<
கோவில்பட்டி அருகே, ரெயில் மோதி பால் வியாபாரி பலி
கோவில்பட்டி அருகே ரெயில் மோதி பால் வியாபாரி பலியானார்.
கோவில்பட்டி,
கோவில்பட்டியை அடுத்த தோட்டிலோவன்பட்டி ரெயில்வே தண்டவாளத்தில் நேற்று காலையில் வாலிபர் ஒருவர் ரெயில் மோதி இறந்து கிடந்தார். அந்த வழியாக சென்றவர்கள் இதனை பார்த்து அதிர்ச்சி அடைந்து, தூத்துக்குடி ரெயில்வே போலீசாருக்கு தகவல் தெரிவித்தனர்.
உடனே ரெயில்வே போலீஸ் சப்-இன்ஸ்பெக்டர் பெருமாள் மற்றும் போலீசார் சம்பவ இடத்துக்கு விரைந்து சென்றனர். ரெயில் மோதி இறந்தவரின் உடலை கைப்பற்றி பிரேத பரிசோதனைக்காக கோவில்பட்டி அரசு ஆஸ்பத்திரிக்கு அனுப்பி வைத்தனர். இதுகுறித்து போலீசார் வழக்குப்பதிவு செய்து விசாரணை நடத்தினர்.
போலீசாரின் விசாரணையில், ரெயில் மோதி இறந்தவர் கோவில்பட்டியை அடுத்த மந்திதோப்பு பெருமாள் கோவில் தெருவைச் சேர்ந்த முத்துசாமி மகன் காளிதாஸ் (வயது 34) என்பதும், பால் வியாபாரி என்பதும் தெரிய வந்தது. இவருக்கு குருவம்மாள் (30) என்ற மனைவியும், மதன பெருமாள் (1½) என்ற மகனும் உள்ளனர்.
காளிதாஸ் நேற்று முன்தினம் இரவில் தனது வீட்டுக்கு செல்லாமல் மாயமானார். எனவே அவர் ரெயில்வே தண்டவாளத்தை கடக்க முயன்றபோது, ரெயில் மோதி இறந்தாரா? அல்லது ரெயிலில் பாய்ந்து தற்கொலை செய்தாரா? அல்லது வேறு ஏதேனும் காரணமா? என பல்வேறு கோணங்களில் போலீசார் தீவிர விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
