மாவட்ட செய்திகள்

நாகூரில் பிணமாக கிடந்த வாலிபர் ஆற்றில் அமுக்கி கொலை செய்யப்பட்டது அம்பலம் அக்கா கணவர் கைது + "||" + Corpse in Nagore Killing of the compressor in the plaintiff river Ambalam's sister's husband arrested

நாகூரில் பிணமாக கிடந்த வாலிபர் ஆற்றில் அமுக்கி கொலை செய்யப்பட்டது அம்பலம் அக்கா கணவர் கைது

நாகூரில் பிணமாக கிடந்த வாலிபர் ஆற்றில் அமுக்கி கொலை செய்யப்பட்டது அம்பலம் அக்கா கணவர் கைது
நாகூரில் பிணமாக கிடந்த வாலிபர் ஆற்றில் அமுக்கி கொலை செய்யப்பட்டது அம்பலமானது. இந்த கொலை தொடர்பாக அவரது அக்கா கணவரை போலீசார் கைது செய்தனர்.
நாகூர்,

நாகை மாவட்டம் நாகூர் வெட்டாற்றில் நேற்று முன்தினம் அடையாளம் தெரியாத ஆண் பிணம் மிதப்பதாக போலீசாருக்கு தகவல் கிடைத்தது. அதன் பேரில் சம்பவ இடத்திற்கு விரைந்து சென்ற இன்ஸ்பெக்டர் ராதாகிருஷ்ணன் மற்றும் போலீசார் ஆற்றில் மிதந்த உடலை கைப்பற்றி நாகை அரசு மருத்துவமனைக்கு பிரேத பரிசோதனைக்காக அனுப்பி வைத்தனர்.


இதுகுறித்து போலீசார் வழக்குப்பதிவு செய்து விசாரணை நடத்தி வந்தனர். இறந்தவரின் புகைப்படத்தை வாட்ஸ்-அப் மூலமாக பார்த்த அவரது குடும்பத்தினர் நாகூர் போலீஸ் நிலையத்திற்கு வந்தனர்.

இறந்து கிடந்தவர் திட்டச்சேரி அருகே உள்ள கீழகொத்தமங்கலம் கன்னியம்மன் கோவில் தெருவை சேர்ந்த கிட்டப்பா மகன் கார்த்தி (வயது 33) என்பது தெரிய வந்தது. பிரேத பரிசோதனை அறிக்கையில், இறந்த நபரின் தலையை பிடித்து ஆற்றுக்குள் அமுக்கி கொலை செய்தது தெரிய வந்தது.

இதனைத்தொடர்ந்து போலீசார் நடத்திய விசாரணையில் பல்வேறு திடுக்கிடும் தகவல்கள் வெளியானது. அதன் விவரம் வருமாறு:-

திருவாரூர் மாவட்டம் மாங்குடி சிவன் கோவில் தெருவை சேர்ந்தவர் மகேந்திரன்(34). லாரி டிரைவர். இவரது மனைவி ஜெயந்தி. கணவன்-மனைவிக்கு இடையே குடும்ப பிரச்சினை இருந்து வந்ததாக தெரிகிறது. இதனால் ஜெயந்தி கணவருடன் கோபித்துக்கொண்டு தனது தாய் வீட்டுக்கு சென்று விட்டார்.

இந்த நிலையில் ஜெயந்தியின் தம்பி கார்த்தியுடன் சேர்ந்து மது குடிப்பதற்காக மகேந்திரன், புதுச்சேரி மாநிலம் காரைக்கால் மாவட்டம் திருப்பட்டினத்திற்கு வந்துள்ளார். அங்கு மதுபாட்டிலை வாங்கிக்கொண்டு இருவரும் நாகூர் வெட்டாற்று பாலத்தின் அருகே அமர்ந்து குடித்துள்ளனர்.

அப்போது மகேந்திரன் தனது மனைவி ஜெயந்தியை தன்வீட்டுக்கு அனுப்பி வைக்குமாறு கார்த்தியிடம் கூறியுள்ளார். இதில் இருவருக்கும் இடையே வாய்த்தகராறு ஏற்பட்டுள்ளது. இதனால் ஆத்திரம் அடைந்த மகேந்திரன், கார்த்தியின் தலையை பிடித்து ஆற்றில் அமுக்கி கொலை செய்து விட்டு அங்கிருந்து தப்பி சென்று விட்டார்.

மேற்கண்ட தகவல் போலீசாரின் விசாரணையில் தெரிய வந்தது. இதனைத்தொடர்ந்து மகேந்திரனை கைது செய்த போலீசார் தொடர்ந்து அவரிடம் விசாரணை நடத்தி வருகின்றனர்.

தொடர்புடைய செய்திகள்

1. ராயப்பேட்டை வணிக வளாகத்தில் விஷவாயு தாக்கி வாலிபர் சாவு தம்பியை காப்பாற்றியவருக்கு நேர்ந்த சோகம்
ராயப்பேட்டை வணிக வளாகத்தில் கழிவுநீர் தொட்டியை சுத்தம் செய்தபோது மயங்கி விழுந்த தம்பியை காப்பாற்றிய வாலிபர் விஷவாயு தாக்கி பரிதாபமாக உயிரிழந்தார்.
2. காரில் கடத்தப்பட்ட 1,920 மதுபாட்டில்கள் பறிமுதல் வாலிபர் கைது
நாகூர் அருகே காரில் கடத்தப்பட்ட 1,920 மதுபாட்டில்களை பறிமுதல் செய்த போலீசார் இது தொடர்பாக வாலிபர் ஒருவரை கைது செய்து உள்ளனர்.
3. திருச்சி மாவட்ட ஆயுதப்படை மைதானத்தில் காவலர் உடல்தகுதி தேர்வில் ஆள்மாறாட்டம் செய்த வாலிபர் கைது
திருச்சி மாவட்ட ஆயுதப்படை மைதானத்தில் நடந்த காவலர் உடல் தகுதி தேர்வில் ஆள்மாறாட்டம் செய்த வாலிபரை போலீசார் கைது செய்தனர்.
4. முகநூல் உதவியால் 12 ஆண்டுகளுக்கு முன்பு மாயமான வாலிபர் மீட்பு பெற்றோரிடம் ஒப்படைப்பு
12 ஆண்டுகளுக்கு முன்பு மாயமான வாலிபர் முகநூல் உதவியால் மீட்கப்பட்டார். நேற்று அவர் பெற்றோரிடம் ஒப்படைக்கப்பட்டார்.
5. கழுத்தை அறுத்து வாலிபர் கொலை தனக்கு வைத்திருந்த மதுவை எடுத்து குடித்ததால் நண்பர் ஆத்திரம்
தனக்கு வைத்திருந்த மதுவை எடுத்து குடித்ததால் நண்பரின் கழுத்தை அறுத்து கொன்றவர் கைது செய்யப்பட்டார்.