை ஏற்றுக்கொள்ளவேண்டும்.

இவ்வாறு அவர் கூறினார்.

சமீபத்தில் மும்பை டோங்கிரி பகுதியில் கட்டிடம் இடிந்து விழுந்த விபத்தில் 13 பேர் உயிரிழந்தது குறிப்பிடத்தக்கது.

தொடர்புடைய செய்திகள்

1. மும்பையில், கர்நாடக எம்.எல்.ஏ.க்களை தங்க வைத்து ஜனநாயக படுகொலைக்கு மராட்டிய அரசு உதவுகிறது - அசோக் சவான் குற்றச்சாட்டு
மும்பையில் கர்நாடக எம்.எல்.ஏ.க்களை தங்கவைத்து ஜனநாயக படுகொலைக்கு மராட்டிய அரசு உதவுவதாக அசோக் சவான் குற்றம் சாட்டியுள்ளார்.
2. மராட்டிய மாநில காங்கிரஸ் தலைவர் அசோக் சவான் ராஜினாமா ஏற்பு
மராட்டிய மாநில காங்கிரஸ் தலைவர் அசோக் சவானின் ராஜினாமா ஏற்கப்பட்டதாகவும், ஓரிரு நாளில் புதிய தலைவர் நியமிக்கப்படுவார் எனவும் தெரிவிக்கப்பட்டு உள்ளது.
3. மாநில காங்கிரஸ் தலைவர்கள் பதவியை ராஜினாமா செய்ய வேண்டும் : அசோக் சவான் கருத்து
நாடாளுமன்ற தேர்தல் தோல்வி காரணமாக மாநில காங்கிரஸ் தலைவர்கள் தங்களது பதவியை ராஜினாமா செய்ய வேண்டும் என்று அசோக் சவான் கருத்து தெரிவித்தார்.
4. மராட்டியத்தில் ‘காங்கிரஸ் தோல்விக்கு பொறுப்பு ஏற்கிறேன்’ அசோக் சவான் பேட்டி
மராட்டியத்தில் காங்கிரஸ் தோல்விக்கு பொறுப்பு ஏற்பதாக அசோக் சவான் கூறினார்.