<
மறைமலைநகர் அருகே சாலை விபத்தில் கல்லூரி மாணவர் உள்பட 2 பேர் பலி
மறைமலைநகர் அருகே மோட்டார் சைக்கிள் விபத்தில் கல்லூரி மாணவர் உள்பட 2 பேர் பரிதாபமாக பலியானார்கள்.
வண்டலூர்,
கேரள மாநிலத்தை சேர்ந்தவர் அந்தோணி (வயது 19). இவர் பொத்தேரியில் உள்ள தனியார் பொறியியல் கல்லூரியில் 2-ம் ஆண்டு படித்து வந்தார்.
இந்த நிலையில் நேற்று முன்தினம் இரவு அவர் மறைமலைநகர் அருகே மோட்டார் சைக்கிளில் சென்றபோது, சாலையோரமாக நின்று கொண்டிருந்த மினி லாரியின் மீது மோட்டார் சைக்கிள் பயங்கரமாக மோதியது. இதில் பலத்த காயமடைந்த அந்தோணி சம்பவ இடத்திலேயே துடிதுடித்து பரிதாபமாக இறந்தார்.
மற்றொரு சம்பவம்
காஞ்சீபுரம் மாவட்டம் சிங்கப்பெருமாள் கோவில் பகுதியை சேர்ந்தவர் சிவக்குமார் (49). இவர் நேற்று முன்தினம் சிங்கப்பெருமாள்கோவில் அருகே மோட்டார் சைக்கிளில் செல்லும்போது, சாலையின் குறுக்கே திடீரென நாய் வந்ததால் மோட்டார் சைக்கிளில் இருந்து நிலைதடுமாறி கீழே விழுந்தார். இதில், சிவகுமாருக்கு தலையில் பலத்த ஏற்பட்டது.
உடனே அக்கம் பக்கத்தினர் அவரை மீட்டு செங்கல்பட்டு அரசு ஆஸ்பத்திரியில் சிகிச்சைக்காக சேர்த்தனர். அங்கு சிகிச்சை பலனின்றி பரிதாபமாக உயிரிழந்தார். இந்த 2 சாலை விபத்துகள் குறித்தும் மறைமலைநகர் போலீசார் வழக்குப்பதிவு செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire